外形充滿戰鬥格嘅蓮花 Lotus每次出場必能搶盡收視,何況今次呢部最新到港嘅,係 2010年落場版 Exige Cup 260,廠方將 Exige GT3賽車配備應用到街車上,再用上舊年成功減磅嘅 Cup 260車身,比起 Exige S輕 38kg,全車重量只得 890kg,連女士都可以輕易推郁!記者:許維雅攝影:梁細權Model: Alia@ Puremodels

42kg下壓力全新尾翼 放大圖片
■內櫳屬一貫簡約嘅賽車格局,真皮波棍已經係感覺較豪氣嘅地方。

■內櫳屬一貫簡約嘅賽車格局,真皮波棍已經係感覺較豪氣嘅地方。

未正式到港已經引來一大班車迷於網上熱烈討論,久候多時, 2010年版 Lotus Exige Cup 260終於到港現真身,引人注目嘅誇張線條配合螢光黃車身,份外矚目。呢部被車迷譽為擁有賽車規格嘅街車,戰鬥味濃,全因佢係 Exige GT3賽車嘅街道版化身,廠方刻意將 GT3賽車配件套落 Exige Cup 260車上,令佢進一步貼近賽道規格,又得到歐美及亞洲各大主要市場認可合法於街道上行走。諗起一架落場賽車可於青馬大橋上飛馳,夠晒滿足感。而新版 Cup 260跟 GT3外觀上最大分別在於車尾嘅碳纖維尾翼,換上曾於 07年日內瓦車展亮相嘅 GT3街道版概念車嘅尾翼款式,比起 09年版嘅 Cup 260,呢隻無烤漆碳纖維尾翼升高了 46mm、加闊了 181mm及向後移了 61mm,設計不單止可以減低風阻,而且更可於車速 160km/h時,提供 42kg下壓力,增強高速時穩定性。

放大圖片
■車尾有充滿設計感嘅「 Cup 260」標誌響朵。

■車尾有充滿設計感嘅「 Cup 260」標誌響朵。

放大圖片
■連軟弱無力嘅 Alia都可以推郁部蓮花, 890kg車重果然好輕。

■連軟弱無力嘅 Alia都可以推郁部蓮花, 890kg車重果然好輕。

 

890kg輕飄飄 放大圖片
■偏實嘅賽車軚感唔係咁多女士會適應。

■偏實嘅賽車軚感唔係咁多女士會適應。

總覺得 Cup 260用上全新尾翼增強下壓力,或多或少跟其超輕車身有關, Exige本身已經用超輕嘅強化玻璃纖維車身,追加了大量碳纖配件如車頂生風口、中控台、兩側生風口及門檻等經已減磅 12kg,再將車身各部份輕量化如用上 Motorsport電池、鋁合金機械增壓管道及超輕五輻式鍛造輪圈等又減 22kg,最後飛走埋不必要嘅地毯、倒後鏡等共 4kg配件,比起 Exige S總共輕足 38kg,車重只得 890kg。有得必有失,要將車身輕量化,恍如落場版賽車嘅 Cup 260實在難求十分舒適,不過作為蓮花車主飛馳嘅速度感至重要。沿用早前亮相、全港僅此一部暗黑蓮花嘅引擎, 1.8公升配備 Supercharged機械增壓,可以輸出 260匹馬力及 236Nm扭力, 0-100km/h只需 4.1秒。此外減輕車身重量嘅最大好處當然係減低油耗,每一百公里只需 8.5公升汽油,每公里$1.2都唔使(以每公升$14計算),點飄都唔肉赤啦。

放大圖片
■繡上 Cup 260字樣桶椅包圍十足,有助高速入彎。

■繡上 Cup 260字樣桶椅包圍十足,有助高速入彎。

放大圖片
■車尾收藏了氮氣系統,增加避震嘅穩定性。

■車尾收藏了氮氣系統,增加避震嘅穩定性。

 

放大圖片

 

1.全新碳纖尾翼係外觀上最大改變嘅地方。

放大圖片

 

2.前 16吋後 17吋嘅鍛造輪圈亦有助輕量化車身。

放大圖片

 

3.車冚生風口有兩個如鐵斧嘅拉花配襯,成為 Exige嘅標記。

放大圖片

 

4.落場版怎少得賽車規格嘅緊急斷路掣及指示燈。

規格 放大圖片

 

引擎: 1,796cc直 4 DOHC配 Supercharged馬力: 260ps/8,000rpm扭力: 236Nm/6,000rpm傳動: 6前速手動波箱極速: 245km/h售價:$965,000起查詢: 2877 0810( Richburg Lotus)


■頭燈沿車頭骨線設計凸起,是蓮花嘅型格焦點。

arrow
arrow
    全站熱搜

    stacylife 發表在 痞客邦 留言(0) 人氣()