明星靚相大分享☆

狂晒證據
9歲移民巴西，上年才返港博機會嘅中巴 12月中生日時， Amigo專誠訂定蛋糕同佢慶祝；估唔到事發後中巴竟然將已被 Amigo刪除了的相片，再重新存放回自己手機，於記者會上晒畀記者睇， Amigo打女人自食其果。

上週二（ 22日），陳志雲愛將崔建邦（ Amigo），被中國、巴西混血 o靚模女友鄺敏慧（花名：中巴）報案告他毆打傷人，女方再開記招爆大鑊，狂數崔建邦叉頸、鉸剪腳等打女人惡行，又公開二人甜蜜 SMS及合照，崔建邦變'09壓軸賤男。
30歲崔建邦同年輕 10年的中巴拍拖雖已 4個月，但男方始終唔肯公開戀情，至平安夜前夕，崔建邦將女友收埋玩終於炒大鑊，據知被崔建邦打傷的中巴，在「案發現場」曾揚言：「要玩嘢吖嘛？咁玩大佢囉！」實行一拍兩散。


連續出動
22日晚喺律敦治醫院驗傷再落灣仔警署報案嘅鄺敏慧，翌日再在所屬 model公司開記招，食住個勢再過隔籬醫務所睇多次醫生（見圖）。睇兩次醫生好嚴重喎！

上週二（ 22日）傍晚約 7時，鄺敏慧（中巴）所屬的模特兒公司 HK Genesis臨時出通告急召廣大娛樂記者到灣仔警署，報稱跟崔建邦（ Amigo）因感情問題而向她動手而報案，並即場在警署門口展示傷痕及哭訴：「我估唔到佢咁冇人性打我。」
翌日（ 23日）下午，中巴的模特兒公司即召記者會再爆大鑊， 40分鐘的記招，中巴兩度落淚：「一直知佢脾氣暴躁，鬧交都會講粗口，佢都試過飲醉摑咗我一把，但係鍾意一個人會麻木，我信佢應承會改。」

唔認頭頻鬧交

打出禍
崔建邦 18歲學拳，入行前又攞過「泰拳新人王」冠軍，打女人罪加一等，難怪搞到全城圍插。

其後又準備二人拍拖情信、手機 SMS及自己的記事簿畀記者影相，證明跟崔建邦的親密關係，其間中巴再說：「我從冇諗過公開我哋關係，或者用啲 SMS同相要脅佢啲乜嘢……」之後再到診所睇醫生，一場大龍鳳令崔建邦成為新世紀賤男。
一日要三 call
散打王崔建邦打女人形象大損兼要停工潛晒水。搞到咁大件事，據知全因崔由今年 8月開始跟中巴拍拖以來，一直想將女友收埋玩，可惜女方卻不甘做隱形女友，除要求崔建邦起床、出門、收工一日三 call係基本外，知情人士還說：「佢哋用大王同王后互相稱呼，試過有次阿邦收工先打畀中巴，點知中巴發火話：『如果你有心打畀我，去廁所都可以打到啦，點會一分鐘時間都冇？』故二人於拍拖兩個多月時，已吵過大鑊。知情人士說：「嗰次鬧分手都係話崔建邦唔報到，條女仲好火話：『咩呀？你驚我放你啲相出街呀？』然後阿邦就話：『咁你 delete晒啲相先好走呀！』不過嗰次崔建邦即晚已經氹番佢！」
今次崔建邦衝動出手，據知情人士指：「其實中巴想阿邦一齊出席佢朋友嘅聖誕 party，不過阿邦話要做嘢去唔到，兩個喺阿邦屋企吵大鑊，其間中巴話：『咁分手囉！』，崔建邦就答：『咁分咪分囉！』，愈講愈火嘅中巴又爆咗句：『要玩嘢吖嘛？咁玩大佢囉！』咁阿邦梗係即刻好緊張想拎返個電話 delete啲相同 SMS啦，佢又?住佢條頸唔俾佢郁，所以咪整傷中巴囉！」


見面即攞電話
中巴同崔建邦今年 8月喺 J2台嘅《打出十人巷》撻着，崔第一次見中巴，即問對方攞電話，然後兩人開始不斷 SMS。喺節目傳授主持心得畀參賽者嘅崔建邦對中巴特別殷勤，可惜中巴超黐身，同崔建邦前女友唐詩詠做秘密女友態度好唔同，難怪成日將「搵錢緊要呀！」掛在口邊的崔建邦想撇佢。

左： Bella、右：中巴
《打出十人巷》冠軍 Bella：「有次我哋同中巴食飯，電視咁啱播緊《勁歌金曲》，其實當時全枱人都知佢同崔建邦拍緊拖，所以咪攞嚟講笑囉，佢即刻面都紅晒，不過佢都同我哋冇當面認話拍拖 o架。」

舊女友堅撐

做人要有品！(真實對白)
本週一（ 28日）唐詩詠在寓所樓下表示覺得崔建邦都好有風度，更寄語：「做 artist要有品，做人亦要有品。」有傳崔建邦於 22日凌晨被警方拘捕保釋後一直潛水。據知崔建邦因打女人而停晒所有工作，起碼損失 20萬收入，呢個教訓真貴！

崔建邦變過街老鼠，好在舊愛唐詩詠仍然忠心撐，除堅信崔建邦話：「 Amigo都好 gentleman，真係冇郁手郁腳。」本週一（ 28日）唐詩詠在九龍塘寓所樓下再向本刊表示：「其實做 artist要有品、做人都要有品，如果真係愛一個人，點會攞啲私事出嚟講呢？唔知佢有乜目的。佢哋兩個人之間嘅嘢唔清楚啦，我以後唔會再回應呢件事喇。」

毆打事件真相

爭搶電話
據知毆打事件發生前一個月，中巴已叫 Amigo出席約廿人嘅聖誕 party，直到 22/12 Amigo仍拒出席，結果女方發脾氣分手兼大叫「玩大佢」，男方堅持要刪除對方手機親密照免被人放料，繼而開始拉扯。

(扌禁)實鎖骨
中巴掙扎之際，推開崔時成個人仆咗落床，崔順勢用手壓住中巴鎖骨位成功搶到對方電話 delete合照同 SMS。

電腦還原
崔成功搶走電話兼 delete晒中巴手機內有關自己的資料後，將手機交回中巴。千算萬算，原來中巴早喺電腦 back up晒同崔所有相和 SMS，開記招唔怕冇相用。

咁玩大佢囉！(真實對白)

畀個電話我！(真實對白)

中巴太高調

當「崔建邦被女友告毆打」事件正式上映，至今，除有公開的二人合照蒲面，仲有 sweet SMS同情信等等，就連崔建邦母親喺佢電話留言都講埋出嚟。

陶傑：條女講太多
「件事搞到甘乃威事件咁，條女好似王麗珠咁計錯數，講太多、做太多。如果佢當大家係情侶，可以閉門解決，佢?家係想整死崔建邦，過晒火，啲人反而覺得崔建邦錯唔晒，做 model要有腦先得，唔好一味聽個經理人講，被人擺布。」

袁彌明：未必有着數
「俾人打梗係要驗傷報警，佢 call記者都好正常，不過未必要開記者會同放咁多私人嘢畀記者，好似博上位咁！有啲 model仔唔抵幫，?家啲經理人為搵錢，推啲 o靚妹去死，你死咗簽過第二個話咁易！有啲事要諗清楚，做完都未必會有着數囉！」

白韻琴：冇文化打女人
「佢好冇文化打女人，有咩唔可以用口解決要動手啫，我覺得個女仔做得啱去報警，冇理由同佢打埋一份囉！」

王賢誌：刑事咁嚴重
「女方又報警又講嘢，崔建邦就係咁避，局外人會覺得佢有做！娛樂圈一沉百踩，梁榮忠同倪震尚且冇涉及法律，但佢呢次涉嫌刑事咁嚴重，相信佢嚟緊日子都唔好受。」

撞到正

《蘋果日報》圖片

早前唐詩詠曾經與中巴一齊出席商場活動，當日仲寸崔建邦愛食熱氣嘢，自己就唔會食巴西菜咁熱氣。如今舊愛落難，唐詩詠就話：「我真係唔識佢（中巴） o架，唔通走去同佢 say hi咩！」

無名指長易衝動

週一（ 28日）商台《在晴朗的一天出發》中，主持阮子健話外國有醫學報告顯示，男人如果無名指長過食指，代表佢男性睾丸酮素較盛，容易衝動同有暴力傾向，睇番崔建邦（圖），又似乎中喎！

打擊賤男三部曲

22/12︰吹雞報警
冬至當晚大約 7時，中巴嘅模特兒公司急召各傳媒去灣仔警署，講明去完醫院驗完傷就會出現，當晚大約 10點半，中巴就由公司經理人 Frankie（右）扶住見傳媒及哭訴。

23/12︰鐵證發相
事發後至翌日，中巴嘅公司即召開記招話要交代詳情，同時間亦準備好晒用澳門威尼斯人酒店 memo紙寫嘅情信同 SMS，並當日傍晚向各傳媒發放相片，怕你唔夠料做。中巴手上嘅 LG GD900 Crystal正係崔建邦送，價值約$4,000，成也手機，敗也手機。

冧女留言
開記招時，全程充當中巴代言人嘅 Frankie自動波話中巴之後會去隔籬睇醫生，仲幫中巴發言話：「中巴覺得生命受威脅。」加重中巴受害人形象。

蠶蟲軍師
中巴身邊嘅經理人 Frankie以前亦係男模出身，幫過牙膏拍廣告，後來更轉行喺現代教育做埋補習天王（下圖），唔理乜橋都用，最緊要搵到食。

黃國桐律師：有殺傷力會判重啲！

崔建邦攞過「泰拳新人王」冠軍（圖），有傳學過拳如果亂出手會判重啲，律師黃國桐話：「外國會要求空手道、自由搏擊高段數嘅人去差館登記，但係香港冇！如果識呢啲嘅，個官會判重啲！因為明知自己有殺傷力，惡意大好多，當然會重啲！刑罰要睇番個官判佢咩罪，如果係普通毆打，最多都係 6個月，不過如果毆打令人重傷，刑罰最高會係 3年。」