地點:金鐘太古廣場/時間:4月21日

同TVB請咗一年大假結婚生仔嘅咪神徐淑敏,話咁快已經做咗人媽咪喇,佢同黃浩嘅愛情結晶黃心瑤出咗世之後,坐唔定嘅Suki唔知係咪喺屋企湊女湊到悶,前幾日又出巡同老公去金鐘太古廣場拍拖晒恩愛。當日佢着住件背脊開窿嘅西裝褸加白色低胸長Tee襯對Leggings,成個潮媽形象出晒嚟,產女之後嘅Suki仲多咗陣貴氣,拖住個老公Shopping個樣不知幾富泰,當日兩公婆先到名店D&G睇衫,Suki就主力揀手袋,黃浩就一味望住個老婆甜笑,兩公婆不知幾溫馨,真係羨慕死辣妹喇!生完女唔夠一個月,天生麗質嘅Suki已經火速修身,水筒腰唔見咗,回復108磅咪神苗條體形,唯一不變嘅係佢逼爆嘅D Cup上圍,比產前更加有睇頭。


見到有狗仔隊影相,Suki即刻拍口心話驚驚,要老公呵番。


Suki話啱啱帶完寶貝女打針,安頓好囡囡先同老公出嚟拍拖行街,咁又係呀,咁辛苦生咗個女,梗係要四圍Shopping獎勵吓自己喇!


一向鍾意買嘢嘅Suki去名店揀手袋,揀嘢就老公畀錢,幸福少奶奶上身。


恩愛到暈嘅Suki同黃浩以黑色情侶裝出巡,愈來愈有默契。


Suki當日着住件背脊開窿?西裝褸加Leggings,將修身成功嘅喜訊公告天下。


一向唔吝嗇展示美好身段嘅Suki,着住呢件白色長Tee,令D級上圍更加顯眼。


唔知係咪Suki冇化妝唔想望鏡頭,同老公一個垂低頭一個望右,好似夾定咁。


辣妹問Suki乖囡嘅情況,黃浩就搶答:「佢依家識得轉身,識得自己揸奶樽食!」

arrow
arrow
    全站熱搜

    stacylife 發表在 痞客邦 留言(0) 人氣()