《波斯王子》第一次推出時，電腦都未曾有彩色芒，當時最出名係操作複雜難玩易跌死。嚟到次世代嘅《 Prince of Persia： The Forgotten Sands》易玩好多，今次《 The Forgotten Sands》延續《時之沙》系列故事，識得好似「我愛羅」用沙做盔甲，又識得好似「世界」令時間停頓，絕對唔係跌落地揦番咋沙咁簡單。文：阿洛
探親變救亡 放大圖片 
■對於波斯王子嚟講，三角跳都係等閒動作。
今集個古仔設定喺《 Prince of Persia: The Sands of Time》和《 Prince of Persia: Warrior Within》之間。波斯王子上集完成 Azad之旅後順道就去拜訪兄長 Malik，喺冇任何黑色旅遊警報之下，去到大佬個王國先知成個國家已經被古靈精怪大軍隊包圍，到處戰火連連，通街骷髏骨頭非常咁 rock。見到咁嘅情況，波斯王子點能夠縮沙？為咗挽救垂死邊緣嘅王國，決定就算付出沉重代價都要換嚟古老而神秘嘅沙之力量，極為沙塵咁嚟個大反擊。
跟潮流大堆頭 放大圖片 
■凌空怒劈骷髏頭，動作一氣呵成， 10分，啪啪啪。
動作元素一向強勁，今次波斯王子更加挑戰人體極限，攀爬、跳躍、滑行、飛簷走壁都係等閒事，而且今次仲要利用沙之特殊力量去過關。玩家可以使用時間暫停能力，令牆身嘅水柱停止變成柱子玩單槓，同時亦可以用時間倒退能力去破解機關，解謎成份極重。而除咗跟隨動作遊戲潮流玩大堆頭以一敵眾外，亦會有巨型波士登場，而且以 Anvil引擎製作嘅畫面都夠細緻，爆咗《 GOW III》咁耐，又可以體驗大屠殺快感。
風火水土神奇力量 放大圖片 
■冰系斬擊，遊戲中會出現唔同屬性敵人，增加戰略性。
敵人咁多，王子得把刀仔喺身唔係辦法，所以戰鬥時就加入大自然力量去幫佢手。除咗一般斬擊同連續技外，仲可以配合不同屬性使出斬擊，用火燒又有，冰封敵人亦得。而且每個屬性都會有超必殺技，例如用大旋風吹飛大量敵人等。防守方面，王子可以用地下嘅沙粒造成盔甲增加防守能力，而且仲唔使用孭個葫蘆喺身。
放大圖片 
■波斯王子點解變咗喪屍呢？查實呢個樣型好多。
放大圖片 
■跟隨大氣候，遊戲內都有巨型波士登場。
放大圖片 
《 Prince of Persia： The Forgotten Sands》主機： PS3、 XB360、 PC類型：動作廠商： Ubisoft人數： 1人 
留言列表
