滾友偉：自問床上持久力唔錯，每次交鋒起碼十五分鐘先鳴炮，理論上已經可以滿足到女伴嘅需要。點知女友卻覺得我太快爆發，想我延長至三十分鐘，仲搵咗啲補藥畀我食，等我可以持久啲。究竟係我真係太快，定係女友嘅身體有問題呢？

老實人：我想問十五分鐘係咪齋指衝刺時間呢？如果係嘅話，呢個時間應該足夠令女伴欲仙欲死，反而三十分鐘便會過長，就算你女友得到滿足，你嘅體力都已經透支咁滯，故此我相信問題應該係喺你女友度，不如帶佢做個身體檢查仲好。

魯小姐：其實每個女人嘅體質都唔同，有啲會容易興奮，單係深入蜜洞嗰一刻，已經可以觸發佢嘅高潮；有啲則相當慢熱，如果想讓佢到達高潮，咁你可能要喺前戲度做啲工夫，撻着佢嘅慾火後先至埋牙，應該可以令佢快啲得到滿足。

笨占：我就覺得係你女友嘅胃口太大，想得到幾次高潮，先至會有咁嘅諗法，而十五分鐘嘅激烈交鋒，已經足以令佢有一次或以上嘅高潮，絕對唔使延長到三十分鐘。另外，補藥千祈唔好亂食，萬一搞壞身體，就真係得不償失！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄