麥貝夷的「最愛」，便是手上的兔兔 Cupid，「兩年前喺愛護動物協會領養㗎，覺得佢又得意又慘，就帶咗佢返屋企。依家我學緊同佢剪指甲。」
私家居
環保生活 麥貝夷
大學主修英國文學的麥貝夷，被同居密友薰陶，對畫畫漸生興趣，這幅「黑白貓相遇」，畫功不俗。而喜歡貓的她，家中亦放有不少貓擺設。 
麥貝夷的睡房空間頗大，放了單人牀及兔籠後，仍可擺放衣櫃及梳妝枱。雖然房間有寵物，卻沒有異味。 
單位平面圖
麥貝夷 2010年簽約林建名旗下的大名娛樂，即被安排與另一新人鍾一憲組情侶檔，更憑〈勾手指尾〉 hit爆網絡，點擊率逾 400萬。今年四月二人均已離開公司並分開發展，麥貝夷則與陳明恩簽同一經理人。
自製太陽能充電
900呎的老牌屋苑，有八成半實用率，很不錯吧！ Karene與好友同樣愛整齊，家居不放「垃圾」打理得一塵不染，地板更乾淨得「立立令」。 Karene自豪地說：「坦白講，我朋友嘅功勞大啲，我都有做家務，但相對比佢少。佢真係好厲害，家務、煮嘢、勞作又得，有咩壞咗都搞得掂。」 Karene的「擦鞋」沒有誇大，其友人的確出得廳堂，入得廚房。
身為母校浸會大學環保義工隊的 Karene，家中零碳排放，平日在家不開冷氣只開窗，燈亦選用慳電膽，既慳電費又環保。記者踏進麥家，只開了兩片窗，拍照前所有燈及風扇也沒有開，十分慳儉。除此，客廳的工作枱放置一個自製的太陽能充電器。 Karene說：「咪係我呢位乜都識嘅朋友囉，佢自己整㗎，真係叉到電。」
太陽能充電
太陽能充電器是友人親手造的，不用時可當裝飾，揭開木板便可充電，十分方便。
光猛客廳
客廳四正光猛，因此平時甚少開天花的慳電膽燈飾。平日麥貝夷與友人輪流打掃，整潔得「發光」。而放在廳中的電子琴是友人送給她的。
自訂垃圾分類
廚房花了十數萬元裝修，打通改成開放式，令室內空間更大。不說不知，原來 Karene與友人也酷愛下廚，砂煲罌罉及各式各樣的調味料等十分齊全。地上放了一盤玻璃樽裝汽水，有飲用完的空樽，很有懷舊 feel，「樽裝汽水都係因為環保，飲完叫人嚟收番循環再用，唔會浪費，況且樽裝真係好飲好多㗎！」
打開廚櫃，便會看見整齊的垃圾分類，分開了膠及紙類物品，整齊又乾淨。 Karene說：「分類好嘅膠兜，有時摷出嚟可以再用，啲紙就捐去俾樓下執紙皮嘅婆婆，環保之餘，又可以幫到人。」
垃圾分類
廚櫃內有條理地自行分類垃圾，膠類的垃圾先洗淨後才棄置，有時更會循環再用。
棄用膠樽
見到這盤汽水，感覺如走進舊式士多，「飲膠樽汽水唔環保，所以樽裝汽水每次都一盤盤訂，飲完一盤叫人嚟收番。不過我只會喺屋企先飲可樂，因為飲完會放屁，哈哈……」
留言列表
