唐詩詠雖與舊愛崔建邦一度藕斷絲連，又傳出與無綫上位小生黃嘉樂「撻着」，不愁寂寞的她最近還突然富貴，進駐跑馬地這個明星豪宅區，看來詩詠又Mark了一個「筍盤」，果然青春無敵有市場。 唐詩詠跟崔建邦拍拖多時，期間多次分手又復合，不過詩詠早前傳出與無綫上位小生黃嘉樂「撻着」，她雖然否認戀情，但最近突然富貴的她，日前便與老友梁靖琪（Toby）前往跑馬地睇樓，看來是方便「培育」新戀情而進駐跑馬地豪宅區，當日她還前往寵物店買狗仔，名副其實要過住洋樓養番狗的生活。 當日唐詩詠與Toby在跑馬地一帶地產公司睇樓盤時，不少舖內經紀都主動出舖面招呼，見詩詠跟經紀密密傾，其後便到了山光道的愉寶大廈睇樓。 據知詩詠是睇了一個中型單位，絕對是適合「愛巢」之用，老友Toby先睇睡房再睇大廳，又指點如何擺傢俬和吉利方位的擺設等，但詩詠就較着意廚房是否合用，見她於廚房內來回踱步，定必是看定「架步」與男友溫馨煮飯仔。而當記者上前打招呼時，詩詠與Toby大為愕然，問到是否睇豪宅時，她未有回應便黑面離開。 記者事後向詩詠了解，她強調目前是單身：「我依家要努力工作，唔會拍拖住，結婚嘅嘢我都唔會諗，搬出嚟住係要過獨立生活，我開工時間又唔穩定，自己住會方便啲，起碼出入都唔會嘈到屋企人，Toby係我好姊妹，佢幫我手睇樓畀意見啫！」
上位小生黃嘉樂與唐詩詠傳出緋聞。
研究傢俬擺位
唐詩詠往寵物店買狗仔，名副其實是住洋樓養番狗。
地產經紀帶唐詩詠及Toby離開愉寶大廈。
唐詩詠在單位來回踱步檢視一番，但當記者上前拍照時，她即耷低頭與Toby離開。
放大圖片
唐詩詠揚言要努力工作，不想拍拖，要自強不靠人。資料圖片
戴上帽子的唐詩詠，到地產公司揀樓盤，同行的Toby緊隨其後。
全站熱搜
留言列表
