王君馨高海寧夾擊呂慧儀淨勝4球

同樣以「性感女神」見稱的高海寧、呂慧儀，在港姐宣傳活動中正面交鋒，而自稱因食得好嘢多而上圍升cup的王君馨，更與高海寧齊齊拋胸，成功「殺退」密實打扮的呂慧儀。

高海寧（左）與王君馨齊齊拋胸鬥性感。

《2010香港小姐競選》將於七月舉行，昨日大會安排多位歷屆港姐包括楊思琦、張嘉兒、高海寧、王君馨、呂慧儀、何傲兒等，以花生騷形式亮相，與應屆港姐劉倩婷、李姿敏、熊穎詩呼籲新一輪港姐本地招募正式展開，期間「新一代咪神」高海寧與王君馨齊齊「拋胸」性感上陣，王君馨一襲超Deep低胸裙，勁露「半奶」狀甚洶湧，反觀向來以性感見稱的呂慧儀，一反常態密實示人，風頭被搶。

真材實料

事後王君馨表示服飾係由大會提供，自言拍飲食節目食到上圍升cup，她說：「跟阿幟哥（黃永幟）食得好嘢多。（食乜食到咁大胸？）海鮮、肉囉、澳洲啲牛奶都好好飲，食到由34Ｃ升一級變34Ｄ，依家要買過啲胸圍，買住一、兩個先。（今日身材最勁？）唔係，高海寧喺隔籬。（滿意身材？）夠喇，下身肥咗少少都想減番，唔需要咁大。」高海寧就識英雄重英雄，大讚王君馨好靚，自言一段時間沒有以性感示人，感覺不太習慣，提到她成功撼低呂慧儀？她說：「佢好靚好有女人味。（咁你咩味？）自己傻更更。最近瘦咗，不過冇減cup。（個胸有冇墊？）冇，真材實料，鍾意自然。」

馬賽（左起）、楊思琦與張嘉兒行騷表現淡定。

呂慧儀打扮密實，自怨未能騷長腿而被搶風頭。

何傲兒晒玉背避過胸戰。

自認輸蝕

呂慧儀則力撐自己係雅典女神造型：「人哋話我有性感女神feel，不過我都忍唔住望多王君馨兩眼。（輸蝕？）都會，今日冇露腳，我不嬲係露長腳。」而非戲劇製作總監何麗全表示，今年會有十二位候選佳麗，選美地點將在邵氏影城舉行，並以花生騷形式進行，至於外景地點仍然未定，又表示未知是否賽制放寬，今年應徵的海外佳麗人數較以往多三倍。

王君馨飲澳洲奶咪咪大D

呂慧儀昨日在港姐宣傳活動上，慘被「新一代咪神」高海寧及王君馨拋胸夾擊，風頭被搶，十分失色！

楊思琦、呂慧儀、高海寧、王君馨及何傲兒等，昨日與應屆港姐劉倩婷、李姿敏及熊穎詩出席港姐活動，為本地招募揭開序幕。高海寧與王君馨齊齊拋胸，王君馨的超低V裝相當注目，事後她解釋因拍畢飲食節目而令上圍升Cup：「跟幟哥（黃永幟）食得好嘢多！（食乜食到上圍咁大？）海鮮同肉囉！澳洲啲牛奶好好飲，食到由34C升到34D，要買過啲胸圍！（滿意身材？）想減番啲，唔需要咁大！」

各屆美女雲集，宣傳新一屆港姐。



何傲兒大露背示人，力挽狂瀾。

高海寧（左）以低胸裝狙擊呂慧儀，高下立見。

高海寧：真材實料

至於高海寧自言有一段時間沒有性感亮相，對於撼低呂慧儀，她說：「佢好有女人味！（瘦咗？）係，不過冇降Cup，係真材實料！」相對較密實的呂慧儀則自封「雅典女神」：「人哋話我有性感女神Feel，不過我都忍唔住望多王君馨兩眼！（輸蝕？）都會，今日冇露腳！」而無綫非戲劇製作總監何麗全透露，港姐競選將於7月舉行，今年會選出12位候選佳麗，選美場地會移師邵氏影城以花生騷形式進行：「可能賽制放寬咗，應徵海外佳麗人數多咗3倍！」

影視組

王君馨突然狂晒豐滿的上圍，自然成為全場焦點。

港姐胸群出動招募新血王君馨升 Cup34D拋窒咪神

《 2010香港小姐競選》今日起接受報名，昨日無綫安排歷屆港姐性感行貓步，王君馨跟新晉咪神高海寧正面交鋒，同樣低胸出擊，當中以王君馨稍勝一籌。王君馨透露最近主持飲食節目，經常食好嘢，上圍也因此由 34B升 cup至 34D。

無綫《 2010香港小姐競選》昨日在尖沙嘴宣傳，找來數十名歷屆港姐撐場，以時裝騷為題將一班港姐打造成時尚性感的新時代女性，當中以王君馨和高海寧最性感，尤其王君馨穿上低胸晚裝出場後，立刻成為全場焦點。王君馨說：「唔知呀，呢件係公司衫，高海寧喺我隔籬，佢都好靚。」她表示最近擔任飲食節目主持，經常吃到很多美食，所以上圍升 cup了，她說：「最近成日跟幟哥食好嘢，成日食肉，又食海鮮，澳洲牛奶都好好，要買過啲胸圍。」由 34B升 cup至 34D，王君馨感到好滿足：「唔需要再升 cup，會好辛苦，我成日跳舞會好重，嚟緊都要同謝天華喺公益金節目跳舞。」

放大圖片

新晉咪神高海寧（左）同樣低胸出現，但明顯被王君馨比下去。

放大圖片

應屆港姐冠軍劉倩婷不惜在台上俯身營造深溝效果。

高海寧真材實料 放大圖片

何傲兒未有露前和其他師姐妹較量，改以白滑玉背迎戰。

被正面迎擊的高海寧表現從容，她說：「自己都有一段時間冇着到咁性感，都係因應場合需要，呢件衫都好靚，我係真材實料，冇加墊 o架！」反而呂慧儀同時被兩位師妹夾擊有點不知所措，合照時她忍不住說：「嘩，好大壓力呀，我都要深呼吸先！」似不甘被搶去風頭，她又說：「王君馨都好勁，我都忍唔住望兩眼，其實我都好性感，我係典雅女神，蝕就蝕在今日冇露腳。」統籌經理何麗全就透露港姐總決賽會在邵氏影城舉行，日期暫定 7月 21日。至於外景拍攝，他表示得到多個地方邀請，例如印度、新加坡和泰國。採訪：楊潔雯攝影：陳志嵐


王君馨以低 V晚裝行天橋，顯露心口的超深事業線。