羅仲謙和江若琳昨日在海洋公園出席「海洋公園夏水禮」，江若琳大玩長達 54米的滑水天梯，羅仲謙則跳彈床和玩水槍，弄致全身濕透。

放大圖片

江若琳興奮試玩長達 54米的滑水梯。

江若琳自言不怕玩天梯：「細個喺廈門玩過滑水梯，但以前啲梯用石製造，玩完後好辣，正式火燒後欄，成個星期趴喺度瞓覺。」羅仲謙自爆當救生員時的趣事，他說：「見過啲女人胸墊浮喺水，我哋叫呢啲做泳池水母。」黃婉曼則做活動司儀，甫出場即作簡短天氣報告，她拒效法 o靚模行性感：「唔關身材事，只係自己唔係嗰樣嘢。」採訪：卓寶花攝影：陳志嵐


羅仲謙跳彈床，有姿勢有實際。

羅仲謙賣底橫一吋誘惑

江若琳（Elanne）與羅仲謙「濕身水戰」。謙仔透露有廣告商找他倣效碧咸大賣內褲廣告，不過怕醜的他斷言不夠膽當眾晒「八月十五」，而貪玩的Elanne則難忘曾遭「火燒後欄」。

謙仔透露有內褲廣告商找他擔任代言人。

Elanne與謙仔昨午出席海洋公園活動，前者被邀跣下濕滑的巨型吹氣滑梯，搞到身形若隱若現。天生膽大的Elanne坦言很喜歡玩刺激機動遊戲，且自爆小時候的百厭瘀事謂：「以前喺廈門玩滑梯，點知因為太曬滑梯吸熱，一跣落嚟就搞到Pat Pat赤赤痛，成個禮拜都要翻轉身瞓呀！」

遇溺者嘔腸仔

入行前曾是救生員的謙仔則表示見慣人受傷，最難忘是當值期間不時發現「泳池水母」：「好多女生貪靚，着泳衣游水都加晒墊，一落水啲墊咪甩晒出嚟，喺水邊『浮游』囉。（救過靚女？）冇機會，反而最惡心試過拯救一個小肥仔，同佢人工呼吸後，對方竟然嘔晒佢之前食過嘅腸仔出嚟呀。」

黃婉曼堅持封胸，拒行泳衣騷。

眾人齊齊出席海洋公園活動，玩「濕身水戰」。

Elanne在炎炎夏日玩「水滑梯」，認真過癮。

黃婉曼拒騷胸

擁有四十二吋胸肌的謙仔，稍後將夥拍周秀娜及Jessica　C.等「有料之人」拍戲，謙仔笑言屆時會目不斜視「避嫌」，且打算再操弗身形亮相。問到他可有考慮接拍內褲廣告，謙仔謂：「真係有廣告商搵過我。（效法碧咸露股？）嘩！我冇咁大膽，露一吋得唔得？」

至於擔任司儀的黃婉曼坦言最近多了人找她擔任活動司儀，自言新丁的她暫不會自抬身價，不過卻鐵定「封胸」，無論如何不會走泳衣騷於人前晒身材。