32集 29/11周日 楊怡扑濕馬利
楊怡為嫁禍阿佘，轉移向太后韓馬利下手，先在其藥中落毒，繼而用青銅花瓶將她扑死，等阿佘前來時，再用重物擊暈她，乘機嫁禍阿佘殺害太后。
阿佘打算入宮探望太后，發現她臥在地上，全無呼吸。
太后，你點呀？
早已埋伏在阿佘身後的楊怡再用花瓶扑暈阿佘，阿佘醒時，李國麟即誣告她殺太后。
顯揚話只要有瓊花，嗰度就係我哋嘅家！
鄭嘉穎打算轉身離開之際，阿佘在他身後重覆又重覆地唸出種花呀、賞月呀，生仔呀等綿綿情話，終喚醒鄭嘉穎，二人對望甜笑，好感動呀！
32集 29/11周日 楊怡狠摑菊姐
楊怡投靠李國麟，命陳自瑤施詭計令尚宮局等人收押天牢，楊怡到天牢與眾女嗌交兼動粗！
32集 29/11周日 阿佘執玉璽揸 fit
陳豪自爆炸藥後身死未卜，李國麟假傳聖旨執掌朝政，此時阿佘手執陳豪王璽，指陳豪離宮時曾諭旨要她暫代監國，只做得一日皇帝的李國麟嬲爆。
32集 29/11周日 陳豪自爆炸藥
陳豪和李國麟攤牌，李國麟威脅若陳豪唔肯退位，便會殺害阿佘。陳豪不從，李國麟即派埋伏殺手打算殺害他。陳豪忽然在枱底拎起炸藥引爆，李國麟認為陳豪必死無疑。
31集 28/11周六 陳豪硬啃便宜仔
鄭嘉穎中伏身中多刀墮崖，懷有鄭胎兒的阿佘傷心欲絕。此時李國麟收到楊怡密函，直指阿佘懷有孽種，更要處死她，陳豪為救阿佘，惟有話個胎兒係龍種，偉大到呢！
張國強和李詩韻聚父女之圓，聞到楊怡身上發出極濃的茴香氣味。
末將敢問娘娘，娘娘身上發出嘅香氣係？
哦，都係本宮喺花園隨意採摘啲花製成嘅！
張國強直踩入楊怡寢宮，踢爆楊怡以花作利器，謀害李詩韻。
娘娘每日用花薰衣，弄至滿身花香，陪伴賢妃，分明就係以花香作劍，殺胎兒於無形。
點會呢，我同姐姐情同姊妹，又點會加害姐姐喎！
31集 28/11周六 張國強慘變廢柴
李國麟為除異己，設計令張國強飲下自己部屬的茶，即身中劇毒，全身癱瘓，不能言語，只能靠雙眼示意。
啲茶有毒？
32集 29/11周日 阿佘撚蛇舞
阿佘為擺脫吐蕃王子的癡纏，在手臂刻有吐蕃臣民一直忌諱的火焰紋身，又在吐蕃王子面前大跳蛇舞騷「加拿大」，務求令他知難而退。
阿佘得陳豪指點，在手臂上刻有黑色火焰紋身，藉此令吐蕃王子打退堂鼓。
阿佘被安排坐在吐蕃王子側邊，王子一見阿佘紋身即露出厭惡表情。
劉司珍，你手臂上呢個……？
係奴婢嘅胎記。
死相重溫
《宮》劇都算死得人多，由第一集開始就不斷有人被陷害致死，死狀百出，務求突出劇中楊怡和李國麟兩大奸角的陰險一面。
觀眾想結局點？
《宮心計》全城熱播，收視不斷上升，本刊做了多個街訪，測試觀眾對《宮》角色和結局的喜惡，近日就連網友都激烈討論。
望心姐再出場
尹女士：「我同個仔最鍾意睇謝雪心演太皇太后，佢好有型，可借太早死啦！會唔會有段回憶嘅戲可以俾謝雪心再出場？」
想結局有驚喜
陳生陳太：「楊怡同佘詩曼做得唔錯，扮相又幾靚，但同一班老戲骨拍埋，就即刻失色啦。我估三好有好收場囉，但咁就冇驚喜！」
讚關菊英
薛氏姊妹：「今次監製真係冇選錯人，謝雪心做開大戲，半途出家都演得咁好。關菊英又係唱歌轉演電視。嗰種矛盾心情真係演得好好，所以我最唔想關菊英死。」
最愛老戲骨
李先生：「我成個劇最鍾意謝雪心、米雪、關菊英同李國麟四個，全部都咁好戲。見到米雪怪錯好姊妹，忍唔住鬧佢死蠢。見李國麟咁奸就意得佢快啲死！」
網友意見
10月 29日
心姐請食齋
10月 20日
菊姐請食鮑魚
11月 23日
米雪請食翅
波譎雲詭 解釋：波同雲係指水波同雲彩，都係捉摸唔到，係形容人心，譎係指怪異，呢個詞同各懷鬼胎意思相近。
晨昏定省 解釋：晚間服侍就寢，早上省視問安。古時侍奉父母的日常禮節。
醍醐灌頂 解釋：醍醐是酥酪上凝聚的油。用純酥油澆到頭上。比喻使人得到啟發，徹底醒悟。
抱殘守缺 解釋：抱著殘缺陳舊的東西不放。形容思想保守，不求改進。
宮心計》本周大結局，上周平均收視依然維持35點，超越《巾帼枭雄》榮登今年劇王。爲推高收視，《宮心計》將于本周六、日連播4集，一衆演員更會趁機造勢。
娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 過期 週刊 及 雜誌(4-11月刊)☆ 過期 週刊 及 雜誌(10-11月刊)☆
留言列表
