劉華同林家棟 01年開始主僕關係,係劉華出名嘅愛將,於 04年華仔 42歲大壽時,家棟仲主動親吻老細,早前劉華亦打本 800萬畀林家棟監製新片《打擂台》,得寵指數拍得住昔日密友潘宏彬。
封面
追打黎明 劉華包起 20 o靚模
2009年09月16日
劉德華岳父朱建城上月腦出血病逝,為保 24年 D級鑽男身份, 47歲劉華精心布局隱身葬禮,最後卻因千夫所指加上被踢爆於賭城註冊,朱麗倩終可光明正大做劉太。
劉華認錯,不過仍無損佢事業鬥心,據知佢最近已暗暗起革命,有鋪老闆癮嘅華仔,最近有傳背後遙控愛將林家棟入侵 o靚模界,消息指華仔將會重手招攬 20名 o靚模,大規模推出市場,實行同黎明班「模 art」爭生意。黎明同劉華由天王年代鬥到家陣,唔通撈亂骨頭?

歌手市場萎縮、捧新人又重皮,反而班 o靚模就勁有市場兼唔使點泵水,連黎明近年亦積極入市想分番啖「肥豬肉」,以 200萬包薪簽第一代 o靚模 Janice Man(文詠珊)十年,並重新包裝做「模 art」應市外,再勁谷啱啱喺無綫《美少女廚神》大賽贏咗冠軍嘅王歌慧接棒,又叫埋名模老婆 Gaile做軍師,擺明睇好「模 art」搵到食。
出面公司
有傳劉華用嚟大搞 o靚模嘅「演製作有限公司」,辦公室位於尖沙咀金巴利道,表面由林家棟打骰,大股東係「東演音像」(林家棟亦持有 10分 1股份),而「東演音像」大股東則係「 Sky Pacific Investment Inc.」(佔 5分 3股份),但公司於英屬處女島登記,神秘老細似乎唔想出面。

o靚模想變節

A Lin︰我阿媽係華仔 fans,如果佢簽我,阿媽一定開心死!

Chrissie︰我好冧《天若有情》入面嘅華仔,如果佢揸架電單車嚟接載我同我傾約,我會過檔 o架!《忽然 1周》圖片

Annie G.︰我有興趣 o架,不過加入佢公司,第日結婚咪唔可以認囉。

Lavina︰如果佢搵我做嘢,我當然有興趣啦,我本身都好鍾意劉華!

Rainbow︰有得同劉華做對手戲或者合作拍吓嘢就更加好,等我可以跟佢學習一下!

DaDa︰跟佢有機會拍到好多 MV同電影,我都想學多啲嘢!


幕後揸旗
黎生落重注,令一向熱愛投資嘅劉華亦蠢蠢欲動。據知劉華更已暗盤落 order叫愛將林家棟「做嘢」,知情人士說:「劉華啱啱掟咗 800萬畀家棟拍套《打擂台》,搵咗 MC Jin同賈曉晨做主角。原本華仔淨係諗住搞吓電影,不過家棟係咁 sell佢話家 o靚模好 hit,加上黎明又搞到有聲有色咁,所以佢年尾都諗住會大搞,初步諗住簽 20個 o靚模,家人選就未定,應該都會係新人,貪佢哋平冇咁大負擔。雖然劉華唔會出面,不過聽講好多決策都要華仔批核。」
劉華搞公司捧 o靚模,當然有唔少 fans o靚模有興趣。雖然華仔未有心水,不過近排大熱嘅女神周秀娜就好開心話:「我同家間公司合作好開心,不過如果劉華揸架電單車嚟接載我同我傾約,我會過檔 o架!」而另一 o靚模 Lavina就話:「如果佢搵我做嘢,我當然有興趣啦,我本身都好鍾意劉華!」華仔叫座力果然厲害。
對於華仔諗住喺模界大展拳腳,週一( 14日)黎明嫂樂基兒一聽劉華搞 o靚模公司已經急步走住話:「我唔知呀!」而劉華愛將林家棟則在電話中說:「大家誤會咗,之前係有人搵過我哋搞 o靚模,不過我哋拒絕咗,我哋間公司係做 PR,有人想做宣傳,我哋咪介紹人畀佢囉,間公司唔關劉生事,唔想影響到佢。」係喎!神秘老闆擺明唔想出面,家棟梗係護主護到底喇!
黎明捧 JM有計

孖住出騷
黎生講明要 JM升呢,加埋有黎太 Gaile幫助,身高報稱 168cm嘅 JM亦有機會行大牌 Ted Baker天橋,不過 JM話:「唔關 Gaile事,其實我之前都有行 fashion show,我身高喺香港 market都 ok!」一個係老婆,一個係愛將,邊個帶挈邊個有乜所謂?

唔使等 24年就坐正做黎太嘅 Gaile,好受黎明粉絲熱愛,完騷時仲有粉絲送禮物賀新婚,做模確係易啲入屋。


扮聽唔到
Gaile以前有問有答,不過「升呢」做黎太後,似足老公咩都唔答,週一( 14日)完騷後,本刊記者問有關劉華染指 o靚模界,佢先話:「我咩都唔知道呀!」之後由鋪頭急步走到商場,再話:「我唔知呀!」而「模 art」 JM亦唔肯多講,成棚公司人拉住佢走。


急步 50米走人
我唔知呀!(真實對白)

JM簽約黎明旗下百仕活, 200萬包薪 10年,黎生啱啱個 concert都有搵 JM唱番兩嘴,啲 job仲要排住隊嚟,有辦畀華仔跟住做。

捧 o靚模平靚正

就算紅到好似女神周秀娜咁,平時開工都係自己化妝,其他二、三線 o靚模更加唔使講。《蘋果日報》圖片

以前捧歌手新人又要學唱歌又要搞形象,投資閒閒哋要幾十萬,不過家陣 o靚模就簡單好多嘞,化妝、 set頭、交通自己一腳踢, 2皮嘢就可以搞掂推出市場快靚正,好似過檔黎明旗下嘅女神 Janice Man咁,個半月已經吸 31萬,當公司拆賬 6成計,以 JM 200萬包薪 10年話咁快返本,一個唔覺意連工包料賣出去畀人仲分分鐘有得賺。

有限成本
影宣傳照︰$500起
禮儀堂( 5-6堂)︰約$10,000
形象指導︰約$5,000
平做 o靚模價︰$18,500
劉華投資欠運
90年劉華開設「天幕電影公司」,代表作有同梅艷芳主演嘅《 91神鵰俠侶》,可惜於 95年公司虧損達 4千多萬,至 00年,獲 Juno老豆、上市公司中建電訊主席麥紹棠注資,但 2年後雙方關係惡化,劉華向天幕追討 1,500萬,但天幕反告劉華違約,追討 1億 5,360萬,苦纏 2年官司,麥紹棠突然無條件庭外和解。不過,劉華多年眼光都係好一般,旗下藝人好多一係消失,一係不歡而散,難怪佢曾經話過:「天幕過去 2年,歐洲、美國同亞洲都為人所認識,對我有鼓勵作用。不過,以後我會專心做好演員。」


捧起 Eason嫂
96年, Eason嫂徐濠縈簽約華仔旗下「天幕」,之後更喺華仔演唱會表演,不過同年傳出公司經理人李潤華偏愛童愛玲,加上有指劉華唔尊重佢,而與劉華鬧得唔多愉快。《壹週刊》圖片
 
一片玩完
93年陳少霞俾劉華睇中拍大製作《天與地》,不過其後發展平平, 98年改投無綫,翌年下嫁富商並誕下女兒,但現已離婚居天水圍屋邨,偶然演出亞視劇集。
 
唔夠運
96年童愛玲爭贏阿徐得到公司重用,不過發展平平, 03年於美國下嫁富商王敦民做少奶奶,生活算最富貴。《蘋果日報》圖片
 
谷極唔紅
03年華仔捧過新仔張穎康,做過新城《新香蕉俱樂部》 DJ,又喺電影《得閒飲茶》客串過,可惜始終谷唔上。《蘋果日報》圖片
 
契女冇影
04年挾劉華契女之名入行嘅鄧肇欣, 22歲入行初期確係有啲聲勢,但最終都係一隻碟都未出過, 05年決定重返外國升學。《蘋果日報》圖片

麥玲玲:劉華唔啱做生意


麥玲玲

劉華做生意多數唔掂,據堪輿學家麥玲玲表示:「劉華唔啱做生意!佢係傷官格,要靠自己技藝去搵食,主名氣,做生意有財通門戶格。其實佢個鼻唔係唔靚,可惜鼻翼太薄,唔適合投資,最多只可以做好保守型嘅投資,例如買樓。」
黎明谷女做廚神
連天王黎明、劉華都要搵 o靚模賺錢,就知 o靚模仲有得搞,貴為 o靚模擂台之一嘅《美女廚房》上週四( 10日)舉行《美少女廚神爭霸戰》,八位 o靚模爭做廚神,結果由黎明另一模 art王歌慧奪得。王歌慧全晚零性感又表演柔道同煮餸,合晒陳總早前嘅 o靚模論:「要有技能,唔係淨係賣弄身材。」不過王歌慧比賽當日班評判其實冇試佢煮嘅嘢食,但竟全部畀高分,唔知係咪畀面黎生呢?


識少林功夫嘅參賽者汪汪,一招拋胸凌空飛踢贏盡掌聲。可惜臨尾煮蝦失準,所以只得亞軍。


王歌慧廚藝一般,不過柔道就去到紅帶級別,當晚更即席表演將蘇民峰撻生魚。


平模人辦
平搞 o靚模,最佳示範要數 Lavina同 Rainbow經理人 Admond(張達鴻),旗下主打 Lavina、 Rainbow兩個 model,兩位勝在勇字行頭乜都撈,不過早前 Rainbow為做 o靚模搞到俾母校玫瑰崗踢出校,但最近 Rainbow亦回頭是岸,開始喺旺角私校讀 F.5。如果華仔要搞 o靚模,應該會搵啲讀過書啩!


Rainbow的起心肝返夜校,返學時亦着得勁密實,費事引死同學仔。
 
Admond(右)冇千萬身家,靠個勇字起家,一樣由住公屋變到住土瓜灣翔龍灣。

 

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★
明星靚相大分享(7月刊)★明星靚相大分享(8月刊)★ 明星靚相大分享(9月刊)★ 過期 週刊 及 雜誌(4-6月刊)★ 過期 週刊 及 雜誌(6月-8月刊)★ 過期 週刊 及 雜誌(4-9月刊)☆ 封面 追打黎明 劉華包起20o靚模
真面目 8模最賺 磨柱A.Lin:我要?宅男
真面目 8號波踩入MK A貨?芝挑戰鏹水彈
真面目 香港守寡 唐唐泰國放縱
真面目 薛凱琪中女洩坑
真面目 黎明層壓式監聽 Janice Man晚晚扎醒
真面目 紅館執千女華二攤 何韻詩4場最屎
FBI File Kama嚇走賭王仔
FBI File 樂基兒投夫所好
FBI File 郭富城好dry
FBI File 阿嬌變順嫂
FBI File 謝霆鋒打到暈
FBI File 徐子淇焗開肚
FBI File 黃子華得罪Laughing哥
FBI File 劉華朱麗倩分開坐
FBI File 楊謹華索爆中女
FBI File S.H.E. 脹爆Selina
外地娛樂
開台 唔怕變「Jay抄」 周杰倫搶救《熊貓人》
西面 睇你點死
日面 醜女有運行 井本絢子
專訪
FACEweekly 七年風流 Swing
面對面 移動不宜 阮小儀
星座
瑪法達看星星 化繁為簡、行動至上 瑪法達

arrow
arrow
    全站熱搜

    stacylife 發表在 痞客邦 留言(0) 人氣()