去年羽翹事業大豐收，第一次出碟、出寫真、開迷你個唱，更認識了不少知心好友！回顧這一年，接近一個月的失聲經驗讓羽翹最難忘，亦令她學懂更珍惜聲線。
羽翹去年開個唱前突然失聲，無辦法下惟有打開聲針救亡，但注射劑或會導致有後遺症。
○九年在樂壇作出多個的「第一次」而得到好回響，表現興奮的羽翹不忘感激公司支持，不再是新人的她期望事業再下一城：「希望開大型Concert、fans人數愈來愈多、YouTube片多人睇！」
靠針灸治療
回憶去年發生的大事，在迷你個唱前失聲一事令她感受最深，她說：「因為氣管敏感失聲，一個月都講唔到嘢。」趕出碟，加上個唱在即，羽翹決定打開聲針：「醫生話呢支針一生人只可以打七次，可能有高血壓、骨質疏鬆、腎衰竭呢啲後遺症。失聲冇周圍講，唔想人哋覺得我唔得，每晚瞓落床都會擔心到喊。」完成個唱後她經陳偉霆介紹進行針灸治療，四次療程後正式復原，經此一役羽翹對聲線更加愛錫。
網上教化妝
近年羽翹上載到YouTube的自彈自唱及教化妝短片大受歡迎，公司更打算於今年書展為她推出化妝書或DVD，她說：「帶挈多咗化妝品牌搵我做Makeup Demo同埋廣告商搵我拍嘢，其實最初我只係影相放上Blog，不過fans話睇唔明，所以我就拍片擺上YouTube，估唔到咁受歡迎。」而彈唱短片亦深受fans追捧，羽翹笑言備受追捧之下造型不可敷衍了事，不能再以當初的黑框眼鏡睡衣Look出鏡。
為了歌唱事業羽翹犧牲了與家人及朋友的相聚時間，但獲得各方的支持及遷就，令她非常感動。
李蘊
圈中人評語
李蘊：「羽翹好叻，港大女生嚟架嘛，雖然同佢唔係太熟，但試過一大班人唱K食飯，同佢傾偈好OK，總之感覺良好啦！」
周子揚：「羽翹好Nice，識唱歌又識彈琴，仲有佢最叻化妝，有上網睇佢喺YouTube教化妝嘅片，知道點擊率都好高，同佢一齊出席公開活動都會傾偈，亦有同一大班新人食過飯，我哋係好朋友，唔會傳緋聞嘅！」
洪杰：「同羽翹係一班新人之中識得最耐嘅，熟咗之後覺得佢份人直腸直肚，好細心同Sweet。記得最初認識嗰時，同佢一齊上英皇娛樂台節目做嘉賓玩遊戲，同事用『靚女、唱歌似梁詠琪』嚟介紹佢！」
周子揚
洪杰
文：專案組
攝：李柏儒
髮型：JayYeung＠Hair Corner
服裝：Rojita
場地：Cafe On Board
留言列表
