活潑開朗的蔡卓妍（阿Sa）早前擔任運動服廣告的女主角，有機會一嘗打拳滋味，原來她多年前與好姊妹阿嬌（鍾欣桐）曾有意一齊學拳擊，今次可謂圓其一半心願。
阿Sa指運動服設計愈出愈潮，平時上街也可以穿着。
工作量排山倒海，平時沒有太多時間做運動的阿Sa，原來最經常穿着的服飾竟然是運動服，她認為運動服並非一定要跟運動扯上關係，尤其近年運動服的設計愈出愈潮，就算平時上街也可以穿着，她就最喜歡將運動服與其他服飾Mix and Match，創出自我風格。
大膽玩撞色
對於運動服的挑選，阿Sa愛從顏色着眼，她說：「我鍾意有咁彩撞咁彩，好多人着運動衫只係為做運動，通常會選較保守嘅顏色，但係佢哋忽略咗一樣嘢，就係做運動都會有入去場地同離開嘅過程，你出街都要見人，咁我會選擇着得光鮮啲嘅顏色。顏色可以隨意配搭甚至撞色，其實任何鮮色撞黑、白、灰都好靚，如果大膽啲，可以桃紅色撞黃色，或者黃色撞藍色都得。」
阿Sa着衫，喜歡Mix and Match，創出自我風格。
阿Sa挑選運動服的顏色，最鍾意撞到七彩。
廣告中，阿Sa一嘗打拳滋味。
擬報名學拳
提到運動，外表紮紮跳的阿Sa最喜歡及最擅長的運動是游水，早前阿Sa為運動服品牌adidas擔任春夏女裝系列全新一輯平面廣告的女主角，在廣告中，她要挑戰她從未試過的運動——拳擊。阿Sa自爆一直想學拳擊，更曾與好姊妹阿嬌（鍾欣桐）拿過有關章程計劃報名，不過最後因為時間關係而打消念頭，她解釋：「打拳擊唔係有時間就學，上完一堂之後要休息一輪，因為打完拳，真係好似畀人打咁。不過，我覺得呢個運動幾好，有效消耗energy，係全身運動，可以收緊肌肉，又可以自衞，係幾好嘅發洩運動。與其成日上網批評別人，不如做運動，呢個係健康嘅發洩方法。」
阿Sa示範的adidas全新Combat系列與Dance系列，前者以桃紅色及黑色作主要色調，型格冷酷，至於後者則以桃紅色與白色為主，配以墨綠色和黑色等，某些設計上更印有獨特的舞蹈圖案。
留言列表
