母親節作畫奶奶李嘉欣收五億賣肚

下個月李嘉欣正式踏入四字頭,最近大美人忽然轉性,學人飲紅酒、搞藝術升呢做名媛,又慷慨發表人工受孕宣言:「有需要 話我會接受!」

今次嘉欣唔玩性格乖乖從良,背後盛傳多得許家發功,開出五億一胎的豐厚條件,令大美人超越徐子淇、梁洛施成為豪門No.1新抱。為報答奶奶支持,近日許太每天到中環畫室開工,在嫩口阿Sir教導下,希望趕及母親節送奶奶一幅愛心靚畫。

自08年榮升許太後,有關大美人生仔的傳言幾乎未停過,更有指她為繼後香燈一事多次跟許家鬧不和,甚至傳出婚變疑雲。面對種種負面攻擊,本性堅挺的嘉欣毫不讓步,一時話唔生,一時話搵代母,不時語出驚人火上加油。

學做名媛

然而最近嘉欣態度卻180度突變,先係仿效徐子淇投身慈善事業,頻頻穿梭中港行善,3月時更獲四川省紅十字會委任為「愛心大使」,努力建立善心形象洗底。

繼而又學習歎紅酒,Pro到參加英國WSET葡萄品酒試,兼進修名媛指定課程—繪畫,於微博上發放油畫大作,高調展示多才多藝一面。

「許家上下一向對嘉欣『明星』身份都有微言,認為佢得個樣冇內涵,唔符合家族形象,嘉欣都明白要真正融入許家,仲有好多功夫要做,其中一樣就係拉近『學歷』,所以佢選擇不斷進修。」知情人稱。

靚畫禮物

雖然只係半途出家學繪畫,但本身有美術設計根底的嘉欣,算得係快上手,首幅作品酒杯與櫻桃更獲奶奶讚賞,「嘉欣知老爺奶奶鍾意畫,特登揀呢樣學,奶奶睇完佢作品仲讚佢有才華,叫佢俾心機唔好得三分鐘熱度。」知情人續稱。招奏效,嘉欣即時食住上,諗住送愛心靚畫俾奶奶做母親節禮物。據知,由於時間緊迫,最近嘉欣每天都會到中環的畫室開工,每次最少畫四、五個小時。

日前嘉欣又再現身中環,架上黑超一身Casual Look急步走上畫室,該畫室面積約三百呎,為免受閒人騷擾,嘉欣選擇一對一私人教授,雖然位阿Sir唔算靚仔,但勝在嫩口只得廿歲出頭。現場所見,嫩Sir好勤力,不時在嘉欣的作品面前指指點點,只見李同學一臉認真地聽書,聽一陣畫幾筆,過程絕不馬虎,兩人由天光畫到天黑,期間大美人不時向嫩Sir報以甜美笑容。

畫足近五小時,嘉欣才捨得撤退,由助手拎畫坐「JM」愛驅返回愛巢,點知助手唔生性將幅畫撞埋條柱度,嚇到嘉欣出口鬧人:「妳小心拎,幅畫好重要。」可見佢有幾重視呢份母親節禮物。

唔好以為獲大美人垂青 ,畫室的學費就一定好貴,實則佢只係收幾百蚊一堂,兼標榜自由創作,任由學生發揮,作品亦可以隨意拎走,晒嘉欣拎走送俾奶奶做賀禮。

奶奶大禮為搏奶奶高興,嘉欣準備送親筆靚畫做母親節禮物,夠晒心思。

學畫升呢為做稱職名門新抱,大美人又學繪畫、又學飲紅酒,睇佢幅處女作又真係唔差,難怪連奶奶都讚。

婆媳轉好從最初被指婆媳冇偈傾,到如今不時被發現孖住食飯,嘉欣同奶奶的關係已雨過天晴。

李嘉欣升級做名媛 許家求抱孫開價五億一胎

李嘉欣
下個月李嘉欣正式踏入四十歲,最近大美人忽然轉性,學人品嘗紅酒、搞藝術升級做名媛,又慷慨發表人工受孕宣言:“有需要的話我會接受!”

這次李嘉欣乖乖從良,背後盛傳多得許家發功,開出五億一胎的豐厚條件,令大美人超越徐子淇、梁洛施成爲豪門No.1媳婦。爲報答奶奶支持,近日許太每天到中環畫室開工,希望趕及母親節送奶奶一幅愛心靓畫。

 

明星靚相大分享返回主業☆娛樂八掛週刊雜誌★明星靚相大分享(04月刊)★ 明星靚相大分享(05月刊)★ 娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 週刊 及 雜誌(6-11月刊)☆ 週刊 及 雜誌(10-5月刊)☆

arrow
arrow
    全站熱搜

    stacylife 發表在 痞客邦 留言(0) 人氣()