明星靚相大分享☆

講電話扯火連環睇
學友的電話似乎刮痛羅美薇面頰， May May即時皺眉向老公投訴。"
封面
東京慳家聖誕遊　羅美薇機場發學友
2009年12月30日
一年一度聖誕佳節，有乜好得過一家大細遊埠歡度？出名顧家又錫到兩個女燶嘅張學友亦唔例外，被本刊獨家拍得一家四口遊東京過聖誕。
貴為歌神，金融海嘯淪為雷曼苦主， 48歲學友曾承認唔見緊部分身家。今次遊東京，帶埋老婆同兩個囡囡迫火車、幫襯平民超市，巨星過聖誕同平民相差無幾，歌神同我哋拉近距離。
全職做歌神背後女人的羅美薇，記者在她們一家四口回程時，在香港機場內發現 May May嬌嗔一面。等候行李期間，羅美薇講電話時突然揦口揦面，跟着即皺眉揞面，嚇得好老公學友即拿回手機檢查，平息了老婆的小。有老公呵番，乜都抵番。
出道 25年，一早成為亞洲歌神，高峰期身家盛傳超過 5億，升上神枱嘅張學友，近年本來家庭為重、工作優游，奈何去年一場金融海嘯，慘變雷曼苦主，公開承認身家縮水，曾在訪問透露「蝕到老淚縱橫」。積極搵錢，先客串《十月圍城》，連接《月滿軒尼詩》、《全城熱戀熱辣辣》同《 72家租客》三套電影，又密接廣告及登台騷全面復出撲水養家。忙完一年，《 72家租客》終於煞科，總算有得攤唞嘅學友，即時做好爸爸，帶住兩個女同老婆羅美薇齊飛去日本東京過聖誕。

結束 7日 6夜東京遊，張氏夫婦一抵達香港，兩公婆等行李時隨即戴上冷帽和口罩，羅美薇更細心照鏡查看容貌，其間似是撥通電話的學友將手機交給老婆羅美薇接聽。

緊張老婆的學友立刻接過手機，一邊檢查手機一邊安撫羅美薇。

從後趕上
原定 7日 6夜的東京之旅，先由羅美薇帶兩個女兒和一個印傭，於 19日乘搭早機出發，到埗後坐上酒店專車，入住位於新宿的貴價酒店 Park Hyatt Tokyo。至於學友，則是因為一早答應出席 19日晚在澳門舉行的回歸匯演後，才漏夜回港乘搭夜機直飛東京，清晨 6:30到達羽田機場後，獨自一個搭的士往酒店會合家人。

步出入境大堂後，學友和羅美薇分頭上車。學友負責應酬在機場等候的歌迷（右），羅美薇則在學友助手護送下往停車場，兩公婆一致對記者提問充耳不聞。

X'mas kiss 25/12 3:45pm

聖誕節當天，一家四口返到香港。為避耳目要先行一步的大女瑤華顯得很不情願，學友即時擁吻瑤華額頭安撫， sweet到爆。
食住唔慳
一向喜歡東京的張氏伉儷，去年被本刊拍到在六本木拍拖購物，今年暑假則又被週刊發現與兩個女兒齊齊遊玩香港迪士尼樂園。去慣去熟，今次過聖誕，行程則更是自由自在輕鬆得多，每天不是約了日本友人飯聚、就是花半天車程專程為歎一個懷石料理，其他時間，平日在香港低調又要忙湊女的 May May，則趁難得有學友幫手湊女，讓自己放個 break，慢條斯理行超級市場。
專攻超市
一直有傳有潔癖性格又執着的 May May雖然不見對兩個女兒的衛生問題大驚小怪，不過每次入貨都不厭其煩對每種食品的成分產地都花三五分鐘仔細研究，保證老公同女兒食入口都要夠健康。

 慳住買

 
19/12 7pm
不到一個星期的行程， May May大量購入蘋果、梨同多種生果，好健康喎！



在香港絕少見到 May May當街進食，去到東京第一日，大解放的她就先為自己和兩個女買了三球雪糕。

4歲的瑤萱幼稚園應該少不了節日 party， May May也為細女買了價值約 23元港幣的誇張大眼鏡。

雖然細女都已經 4歲， May May還堅持用嬰兒專用無添加無殘留洗潔精。

有營主婦
96年同學友結婚便退出娛圈， 00年誕下長女瑤華後，羅美薇更鮮見露面全力湊女。
相愛 23年，學友和 May May這對細水長流的老夫妻，全程無聲勝有聲盡在不言中， May May亦趁老公有空，大部分時間把女兒交畀老公照顧， May May行超級市場還是專攻各類鮮果和幼兒專用清潔用品，選擇每樣食品都仔細研究成分和產地才決定，出埠一樣對老公和女兒飲食等營養全面掌控，可見其一絲不苟性格，難怪 07年 9月，菲傭月刊《 filipino globe》都報道 May May對工人要求高， 3年換足 21個啦！
歡樂時光過得特別快，聖誕當天，一家人啟程回港。回到香港機場，小心翼翼的學友和羅美薇，為兩個女戴上口罩，請印傭帶着先行過關離開，兩公婆則留下來等行李。
可能是假期結束， May May的心情也比遊日時差一截，等行李時看似因為被手機刮到耳仔，皺眉向老公撒嬌。記者上前問學友一家去日本歡度聖誕，戴着口罩的學友一概不回應，但對在機場等候的女 fans則非常 nice。

笑住迫車 22/12 10:30am

性格隨和的學友經常話同家人相處就是最佳減壓方法，身為天王的他果然與老婆女兒坐足成粒鐘火車，一樣心情靚靚不時開懷大笑。
行程第四天，學友一家都係冇換衫，一早搭的士往新宿站，再搭火車（每人盛惠 39元港幣）用將近一個鐘往市郊的八王子市，再轉食肆專車又花去 1粒鐘又 45分鐘，來回路程花費 5小時，專程品嘗過千港幣一位的懷石料理。

May May舊照

43歲羅美薇， 17歲（左二）被黃百鳴發掘，與陳加玲、袁潔瑩等人組成「開心少女組」在影圈發展。
認唔浪漫
86年相戀、結婚 13年，深受雷曼所害，為頭家要再出山搏命搵錢，百忙中都要抽空 family trip。性格內斂的學友去年接受有線訪問就公開愛的宣言：「我份人唔浪漫，好少畀太太驚喜，佢做任何嘢都好認真，我心裏邊其實好感激佢對家庭嘅付出，希望 70、 80歲時，仲可以同佢手拖手漫步行沙灘就好！」好老公又夠老實，認真難得！
食住唔慳得
歌神東京遊一家雖然冇瘋狂購物又冇租用專人座駕，全程乘搭公共交通工具，不過來回全家坐頭等、住 6星級大酒店又食超豪懷石料理，一樣有天王派頭。
冇換過衫 20/12 2pm

早上 6:30才落機的學友，中午一家出動相約日本友人在青山一間法國餐廳用膳。學友、 May May與日本友人道別寒暄之際，感情要好的瑤華和瑤瑄兩姐妹攬作一團等候。

約朋友飯聚，學友揀名店林立青山區內的豪華法國料理餐廳，午市套餐都要港幣 466元一份。

全家專程歎嘅百年歷史園林懷石料理，喺東京豪歎正宗京都懷石料理，套餐單每人都要港幣 1334元，唔怪得之車程要咁轉折慳番。

位於新宿的 Park Hyatt Tokyo，雙人房最低消費都要 4500港幣，梁朝偉、陳冠希遊東京經常住呢度。
苦主狂接 job

出道 25年，唱片成績在全球華人社會稱冠， 07年又舉行過百場世界巡迴演唱會吸金過億，加上一向有物業投資，高峰時期學友身家盛傳過五億。雖然是雷曼苦主傳蝕 4000萬，如今經濟復蘇，學友名下物業市值還是值億五。
手揸 5物業
愉富大廈 買入： 596萬 （ 91年） 市值： 2600萬
匯翠台 買入： 237萬 （ 92年） 市值： 660萬
淺水灣怡峰 買入： 1630萬 （ 93年） 市值： 5500萬
南匯廣場 買入： 462萬 （ 00年） 市值： 600萬
淺水灣怡峰 買入： 3000萬 （ 04年） 市值： 6300萬
總值： 1億 5,660萬
撰文：娛樂組　攝影：盧永賢、甄宗杰