陪食飯陪睇世界盃　俞琤何超瓊住埋忽然1周 777期 @ 明星靚相大分享☆

47歲的何超瓊與大她十年的俞琤，都是商界猛人，難怪一拍即合，話咁快打得火熱，由知己變同住嘅密友。（設計圖片）

封面故事

陪食飯陪睇世界盃　俞琤何超瓊住埋

2010年06月18日

一向敢愛的何超瓊， 4月被傳媒踢爆與商台副主席俞琤親密關係後，高調確認對方「難得知己」地位，更明示不會因緋聞避忌。據知，近日兩人關係更進一步，俞琤不但儼如何家一分子，不時與二房姊妹飯局，更不時在何超瓊市值 2.5億的歌賦山寓所過夜。
近日世界盃開鑼，一向愛睇波的俞琤，孖住密友超瓊癡纏睇波。咁都唔止，兩人仲大玩情侶車情侶屋，繼超瓊以 2千萬買入俞琤元朗葡萄園寓所隔籬獨立屋後，俞琤又密謀送架 3百萬 Aston Martin BD9跑車回禮。兩位商界強人，果然愛得夠豪！

互動片段

俞琤試馬沙拉蒂

何超瓊位於山頂嘅歌賦山別墅，市值約 2.5億。《壹週刊》圖片

今年 57歲的俞琤，今年初一輪強烈攻勢下，話咁快冧掂 47歲賭王繼承人何超瓊。短短幾個月，更由知己昇華到同住的密友關係。而細心體貼的俞琤，為了分秒必爭陪住何超瓊，不但登堂入室進駐對方歌賦山香閨，更將所有工餘時間陪女方。上周六（ 12日）中午，俞琤陪超瓊到四季酒店午膳，晚上又相約到尖沙嘴洲際酒店吃飯，然後齊齊坐超瓊的寶馬返回超瓊山頂寓所過夜，朝夕相對。

前後腳出入

不過，兩人十分小心，翌日早上十時許，何超瓊獨自乘寶馬離開大宅。廿分鐘後，才見俞琤的司機，駕着豐田保母車到超瓊大宅接他離開，兩人刻意前後腳走，藉此掩人耳目。
知情者話︰「世界盃開鑼， YT（俞琤）就去 Pansy（何超瓊）屋企睇波。超瓊好遷就 YT o架，知佢係阿根廷擁躉， 12號嗰晚，佢提早收工， 6點幾就走人，睇怕都係趕返屋企陪密友睇波，因為當晚 10點就係阿根廷對尼日利亞嘅賽事。」事實上，當晚兩人在洲際酒店晚飯，離去時只是 9時半左右，絕對趕得切返閨睇波。
據知超瓊與俞琤的關係，得到妹妹及細佬支持，何家姊妹如超儀、超蕸等，亦曾與俞琤晚飯，兼且談笑甚歡。但這段同性密友關係始終未過賭王及二太嗰關，所以，兩人約會低調，可謂寧俾人知，莫俾人見。而早前超瓊被問到賭王有冇八卦這段緋聞時，她亦避重就輕話︰「暫時未，佢冇催我搵男朋友，佢關心啲年紀細嘅細佬妹好過啦！我咁大年紀，佢放心 o架嘞！」加上賭王身體逐漸康復，超瓊不想節外生枝，所以還未安排俞琤見家長。

6月 12日　四季陪食午飯 中午 2時，俞琤的豐田保母車到中環四季酒店接佢離去。未幾，記者亦見到超瓊的寶馬在後面，相信兩人剛才在酒店午膳。
6月 12日　四季陪食午飯
中午 2時，俞琤的豐田保母車到中環四季酒店接佢離去。未幾，記者亦見到超瓊的寶馬在後面，相信兩人剛才在酒店午膳。

晚上洲際撐枱腳 晚上 7時，俞琤先到尖沙嘴洲際酒店等候。 7時 10分，超瓊的車到，俞琤十分細心，出來迎接女友才一起入內晚膳。 9時許，兩人離開食肆。
晚上洲際撐枱腳
晚上 7時，俞琤先到尖沙嘴洲際酒店等候。 7時 10分，超瓊的車到，俞琤十分細心，出來迎接女友才一起入內晚膳。 9時許，兩人離開食肆。

齊返香閨睇波 俞琤坐超瓊的寶馬，齊齊返回女方歌賦山香閨。由尖沙嘴返山頂，車程約半小時，絕對趕得到 10點前返家，睇當晚的阿根廷對尼日利亞球賽。記者當晚一直守候，未見俞琤離開。
齊返香閨睇波
俞琤坐超瓊的寶馬，齊齊返回女方歌賦山香閨。由尖沙嘴返山頂，車程約半小時，絕對趕得到 10點前返家，睇當晚的阿根廷對尼日利亞球賽。記者當晚一直守候，未見俞琤離開。

6月 13日　前後腳離去 翌日早上十時許，超瓊的司機駕着寶馬房車到歌賦山大宅接她外出。
6月 13日　前後腳離去
翌日早上十時許，超瓊的司機駕着寶馬房車到歌賦山大宅接她外出。

廿分鐘後，俞琤的司機到何超瓊大宅接他離去。兩人前後腳離開，看來是刻意掩人耳目。

返葡萄園度假

早前有周刊爆超瓊搵細佬何猷龍出面，以離岸公司名義，於 3月份以 1千 9百多萬，買下俞琤葡萄園寓所隔籬一個 3千多呎的獨立屋，打算日後打通後用來度假之用。有傳新聞一出，亦驚動了二太藍瓊纓，要超瓊親自解話。「二太知道咗後，叫咗 Pansy同猷龍問話，最後 Pansy都拆得掂，咁佢做嘢不嬲好有分寸。但二太就提醒佢以後要低調啲，所以 Pansy同 YT約會，好多時都係分開到場，避免再俾記者影到。」知情者說。
超瓊愛得疏爽，俞琤亦禮尚往來。 5月中，俞琤才剛剛豪花 2百萬，出了部溝女跑車 Aston Martin V8 Vantage，用來載何超瓊遊車河。想不到事隔半個月左右，佢又再去試另一部同車廠價值 280萬的 BD9，打算送給何超瓊做情侶車。原來，俞琤見超瓊坐開架寶馬已經用了多年，所以秘密試車，有意送架情侶跑車給她，冧女認真有一手。

6月 15日　超瓊夜探奶媽 7時半，超瓊（白圈）放工後，與妹妹超鳳驅車到嘉諾撒醫院探望患病的奶媽晶姐。
6月 15日　超瓊夜探奶媽
7時半，超瓊（白圈）放工後，與妹妹超鳳驅車到嘉諾撒醫院探望患病的奶媽晶姐。

秘入葡萄園 1小時後，何超瓊驅車到葡萄園，可能因為翌日是端午節假期，所以她便到俞琤獨立屋度假。不過，記者等至翌日黃昏，都未見她出來。
秘入葡萄園
1小時後，何超瓊驅車到葡萄園，可能因為翌日是端午節假期，所以她便到俞琤獨立屋度假。不過，記者等至翌日黃昏，都未見她出來。

6月 1日　俞琤親試車 俞琤到 ASTON MARTIN位於跑馬地嘅陳列室，幫超瓊試新車。揸慣跑車嘅佢，約廿分鐘便試完車，並返回陳列室，與職員傾足十分鐘才離去。
6月 1日　俞琤親試車
俞琤到 ASTON MARTIN位於跑馬地嘅陳列室，幫超瓊試新車。揸慣跑車嘅佢，約廿分鐘便試完車，並返回陳列室，與職員傾足十分鐘才離去。

店員對俞琤如上賓招待，當日落雨，經紀為佢擔傘開門。

超儀俞琤扮唔識

6月 16日端午節，據知何家上下與賭王齊齊做節，晚上俞琤則獨自到紅館睇農夫個唱，而超瓊的妹妹超儀與老公陳子聰則與賭王晚飯後， 9時半才匆匆入場。雖然她與俞琤同坐一行，但在公眾地方，刻意與俞琤扮唔識，連招呼都冇打。
有愛情滋潤的何超瓊，與俞琤打得火熱之餘，不忘盡顯孝心，經常抽空探望賭王及超瓊奶媽晶姐。據知自賭王出院返回淺水灣大宅後，二太藍瓊纓及子女，每日都分批探望賭王陪他晚飯，在賭王大宅車輪轉。超瓊每星期亦有兩至三日陪老竇晚飯，向他報告業務發展，而二太亦會定時抽空到賭王寓所相聚，可見二房已佔盡賭王時間。
而護士出身的三太陳婉珍，亦攝到個好位，獲二房允許，自由出入大宅服侍賭王起居飲食。反觀昔日與賭王出雙入對的四太梁安琪，甚少到大宅探賭王，有報道指她更被限制探病時間最多不能超過兩小時，每次都來去匆匆，明顯失勢，難怪四太近日面容憔悴，身形暴瘦。

6月 14日　密密探賭王 公私兩忙的何超瓊，每星期都會抽空探賭王。當日晚上 7時許，邊行邊拿着文件與員工商討，盡顯女強人風範。
6月 14日　密密探賭王
公私兩忙的何超瓊，每星期都會抽空探賭王。當日晚上 7時許，邊行邊拿着文件與員工商討，盡顯女強人風範。

放工後，超瓊與超鳳齊齊到淺水灣大宅探老竇，逗留兩個多小時，便返回歌賦山寓所休息。

6月 16日　俞琤超儀睇騷碰頭 自從與超瓊拍拖，俞琤更加神龍見首不見尾，農夫開騷中途，約 9時 20分，佢才現身紅館。半小時後，超儀與老公亦到場。記者上前拍照時，他們甚不自然，保安更阻擋記者訪問。之後，超儀及俞琤更於未完騷時走人，似乎刻意避開傳媒。
6月 16日　俞琤超儀睇騷碰頭
自從與超瓊拍拖，俞琤更加神龍見首不見尾，農夫開騷中途，約 9時 20分，佢才現身紅館。半小時後，超儀與老公亦到場。記者上前拍照時，他們甚不自然，保安更阻擋記者訪問。之後，超儀及俞琤更於未完騷時走人，似乎刻意避開傳媒。

昔日賭王身邊大紅人四太，近日明顯失勢，連探賭王都被人諸多限制，就連女兒超盈、超欣，也只能旋風式探賭王。《壹週刊》圖片

3百萬情侶車

歷年來，俞琤愛為新女換車兼換樓，上月 14日，俞琤花 2百萬買黑色 Aston Martin V8 Vantage。今個月初，又為女友何超瓊試同廠的白色跑車，打算以一黑一白情侶車，突顯戀情升溫！

3百萬 Aston Martin DB9

Aston Martin係英國名牌靚車，俞琤當日試的型號 DB9 Coupe，是今年最新款式，價值約 3百萬。 DB9唔止係一部超級跑車，亦提供 Grand Touring等級舒適的長途駕駛樂趣，啱晒俞琤同超瓊返路途遙遠的元朗葡萄園。此車馬力強悍，可達 470匹馬力，比俞琤之前買嘅 V8 Vantage更勁。

2百萬 Aston Martin V8 Vantage

上個月初，俞琤花二百萬買這部 Aston Martin V8 Vantage，新車落地四日，就被本刊影到佢哋拍拖遊車河。

打通情侶屋

三個月前，何超瓊竟搵細佬何猷龍幫手，豪花 2千萬購入俞琤隔壁的葡萄園洋房，兩個單位門貼門，情侶屋兼情侶車，真係心連心。

有周刊指超瓊搵細佬何猷龍出面，以離岸公司「 Novel Legend Group Ltd.」名義，以 1,993萬元購入葡萄園獨立屋，面積 3,100呎，呎價達 6,500元。而超瓊所買的單位正正是俞琤隔鄰，只要打通花園同大廳便可兩邊走。