明星靚相大分享☆

郭可盈今年初為林文龍誕下女兒後，一直停工深居簡出，湊女為樂。昨日可盈產後首度復工，對於被指與丈夫林文龍月花 14萬元坐食山崩，可盈顯得有女萬事足，不欲多談，只擔心被人入屋拍到她餵人奶的照片。

其他娛樂名人影片

郭可盈昨日在樂富出席卡通人物史迪仔母親節宣傳活動，可盈身穿史迪仔印花上衣，與現場小朋友歡度母親節，這也是可盈產後首度復工，她顯得有女萬事足，經常將 3個多月大的女兒林天若（ Tania）掛在嘴邊，還表示成為母親後的首個母親節別具意義，昨日出門工作前特意錫多女兒幾啖才捨得離開。

女兒爛瞓似自己 放大圖片

郭可盈與林文龍結婚多年，年初終誕下 B女。資料圖片

昨日母親節，可盈謂其母最想見到的禮物便是她的女兒，她說：「自己送畀媽咪嘅禮物已經準備好，但我媽咪最想見嘅禮物就係 BB女。」可盈又謂上天已送給她厚禮，女兒跟她十分相似。可盈說：「 BB好好好湊，好鍾意食同瞓，爛瞓就最似我，有時第二日瞓醒直頭成個人調轉咗，呢啲生活點滴令我好難忘好開心。」可盈不想錯過女兒成長期，故現時只會接拍廣告及宣傳活動工作，暫不考慮拍劇。

「唔係洗腳唔抹腳」 放大圖片

郭可盈與 300名現場觀眾齊齊扭心形氣球，度過為人母後的首個母親節。

有指可盈與林文龍月花 14萬坐食山崩，可盈說：「鍾意寫乜就乜啦，不過到屋企入面唔太好，屋企係最安全地方，如果影到我餵緊人奶點算？家會特別小心，盡量落晒簾。」可盈又力證兩人經濟冇問題，還說：「咁大個人自己識計劃，唔係細路仔，我哋一向都係穩陣派，唔係洗腳唔抹腳嘅人，無聊嘅唔需要回應咁多。」可盈又透露林文龍也有工作，有時他會往返內地做騷及拍廣告。採訪： Cheok Po Fa攝影： Wong Man Shing


郭可盈自言有女萬事足，懶得回應月花 14萬坐食山崩的報道。