移民上海 自組公司鋒芝賣Lucas半年撲水一億

從最初堅決反對Lucas加入娛樂圈,到家買大送細,張柏芝Lucas母子檔為星爺動畫《長江7號愛地球》唱主題曲;為搶錢,張柏芝更 擱置追女計劃,以六百萬復出接拍爾冬陞新片。

鋒芝態度180度突變,據知,全因霆鋒準備飛甩英皇,年底約滿唔續約,同前英皇高層周柱輝拍住上內地開公司,並計劃舉家移民上海!為籌組新公司,謝家總動員變身搶錢家族,以1.4億放售舂坎角豪宅,又開出三千萬一家四口廣告價,保守估計半年內起碼淨袋一億。

自07年Lucas出世後,呢位謝家第三代金笸籮一直備受各界注意,不單傳媒成日拎佢做封面,更有唔少廣告商打佢主意,最近芝就自爆囝囝一歲時,有人出到一千萬搵Lucas拍廣告,不過遭霆鋒拒絕。

處男下海

其實對於Lucas加入娛樂圈一事,半個童星出身,16歲就肩負起養家重擔的霆鋒,多次公開表示No Way,「我冇諗過俾佢入娛樂圈,等佢再大,我會送佢去外國讀書。」又話希望Lucas將來做醫生、律師都好過做明星。

不過近日Lucas前途卻出現戲劇性變化,6月13日(週日),張柏芝同Lucas現身上海出席《長江7號愛地球》新聞發佈會,席間星爺宣佈張柏芝母子合唱該片主題曲,惹來全城嘩然。

面對逾百傳媒的鎂光燈,Lucas不僅沒有怯場,更盡展明星風采,先拎咪大講:「我愛你!」繼而不斷做出趣怪表情滿場飛,令一向係風頭躉的星爺亦慘變大佈景。

對於囝囝獻出第一次,張柏芝強調唔關錢事:「錢係要俾,不過一蚊就夠,我本來都冇諗過俾Lucas入娛樂圈,但反正佢入唔入都係傳媒焦點,不如俾佢玩、開心。」

口話一蚊賣大包,但實情星爺出手十分闊綽,出到二百萬先請得郁芝母子,可見未夠三歲的Lucas身價有幾驚人。

自組公司

今次成功令霆鋒開綠燈,全因為要籌錢落實鴻圖大計,「霆鋒計劃年底約滿唔簽英皇,諗住同阿輝(周柱輝)內地大展拳腳,新公司以投資拍電影為主,佢計過初步資金起碼要成億,張柏芝一直想俾Lucas入娛樂圈玩,有咁好機會佢梗係向霆鋒落嘴頭啦!」知情人稱。

周柱輝原本只係英皇保母,但因為湊霆鋒湊到變兄弟升做經理級,多年來在內地打滾人脈極廣,08年尾佢離開英皇時,已被指係做先鋒為霆鋒日後開公司鋪路;加上霆鋒本身在內地人氣強勁,近日就被網民選為「2010中國嬌子青年領袖」No.1,成為唯一入選的香港藝人,兩兄弟拍住上,難怪霆鋒對做老闆充滿信心,投資成億都照去馬。只是對於離巢自組公司,霆鋒至今仍未公開表態,態度曖昧。

搶鏡百厭 Lucas全程冇時停,仲試過興奮到爬上梳化,搞到星爺都冇佢符。

玩謝星爺雖然未夠三歲,但Lucas經已極有性格,夠膽當星爺透明,遺傳晒父親的優良基因。

托頭扮嬲成個記招開好耐,令Lucas都有悶,扁嘴托頭,不過依然冇損其可愛。

 

謝霆鋒張柏芝移民上海 全家總動員變搶錢家族

從最初堅決反對Lucas加入娛樂圈,到現在買大送小,張柏芝Lucas母子檔爲周星馳動畫《長江7號愛地球》唱主題曲;爲搶錢,張柏芝更擱置生女計劃,以六百萬複出接拍爾冬升新片。

謝霆鋒張柏芝態度180度突變,據知,全因謝霆鋒准備甩掉英皇,年底約滿不續約,同前英皇高層周柱輝一起到內地開公司,並計劃舉家移民上海!
爲籌組新公司,謝家總動員變身搶錢家族,以1.4億放售舂坎角豪宅,又開出三千萬一家四口廣告價,保守估計半年內起碼入賬一億。

明星靚相大分享返回主業☆娛樂八掛週刊雜誌★娛樂八掛YouTube頻道★明星靚相大分享(04月刊)★ 明星靚相大分享(5-6月刊)★ 娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 週刊 及 雜誌(7-11月刊)☆ 週刊 及 雜誌(10-6月刊)☆

arrow
arrow
    全站熱搜

    stacylife 發表在 痞客邦 留言(0) 人氣()