睇《 Iron Man 2》預告片， Mark VI同 War Machine合作殺出重圍，熱血到爆，即時上網 IMAX訂飛，遊戲亦 5月 4日同步推出；一心諗住跟住劇情打爆機！點知遊戲竟完全唔跟電影故事走，呢隻鐵甲奇 Game，奇在唔跟電影劇情，好有性格囉！文：阿洛
敵人無喪鞭 放大圖片 
雖然唔跟電影走，但劇情其實都係跟足漫畫原著，可惜嘅係暫時睇嚟敵人之中係無米奇洛基飾演嘅喪鞭，只有 Valentin Shatalov同佢部 Crimson Dynamo、 AIM等等。戰鬥背景反而無電影咁單調，除咗有坦克戰機嘅關卡外，仲會打到去航空母艦；絕招方面有遠攻亦有肉搏，即係可以飛埋身拳頭交打到「噹噹」聲，都幾爽快！
好彩有 War Machine 放大圖片 
■幾驚見唔到佢呀，如果無呢隻 Mark VI用，真係可以唔使買。
劇情偏向漫畫版，但男主角個樣依然係羅拔唐尼飾演嘅東尼史達，見到佢個鬍鬚樣，還得神落。講到 Iron Man嘅「型號」就超齊！由第一集嘅 Mark III到輕便裝 Mark V，同埋最新心口三角燈嘅 Mark VI都有得用。另外，原型為 Mark II、經希馬工業裝配多種當代先進武器喺身、由主角老友洛德上校駕駛嘅 War Machine亦有得用，火力極強，不過速度就差過 Iron Man，鍾意快定鍾意勁？自己揀！
單打獨鬥巨型 Boss 放大圖片 
Marvel英雄 Game，由 Sega嘅美國 Studio製作，只能單打獨鬥，不過隻 Game嘅打鬥場面都幾有迫力，背景無論大屋或鐵絲網都可以盡情破壞，又可以用嚟做掩護。而且我仲搵到唔跟電影版嘅好處，就係有機會對抗極高大嘅 Boss，場面更加壯觀，惟有放棄鞭鞭有力啦！
放大圖片 
■唔跟電影劇情，有大型坦克打。
放大圖片 
■仲有超大 Boss畫面不過不失。
放大圖片 
■ War Machine專打中、長距離。
放大圖片 
■打到去航空母艦，電影無喎！
Profile 放大圖片 
主機： PS3、 XB360類型：動作廠商： SEGA人數： 1人 
留言列表
