挾港版林志玲之名進軍模界的前港姐林莉，一向侍母至孝，母親節當前，她搶先帶媽咪到尖沙嘴吃大餐，兩母女晒溫馨，林莉連環送出揼骨、美食、厚禮 3招冧爆媽咪，逗得林媽媽全程笑不攏嘴。林莉與媽咪特別穿上桃紅色的母女裝到場，二人長得餅印一樣。林莉先學習炮製一杯母親節特飲 Pretty in pink孝敬媽咪，雖然林莉調得味道較酸，但林媽媽喝在嘴裏卻仍讚不絕口說：「係酸咗啲，但囡囡整畀我飲，飲乜都咁甜。」
放大圖片 
林莉親手為媽咪調製母親節特飲，動作利落。
放大圖片 
林媽媽開懷笑飲林莉調製的飲品，雖然嘴裏彈味道帶酸，但卻甜在心中。
陪母扮靚全包 放大圖片 
林莉送上手錶給媽咪做母親節禮物。
兩母女其後齊齊享用一枱豐富美食，食至中段，林莉便拿出名貴手錶和鮮花送贈，首浪驚喜已令林母笑到見牙唔見眼，頻讚女兒乖巧，林莉接着又為媽咪按摩肩頸，體貼又周到。林媽媽十分自豪子女都非常孝順，她滔滔不絕說：「我成日好鍾意喺人面前讚啲仔女，我唔係自大，因為一家人開心先咁講。」林母共育有兩子兩女，林莉排第三，卻最討雙親歡心，林媽媽說：「囡囡真係好乖好乖，唔只母親節，佢平時都成日帶我買嘢，試過有次去試衫，我一路試，佢一路揀，結果一試就試咗兩個鐘，佢不但做我形象指導，幫我扮靚靚，仲會負責畀錢，我呢個女真係好抵乖。不過我反而擔心佢一個人未結婚，賺錢辛苦。」聽到媽咪的稱讚，令林莉有點害羞臉紅，她說：「媽咪係一個與時並進嘅人，佢細細個已經教我哋呢樣嘢，係我哋幾兄妹嘅好榜樣。」雖然女大女世界，但林媽媽也緊張林莉婚事，林媽媽說：「佢越快拍拖，越快結婚就最好。」到底林媽媽可有過問林莉的緋聞？她說：「佢自細已好識諗，佢鍾意我就鍾意，囡囡開心就好。」林莉重提早前與內地富商傳緋聞，她表示當日爆出此新聞時正想親口向雙親解釋，怎知父母未待她開腔已心照不宣，林莉說：「我想同媽咪交代件事，我未講，佢已經話唔使，佢好信任我。」林莉還向母親承諾若遇到合適對象，必會第一時間讓家人過目。撰文：比華利攝影：陳志嵐場地： Santa Lucia Restaurant& Sky Bar（隆堡國際麗景酒店）髮型： Jamie oh Hair化妝： Michelle服裝： Fashion Club 
連環獻吻和送花，林莉兩招已冧爆媽媽。
林莉 迷人 Pink招 冧爆 媽咪
留言列表
