ML300創新低 型男慳十萬

你問我男人揸咩車最有型,浮誇招搖嘅超跑怎也不及有型有勢嘅 SUV四驅來得有味道,睇見一眾型男明星如 Chilam、伊健等都係四驅擁躉,你就知 SUV對男人嚟講有幾大號召力。有本錢揀品牌的話,夠靜又豪華嘅 Benz向來都係頭號目標,但以往最低門檻都要索價 65萬,突然有較細容積引擎嘅 ML300 Facelift出現,一眾朝 SUV大軍方向進發嘅型男們,你哋可以儲少 10萬蚊喇。記者:許維雅攝影:伍慶泉Model: Eriko

放大圖片
■型男不愛花巧,真皮襯電鍍嘅內櫳夠 Cool正合他們心意。

■型男不愛花巧,真皮襯電鍍嘅內櫳夠 Cool正合他們心意。

香港地有時想搵條爛路影吓相都難,要攀山涉水反而難過登天,即使四驅車顯得大材小用,卻無損一眾型男對四驅 SUV嘅鍾情,主因不離「有型夠霸氣」。何謂有霸氣?因為落雨而改入廠影相,指揮部平治 ML300駛入閘嘅一刻,未到一半我已經忍唔住叫停,充滿剛陽味嘅車頭,唔使揸得快亦一樣有懾人嘅氣勢,即刻叫攝影師捕捉住呢個入半閘嘅場鏡。

放大圖片
■後座闊落舒服,若然椅背可以校低躺卧會更佳。

■後座闊落舒服,若然椅背可以校低躺卧會更佳。

呢啲當然要歸功於夠晒搶眼嘅三層多格式鬼面罩、神氣非常嘅特大 Bi-Xenon白光車頭燈,感覺硬朗嘅車身線條喺 1,815mm高嘅車身襯托底下,就好似有個高大猛男喺你身邊。雖然話呢部 ML300係入門版,但外形上唔會因為咁而好寒酸,其實跟 ML350及 ML500無乜分別,原裝更跟上唔少 Sport Package配件、一對 19吋合金輪圈嘅 Facelift版,為佢增添不少活力。

雨中飛馳更顯穩固 放大圖片
■原裝已跟 19吋特大五輻式輪圈,搶眼有型。

■原裝已跟 19吋特大五輻式輪圈,搶眼有型。

話雖四驅車在港發揮機會不大,遇着影相當日天雨路滑,四平八穩嘅 4Matic四輪驅動就可表現出紮實穩健嘅一面。感覺尤其暢順嘅 7G-TRONIC自動波箱,即使上斜落斜都令人得心應手。比起 ML350,引擎雖然由 3.5公升縮為 3公升,馬力輕減 41匹至 231匹,起步反應卻同樣敏捷,爆發力已經夠用有餘。好多人以為四驅車一定好大食,但據廠方提供嘅綜合油耗只係 9.3L/100km,以油價約$14計算,都係約$1.3一公里。為慳錢又好,為環保又好,買車又何須下下揀大偈。內櫳亦係同等豪華嘅真皮襯電鍍設計,內外幾乎都同其他 M系分別不大,不過就可以大拿拿慳番十萬蚊老婆本,揀 66萬嘅 ML350定係 56萬嘅 ML300,無論你係婆仔定型男,你都識得揀邊架抵啦。

放大圖片
■雙立體圓形錶板不變,平實簡潔嘅設計應該係下一步升級嘅地方。

■雙立體圓形錶板不變,平實簡潔嘅設計應該係下一步升級嘅地方。

放大圖片
■方便上落嘅 Sport Kit腳踏,既實用又美觀。

■方便上落嘅 Sport Kit腳踏,既實用又美觀。

放大圖片
■中控台按鈕鋪排清晰易用,前座中間兩條真皮手柄更係我最欣賞地方。

■中控台按鈕鋪排清晰易用,前座中間兩條真皮手柄更係我最欣賞地方。

放大圖片
■尾廂特大一向係 M系賣點,拆除所有座椅更可增至 2,050公升儲物容量。

■尾廂特大一向係 M系賣點,拆除所有座椅更可增至 2,050公升儲物容量。

放大圖片

 

放大圖片

 

 

平治 ML300規格:

引擎: 2,996cc V6馬力: 231hp/6,000rpm扭力: 300Nm/2,500-5,000rpm傳動: 7G-TRONIC自動波箱售價:$558,000查詢: 2895 7339(仁孚行)


■全新 ML300第一次出現就以 Facelift示人,增添不少霸氣嘅懾人魅力。

arrow
arrow
    全站熱搜

    stacylife 發表在 痞客邦 留言(0) 人氣()