地點:灣仔會展/時間:3月20日

前排陳法拉同Neway 太子爺薛世恆嘅婚訊傳到鬧哄哄,雖然嫁唔嫁得入豪門都未知,但深得奶奶歡心嘅法拉,似乎坐定笠六做薛太,聽聞仲已經影咗婚紗相添!

不過,法拉輯婚紗私相就未有得睇住,前幾日佢同馬浚偉預演嘅婚紗騷,就蝦碌百出喇!點解會有婚紗騷?皆因法拉同馬仔最近雙雙榮升婚紗公司代言人,唔知係咪太緊張喇,行騷期間,法拉唔覺意露咗個Nube Bra出嚟,認真失禮,不過見慣大場面嘅法拉一啲都唔慌張,仲識得以笑遮醜,叻女!

不過講開又講,陳法拉同馬仔都曾經被指是「迷雲黨」,尤其是馬仔,更被指是忠心黨員,但係家陣風頭火勢,仍然繼續有咁多工作,成功解破「迷雲陣」,真係可喜可賀,唔怪得婚紗騷當日,兩人合巹交杯都忍唔住笑喇,真係開心過執金呀!


同法拉扮情侶行婚紗騷,男方盡量投入配合,可惜女方忽然露Nube Bra(紅圈)大煞風景,搞到馬仔鬼咁尷尬。




笑到要搵手遮住個口,莫非法拉諗起今次行騷酬豐厚,好似執金咁開心?


法拉一起婚紗就笑唔停口,如果第日真係嫁得出,一定對住薛世恆笑甩牙。


最後一幕合巹交杯,祝法拉同馬仔繼續孖住上搵錢,唔好受陳志雲事件影響變咗棄將就好喇!


被指是迷雲黨員嘅馬仔同法拉,呢日雙雙行騷賺外快,成功破解迷雲陣。


法拉玉背又白又滑,但馬仔似乎對法拉個心口有興趣多啲,淨係呢張相,返屋企實聽畀女朋友扭耳仔喇!

arrow
arrow
    全站熱搜

    stacylife 發表在 痞客邦 留言(0) 人氣()