旅行旅遊日本沖繩跟 9個安室奈美惠　沖繩學 Un腳 @ 明星靚相大分享☆

「佢條腰有無 22吋呢？」「混血阿妹細細粒，跳得好高！」剛到沖繩著名的 Actor's， 9個廿歲出頭的導師已在排舞室等我們，個個笑容燦爛，長腿瘦腰人勁 fit，暗瘡一粒都無，同日日上網打機瞓覺都仲係熊貓眼的宅型少艾差十萬八千里。點解當日十零歲的我，只識撻喺床睇《澟》漫畫，唔起身跳兩 part舞？！記者、攝影：陳慧敏鳴謝：新華旅行社

日本偶像舞蹈學府

在日本，沖繩除了表示陽光與海灘，就係窮鬼的鄉下地方。今日，或者多咗個，係跳舞好勁的地方。沖繩人生活從來簡單，除了種田捕魚，就是同 friend彈三線琴，唱歌跳舞過日辰。所以日本人都相信，沖繩人的節奏感已溶於血裏，是天生表演分子。Actor's你未必聽過，但肯定知道沖繩出身的歌手都唔好惹。今日都仲有一番地位的安室奈美惠、昔日的 Speed四個、去了台灣做主持的千田愛紗都在此被睇中，那些偶像事務所他們豈不是常來揀蟀？攞定簽名有着數喎？負責人：「是，演藝圈的人確是常來，但望被星探發掘做明星的人其實不多，學生多數寧願加入舞台劇，做排舞老師或做幕後，出路多得很且更專業。好過做星，一百個出去都未必有一個紅得起。」明星跳舞學校以前仲有好多學生專登輟學，全職學舞。現在學校跟島上的國際學校合作，學生繼續讀書，同時日日來上堂，為未來鋪路。

放大圖片
安室奈美惠

安室奈美惠

放大圖片
千田愛紗

千田愛紗

3-70歲都學得放大圖片
<br/>■我同 Liz今日的九位導師，個個青春活力腰圍 22，問你死未？

■我同 Liz今日的九位導師，個個青春活力腰圍 22，問你死未？

「我們由最基本的開始吧！」我們的導師由 18-22歲，但多數 7、 8歲就來上課，到今日起碼練舞 7-10年了！入學頭幾堂乜都唔教，淨係學 Un身 Un勢。吓， Un腳？我好熟啦！我一掌推了 Liz出去上堂，自己躲在後排氣聚丹田大髀收緊 UnUnUnUnUnUnUn。原來全身 Un個五分鐘，腰肚大髀都無力！剛開始學舞的 Liz話：「在香港學舞多數目標為本，一隻一隻歌排好俾你練，唔練十年八載，俾首新曲你真係會唔識跳。相反這裏淨係教你讓身體跟住節奏郁，完全無譜，基本功打得好，追住音樂已識扭，以後學乜都易好多！」學校收生限制 4-22歲，學費每月 21,000日圓（約$1,830）。但參加旅行團就 3歲到 70歲都得。

放大圖片
■雖然暑假短短學得少少，但若然在此識番個靚仔/靚女……

■雖然暑假短短學得少少，但若然在此識番個靚仔/靚女……

放大圖片
■每一下彈跳跑同轉身都充滿力量。現場看，比睇過好多綜藝節目的 dancer更有感染力。

■每一下彈跳跑同轉身都充滿力量。現場看，比睇過好多綜藝節目的 dancer更有感染力。

放大圖片

a. Actor's地址：宜野灣市大山六丁目 3番 3號網頁：http://www.actor-s.org

啤酒一日大學放大圖片

繼續暑假遊學團！既然有靚水，沖繩啤酒都好出名。 Orion啤酒廠都辦了一日大學，第一堂課，釀酒過程你或看了瞌眼瞓，然而如何嘆一杯靚啤酒？例如啤酒杯只可風乾不可抹乾，啤酒溫度要在 6-8℃最好味，或者啤酒同泡停在 3/7分界是為美味黃金比例你又知唔知？學「海」，果然無涯呢。

放大圖片

b.オりオンビール名護工場地址：名護市字東江 2-2-1網頁：http://www.orionbeer.co.jp

街市早餐： C朗吞拿魚開邊放大圖片
■新鮮生蠔約$17/隻

■新鮮生蠔約$17/隻

有一件事，我趁沖繩之旅最後一份稿，攝位都要寫。就是晨早去 Lyumachi魚市場食早餐！我知道，這已是旅客們的指定行程。魚市場晨早 6時最多人，街坊 7點半就去買餸煮飯。放假嘛，餓過龍的我們 8點半才到，市場幾乎已收檔。隔籬街還有一兩檔在鮮炸墨魚，買完一轉隔一陣又收檔。好在預約了的阿伯留了條重磅過 C朗好多的巨型吞拿魚等我們。老闆一句：「易箍唷！（開始啦！）」手起刀落，批頭批尾左一刀右一刀，將滅火筒咁大條魚開邊，片出魚腩，分出幾十碟任食。自己來的話，在這裏買魚腩一般約$90一大碟，都有成三十多件。我們旅行團特別安排，切一條巨型吞拿魚任食。入口果然鮮香味美，食到個個吽吽哋時，老闆：「介紹你哋我最鍾意的食法！」捧出大支沙律醬將魚生完全掩蓋，魚生變了白色一嚿雪米糍，女團友嚇呆：「吓，咁肥？」食落，滿嘴沙律醬！看見嘴歪的我們，老闆無端端哈哈笑：「你班人淨係食慣醬油呀！魚生仲有好多食法 o架！」

放大圖片
■即製新鮮便當只$44/盒咋！

■即製新鮮便當只$44/盒咋！

放大圖片
■岩手縣魚子$44/盒

■岩手縣魚子$44/盒

放大圖片
■ 10分鐘，巨魚被開成一嚿嚿，等待被我們瓜分。

■ 10分鐘，巨魚被開成一嚿嚿，等待被我們瓜分。

放大圖片
■老細說這是他最愛的吃法，恕我不懂欣賞，還是清清哋配醬油好啲。

■老細說這是他最愛的吃法，恕我不懂欣賞，還是清清哋配醬油好啲。

放大圖片
■八點幾，來的大抵都是遊客，當地人早就買好餸返歸等煮飯了。

■八點幾，來的大抵都是遊客，當地人早就買好餸返歸等煮飯了。

放大圖片
■今日的主角就是這條 120公斤重磅過 C朗多多聲的拿魚。睇魚頭大過人頭！

■今日的主角就是這條 120公斤重磅過 C朗多多聲的拿魚。睇魚頭大過人頭！

放大圖片

c.Lyumachi魚市場地址：那霸市港町 1丁目 1番地

平食放題：$260蟹鍋放大圖片

要方便 shopping，當然最好住國際通。我們住的其中一家 Station Makishi酒店就在國際通的盡頭，企企理理，又唔貴。而且頂層的 Clife餐廳，有 270度落地大玻璃，可以邊食飯邊望到那霸市的夜景。餐廳提供的地道沖繩菜式也多，還有抵食海鮮火鍋，最近推出的蟹鍋限時套餐， 60分鐘裏有蟹粥、蟹湯、蟹壽司、蟹春卷等，每位$260起。如此價錢如此質素同環境，又好抵喎。

放大圖片
■嫌套餐唔夠食？加錢餸都不貴，你睇 Liz幾狼？