霍金叫地球人唔好嘗試搵外星人，因為好有可能反過嚟被人侵佔地球；不過打機就唔同現實，《 Lost Planet 2》就係延續人類去第二個星球榨乾人哋資源為劇情，今次仲加入合作打怪模式，玩法更加趨未來版《芒亨》。文：阿洛
生吞火車外星人 放大圖片 
第一集只係廠方牛刀小試，受歡迎就強化出擊！今集外星敵人造型更多變，有中小型嘅，亦有飛行形態嘅，仲有巨型蝸牛咁款嘅。但講到最搶眼，梗係一系列超巨型生物，當中更有長過火車，可以擘大個血盆大口將成卡火車吞落肚，睇見都開心。人類有咩方法對付佢哋？分別可以用勾索爬到佢哋身上劈，又或者駕駛重型機甲用火箭炮射爆佢哋。
放大圖片 
■《生化危機》嘅 Wesker都會登場，喪屍都無咁喪。
放大圖片 
■多人模式中，亦有類似搶旗玩法。
10年後再榨乾 放大圖片 
《 Lost Planet》係 Capcom遊戲成功「美」化第一步，第一集係 XB獨佔，全球銷量超過 220萬套！嚟到《 Lost Planet 2》就 XB360同 PS3版落齊；以前作 10年後、氣候暖化嘅 EDN-3rd行星為舞台，除有冰天雪地關卡外，仲有熱帶雨林及海底等，玩家將會扮演「雪賊」勢力成員，同隊友齊齊打外星生物。
放大圖片 
■《芒亨》嘅獨特服裝，擺明車馬合作打怪。
放大圖片 
■呢個場面，仲唔係未來版《芒亨》？
同廠大玩 Crossover 放大圖片 
■巨型生物都有好多種，最重要搵到弱點。
潮流興 Crossover， Capcom亦唔執輸，除咗有 Biohazard嘅 Wesker登場外， PS3版仲會有《芒亨》火龍裝下載； XB360版就有《 Gear of War》人物客串登場。今集可以四人合作打怪，感覺有如進化版未來《芒亨》。最後一提，香港行版會包含予約特典「 Battle Stage Pack 1」下載 Code，可以下載兩套對戰地圖，包括來自前作嘅 Return Island，以及全新登場嘅海底關卡 Spiral Corridor，抵玩！
Profile
主機： PS3、 XB360廠商： Capcom類型：動作人數： 1-16人 推出日期： 5月 14日 
留言列表
