倒數後返家
當晚黎嬰欣賞完新年煙花後，黎姿隨即安排保鑣和看護送細佬回家休息。由於他坐足五個鐘，又要應酬親友，所以離去時疲態畢露。
娛樂頂點
秘搞除夕派對　黎姿百萬細佬
2010年01月08日
黎姿（ Gigi）胞弟黎嬰（ Stephen） 07年不幸遇上嚴重車禍，黎姿為照顧細佬及打理其美容診所生意，甘願退出娛樂圈，更找來中西名醫醫治細佬，可謂仆心仆命。
為了細佬開心，黎姿在剛過去的大除夕夜與夫婿馬廷強留港慶祝，豪花百萬於君悅酒店包場搞派對，更邀請百位親友陪細佬倒數。有份出席倒數派對的樂易玲坦言非常感動：「黎姿咁用心幫細佬，令 Stephen康復進展理想。」
今年 39歲的黎姿，去年 1月下嫁比自己年長 14歲的億萬富豪馬廷強（ Patrick），二人婚後不時出外度假。不過，剛過去的聖誕及新年假期，二人決定留港，為的是要陪伴在車禍中日漸康復的細佬黎嬰。


黎姿去年一月與馬廷強於澳洲註冊結婚，婚後黎姿全力照顧家庭及打理黎嬰的美容診所。
 
成為馬太後的黎姿，並沒有因為黎嬰的事而冷落老公，她不時被拍到與馬生出外應酬和睇戲，非常恩愛。《蘋果日報》圖片

大批保安護駕
上周四（ 12月 31日），黎姿以百萬包下君悅酒店 11樓泳池畔的 The Grill餐廳舉行除夕倒數派對。知情人士說：「 Gigi搞 party都係想細佬開心， Stephen（黎嬰）依家雖然行動仲係未方便，要坐輪椅，講嘢仲未清楚，但係心智完全冇問題， Gigi同細佬傾偈時，細佬會不停點頭示意。 Stephen幾個月前出院，跟住返咗阿媽大坑慧景園度住，佢姐夫特登用咗幾百萬裝修外母間屋，添置儀器方便 Stephen，仲將部分房模擬康復醫院嘅腦神經室。 Gigi想細佬有番正常社交，又知佢唔抗拒見人，所以趁過年過節，搞啲家庭敍會等細佬開心吓。」
當日派對，黎姿邀請近百位親友，但圈中人只得黎姿恩師、 TVB製作資源部總監樂易玲獲邀出席。當晚眾人除享用豐富中、西式晚餐，更大開香檳及紅酒，還未有孕的黎姿不時與親友碰杯，非常高興。雖然黎嬰不抗拒出席公眾場合，但黎姿為保護細佬免受追訪，每次出巡都有大批保鑣、護士、家傭和父母護送。倒數過後約十二時多，黎姿便安排細佬從秘密通道離開。


樂易玲撐場
樂易玲是黎姿唯一邀請的圈中好友，她趕於倒數前，與老公陳君毅及兩個囝囝（小圈）趕至。
 
布置防偷拍
為營造浪漫及溫馨氣氛，黎姿特重金禮聘場地布置公司一早到場粉飾，更於 The Grill的玻璃上貼滿高過人的汽球，務求令外面人看不到內裏情況，保密工夫做到足。
 
富貴蒲點
The Grill位於君悅酒店 11樓泳池旁（上圖），可看到維港景色，因而吸引不少城中名人包場。去年 9月底，疑似賭王五太鄧詠詩亦選在這裏舉行結婚派對（右圖）。


樂易玲：好感動


黎姿早前被指為生仔而改名及剪短頭髮，但原來黎姿只因為老公一句喜歡才留短髮。

事後記者聯絡上樂易玲，她說：「大除夕我同屋企人都有派對，但我好想見吓 Stephen，睇吓佢近況，所以十一點幾趕過去。（ Stephen依家情況點？） Gigi照顧得佢好好，搵晒中西名醫睇佢，進展理想。（黎姿改名黎珈而係咪為咗生仔？）我係基督徒，唔知改名嘅嘢，我依家都係叫佢 Gigi。以我所知，佢近排好忙，要幫細佬擴充美容診所。佢同馬生都好鍾意小朋友，我相信只要佢哋一 ready就會造人。」
據知剛過去的 boxing day（ 12月 26日）是黎嬰 33歲生日，錫細佬錫到燶的黎姿亦有替他搞派對。樂易玲再說：「 Stephen生日， Gigi已經幫佢搞咗個生日 party，請親戚朋友一齊慶祝，啲朋友見到 Gigi咁為細佬，個個都好感動。」
就算黎姿有心思，亦要有龐大的金錢配合，幸好疼錫她的老公全力支持。知情人士說：「啲人成日講馬生會俾幾多幾多獎金， Gigi覺得老公錫佢仲錫埋佢屋企人，呢點先至難能可貴。為咗醫黎嬰，馬生俾咗好多意見，出錢出力。當 Gigi話想幫細佬搞好間美容診所，有信心細佬將來可以自己打理番，馬生又二話不說注資二千萬，希望老婆可以專心做佢想做嘅嘢！」黎嬰雖然遇到不幸，但有黎姿和馬生出心、出錢支持，相信黎嬰康復有期。
美容診所企業化
黎嬰自 07年車禍後，已無法打理美容診所業務，向來痛愛細佬的黎姿即代為接管。
黎嬰 05年創立康馬激光及醫學皮膚護理中心（ Health Max），並於銅鑼灣金潮陽中心 22樓，租用 2,000呎舖位，生意不俗。
至黎姿接管後，睇好生意愈搞愈好，老公馬廷強即於去年 12月斥資二千萬，除將美容診所企業化，並改名為 Cos Max+，搬進同大廈的 7,000呎舖位，增設先進美容儀器外，更生產自家品牌的美容護膚品，黎姿更親任代言人，為公司省靚招牌。

黎嬰主理的皮膚診所 05年開業，當年父母及家姐黎姿一同撐場（左圖）。之後黎姿接管生意，並任代言人，公司網頁上亦以她的靚相招徠（右圖）。






 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄