Super Tokyo 攝影展於東京表參道山舉行，場內場外都掛滿 Leslie Kee的老友松任谷由實海報，開幕當日 Leslie Kee（中），風騷得滿場飛。"
榨乾榨盡
剝性難改 Edison又拍裸照
2010年05月05日
4年前，曾替郭富城及許志安等拍攝幾乎全裸寫真，結果因執相執到連底褲邊都冇咗影，群星變賣肉裸照，搞出唔少風波的星級攝影師 Leslie Kee，近日照辦煮碗，上月尾在東京舉行新寫真集《 Super Tokyo》慈善影展，同場出售同名寫真外，更為聯合國守護母親生命活動籌款。
《 Super Tokyo》寫真集，標榜邀請 1千名日本明星，包括潮媽土屋安娜及型男窪塚洋介等為善事拍裸照，但本刊發現港星陳冠希、余文樂和 Angelababy，一樣有份為大師影露肉相，經歷淫照風波的 Edison，唔通剝開有癮？
《 Super Tokyo》寫真中，睇落似全裸嘅 Edison唔只激露上半身連恥骨位，仲露毛，不過只係腋毛。對於 Edison拍裸照，家姐陳見飛就話：「我唔知細佬輯相新定舊，但 Leslie係好頂尖嘅攝影師。個人覺得性感同慈善始終有衝突，我唔評論咁多啦！」
06年，新加坡籍攝影大師 Leslie Kee以南亞海嘯籌款為名，推出《 Super Stars》寫真集並於香港舉行影展。事隔 4年，大師轉移目標，以日本為宣傳基地，上月 23日起，一連十五日（至本週五）於東京表參道山舉行《 Super Tokyo》攝影展，同場出售價值 1萬 5千日圓（約 1,200港元）同名寫真集。
狂游說剝
限售 3千本嘅《 Super Tokyo》寫真集，只限於攝影展場內出售，手快有手慢冇。
大師聲稱會將每本書的三分一收入（約 4,000港元）撥入慈善用途。話明慈善，日本名人及明星均「豁出去」，就算唔全裸，都露大膊頭騷性感，今次寫真集的相片全部影黑白，最「估佢唔到」竟係同經典卡通人物 Hello Kitty玩 crossover，每張裸照配上不同款 Kitty造型、或用雨點、白雲等 graphic遮住重要部位，夠晒「創意」。有牙力說服到班 o架星拍裸照， Leslie Kee早前於寫真展開幕儀式中就牙擦擦：「最初近 8成名人都唔願全裸上鏡，但我嘅任務主要係游說，拍攝時間可能只需半粒鐘，但游說時間需時 1星期甚至 1年半都有。」
攻日留底
o架星耳仔軟肯乖乖為大師影裸照，但《 Super Tokyo》寫真中， Angelababy、陳冠希和余文樂 3個香港代表，都有份為大師出力。曾經孖住窪塚洋介拍日本電影《月光浪子》嘅 Edison，與 5年前以《頭文字 D》攻打 o架仔市場的余文樂，再加埋近年狂攻日本模界嘅 Angelababy齊齊現身寫真集內，當中以影過淫照的 Edison尺度最大，大半身裸到見近恥骨位。被迫「退出」香港娛樂圈，下月在台灣出碟「復出」的 Edison，今次裸照攻日，食正自己條水，夠話題吖！
Baby微露
除 Edison同余文樂，上年簽咗 Avex攻日嘅 Angelababy亦出現於寫真中，不過只影大頭同露吓膊頭，唔算大膽。
小瑄騷背
徐若瑄雖大膽露背，但就被個 Hello Kitty公仔遮住，大殺風景喎！
余文樂亦唔執輸，露到似冇着褲，問到余文樂，佢好驚訝：「唔係啩，我嗰次有着褲喎，係 3年前拍《軍雞》硬照時， Leslie走埋嚟同我講，想我幫佢影輯慈善相，我當時有着褲 o架，佢應該唔會捽走我條褲啩。」
攻日留底
o架星耳仔軟肯乖乖為大師影裸照，但《 Super Tokyo》寫真中， Angelababy、陳冠希和余文樂 3個香港代表，都有份為大師出力。曾經孖住窪塚洋介拍日本電影《月光浪子》嘅 Edison，與 5年前以《頭文字 D》攻打 o架仔市場的余文樂，再加埋近年狂攻日本模界嘅 Angelababy齊齊現身寫真集內，當中以影過淫照的 Edison尺度最大，大半身裸到見近恥骨位。被迫「退出」香港娛樂圈，下月在台灣出碟「復出」的 Edison，今次裸照攻日，食正自己條水，夠話題吖！
o架星齊撐
型男光豬 窪塚洋介
4年前《 Super Stars》寫真集有佢份，今次露得仲激，剝光豬示人。
女神誘惑 Leah Dizon
3年前 Leslie Kee幫性感女神 Leah Dizon影過寫真集《 HEAVEN》，今次大師叫到，過氣女神 Leah亦裝誘惑影番輯，但人媽唔再賣性感。
潮媽扮 cute 土屋安娜
最近誕下第 2胎囝囝嘅潮媽土屋安娜，只紮住條辮齋影大頭唔肯露。
變性人剝晒 春菜愛
37歲搞笑變性女優春菜愛全裸上陣，係眾女優之中最大膽。
歌姬露膊 阿蘭
憑住《赤壁》電影主題曲由內地攻日嘅歌后阿蘭，只輕輕露膊晒靚樣。
大星幫襯
39歲 Leslie Kee， 93年遠渡日本學日文後再修讀視學藝術，入行 12年曾替不少廣告及雜誌影相，更有不少日、港、台大星都搵佢影靚相，甚有江湖地位。
06年濱崎步《 Secret》大碟封套，由 Leslie Kee操刀。
05年王菲為內地拍的 Baleno時裝硬照，亦由 Leslie Kee一手包辦。
以前經常游說大星拍裸照，今次在《 Super Tokyo》寫真中，大師亦赤裸上陣親身示範。
臨盆前被出賣 栢芝穿崩照流出
2010年05月05日
於 Leslie Kee的官方網頁上，發現他與栢芝的幕後合照，當年栢芝就算剝剩得乳貼，都搭住 Leslie膊頭，好老友。可惜大師今日沒有為已是兩子之母的人妻栢芝設想。
不論 Edison新影裸照，定係用未曝光舊相當新相出街也好，亦不及同樣影過淫照、今次又俾人再擺上枱的栢芝慘。
本刊於 Leslie Kee的官方網站發現， Leslie Kee唔只上載影展的場景相大肆宣傳，還將 4年前一眾港星為《 Super Stars》寫真集所影的幕後花絮照片公諸同好，其中只見栢芝側身搭着大師膊頭鬼咁風騷，最激係露西半球的栢芝成個乳貼現晒形，上次有幫郭富城及許志安電腦「執褲」前科的 Leslie Kee，今次竟完全冇腦加工，原汁原味放上網，臨盆在即的栢芝慘被出賣。
而記者至截稿前仍未聯絡到栢芝經理人 Emily。記者亦透過電郵聯絡 Leslie Kee，但至截稿前仍未回覆。
唔只栢芝，連佢老公謝霆鋒拍落嘅寫真舊照，一樣被 Leslie Kee放上網公諸同好。
Leslie Kee打人情牌打到盡，連王菲都唔放過， N年前嘅 studio一樣放上個人 blog上晒交情。 Leslie Kee網頁圖片
當年同陳柏霖老友鬼鬼，陳更於鏡頭背後做出粗口手勢，十足野仔咁款。 Leslie Kee網頁圖片
港星唔騷
方力申
06年出《 Super Stars》寫真因為執走港星條褲搞到滿城風雨，今年再出寫真《 Super Tokyo》，唔少幫過佢嘅港星都反應冷淡。
「吓， Leslie出咗新寫真集？我唔知喎！我哋好耐冇聯絡啦，如果佢搵我都會幫手嘅！」
許志安
記者致電許志安經理人郭啟華，但當郭聽到問及 Leslie Kee即話：「我家唔喺香港，答唔到你嘅問題。」似乎唔多想講 Leslie Kee。
郭富城
提到 Leslie Kee新寫真，郭富城經理人小美代答：「上次係佢激嬲我哋，唔係我哋激嬲佢囉！但件事都咁耐，唔記得喇！今次佢搵日本星，下次可能搵法國人甚至韓國人呢？」
陳冠希再拍裸照 張柏芝臨盆前穿幫照流出
陳冠希
4年前，曾替郭富城及許志安等拍攝幾乎全裸寫真，結果因改照片連內褲邊都不見，群星變賣肉裸照，搞出不少風波星級攝影師Leslie Kee近日又有新寫真出售，陳冠希、余文樂以及Angelababy等都有拍露肉照，其中以陳冠希的尺度最大，大半身裸露。
留言列表
