李彩華假紋身真誘惑
向來恨紋身的李彩華，最近潮玩CHANEL紋身貼，在身體各部位拼出不同圖案，凸顯潮人玩味！ 李彩華（Rain）一直恨紋身，不過貪靚又怕痛，所以至今仍保留「雪白之軀」：「6年前見陳小韻腰間紋咗一朵粉紅色大花，覺得好靚，嗰一刻有衝動去紋身！起初媽咪唔准，後來氹掂佢，不過又到我怕痛同擔心紋上癮，所以拖到依家都冇試！」為一償心願，她曾在泰國玩假紋身：「我畫咗一隻藍色海豚喺腳眼，感覺幾真實，不過好花時間畫，而且較難清洗，甩啲唔甩啲好肉酸！」 最近品牌CHANEL推出Les Trompe-L'Oeil de CHANEL紋身貼，由彩妝創作總監Peter Philips設計，Rain亦嚷着要試：「聽講好難買，好彩朋友幫我留起咗，一盒有5塊，幾抵玩！」這系列紋身貼除有招牌CC Logo外，還有靈感來自CoCo Chanel寓所烏木屏風的雀鳥、珍珠手鏈及今季主題野花圖案等：「有啲圖案幾難襯，尤其係大燕子！反而珠鏈同鎖鏈款較易Handle，紋喺掌背、手臂或大腿都好型，再貼上我至愛嘅CC Logo扮吊墜，好似真首飾一樣！」 潮媽陳慧琳（Kelly）早在2月初率先試玩CHANEL紋身貼，在新歌《微光》MV中，除穿上熱褲晒長腿，更貼上獨特紋身，由CC Logo、燕子、野花、珠鏈及鎖鏈拼砌出來，打造Rock妹造型。至於本身有紋身的Angelababy早前出席活動時，亦「紋上」CC Logo頸鏈，凸顯性感鎖骨。 耐用度：●●●● Rain：「我手背上嘅紋身用咗1星期，會避免用梘液清洗，雖然淺色咗少少，算幾襟！」 搶眼度：●●●●● Rain：「CHANEL係名牌，係人見到都望多幾眼，我都係畀佢個Logo吸引。」 易襯度：●●● Rain：「佢有啲圖案都幾誇張，好似燕子同野花圖案，所以要襯得隆重啲！」
Rain最愛紋身貼款式多多，可滿足她的「紋身欲」。
Rain大晒手臂及大髀上的「紋身」，相當耀目。
圖案多元化
3步KO
1.先將喜歡的圖案剪下來。2.移除保護膜，印貼在適當的位置上。3.用溫水沾濕紋身貼，約1分鐘待圖案風乾即可。
放大圖片
放大圖片
Kelly搶先「印」
用家小評（5●爆燈）
李彩華貪靚又怕痛，紋身貼無痛又方便，最適合不過！
留言列表
