【撰文】娛樂組　【攝影】攝影組　【美術】陳國威

面對復出重壓，加上老公李亞鵬不時捲入桃色醜聞，細女李嫣又即將赴美接受兔唇手術，事業、家庭兩邊煩，難怪最近傳出王菲不堪壓力 ，惹上厭食疑雲，子宮怪病纏擾更甚。

據知，仍渴望生仔箍實老公的王菲，不單嫌錢腥嗌停一切復出大計，更借帶李嫣返港申請身份證為名，暗地裏搵名醫求救。冇見一排，王菲塊面瘦到顴骨曝現，睇落最少瘦10磅，兼且怪行屢屢，一時掩口、一時捽鼻，又忽然騎呢晒腩，情況令人擔心。

雖然已為人妻，但隨金融海嘯殺至，有傳令王菲身家大縮水，起碼唔見半億，最慘係李亞鵬事業又冇起色，投資搞生意更接連中招。

04年開設「美麗春天文化公司」主力投資電影、電視，作品如《目擊者》、《聖殿》等通通仆直，酒吧生意又慘不忍睹，搞到每隔一排就傳出王菲復出養家的消息。

擔憂復出

繼早前以2千萬天價拍霸王洗頭水廣告後，最近又傳出有人開到2百萬一場請佢紅館開Show，更有報道指王菲已落實客串內地電視劇《西遊記》飾演觀音，同李亞鵬組夫婦檔進軍視壇。

雖則錢途無限，但實情是王菲經已4年冇開演唱會，登台早已生疏，且仿如「MJ效應」，備受復出壓力困擾，令她陷入兩難。

茶飯不思

「細女個病唔知要醫幾耐、用幾多錢，阿菲梗係想賺多錢傍身啦，但佢又擔心唔知自己仲應唔應付得，講真佢都40歲人，又咁耐，好多方面都唔可以同以前比，萬一出咩意外，連個『天后』招牌都保唔住。」知情人稱。

最慘係兩歲的李嫣快將進行第二期兔唇矯形手術，身為媽咪當然想時刻陪伴左右，如何同時兼顧事業、家庭，令王菲大受困擾。

「阿菲好擔心嫣兒手術，再加埋工作煩，搞到佢近排悶悶不樂，成日連飯都食唔落，成個人殘晒，大家都好擔心佢。」知情人續稱。











激似厭食瘦成10磅王菲，冇化妝之下，膚色又黃又黑，成塊面凹落去，激似厭食病人。

舊年冇事去年訪港時，王菲面容飽滿，同今日病人Look，直頭兩個樣。

擔心李嫣王菲十分愛惜李嫣，眼見女兒即將接受手術，唔愁就假。

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 過期 週刊 及 雜誌(4-6月刊)★ 過期 週刊 及 雜誌(6月-8月刊)★ 過期 週刊 及 雜誌(4-9月刊)☆

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄