亞視走光騷撼無綫 TVB 三壯士過手癮忽然1周 782期 @ 明星靚相大分享☆

8月1日無綫舉行「港姐」決賽，亞視出招硬撼，搵嚟近期熱爆的o靚模大搞「青春無敵Free D水運會」，務求「胸」贏收視。
周一（19日），亞視安排Donut與PureModels十多位水着o靚模進行錄影，個個戮力谷「事業線」，身材迫爆，有o靚模與亞視猛男埋身肉搏時，不慎洩春光。一眾o靚模玩得豪放，猛男亦全力配合，當中杜挺豪（99年港男冠軍）最為投入，不避嫌出手攬腰、托籮，更不自禁捽住o靚模Aki手仔，過足手癮！

周一（19日）下午二時，Donut與PureModels到西貢進行水戰錄影，十多位o靚模全部以比堅尼上陣，個個瞓身谷胸兼玩遊戲。問到眾女怕唔怕同猛男有身體接觸引起尷尬時，她們異口同聲話︰「都係玩遊戲，況且我哋都做足防走光措施，所以冇有怕！」
當日，一眾o靚模與幾位亞視猛男包括袁文傑、杜挺豪與姜皓文等，大玩水上遊戲。現場所見，遊戲環節未開始，眾o靚模已經熱晒身，影大合照時，大方輪流被猛男抱起。o靚模夠搏，猛男亦全力配合，當中杜挺豪最見投入，不單帶頭抱起o靚模Aki，驚記者影唔切相，更抱開有癮，抱足三次先收手。其間托籮兼攬腰，之後大合照時更不自禁捽對方手仔。
事後記者致電杜挺豪，他表示︰「嗰日同啲o靚模玩得好開心，佢哋全部都好玩得。（大家有身體接觸，會唔會避忌？）都有避忌，但唔小心掂到會道歉。（之前使唔使同老婆王璦瑤申請？）梗係唔使，跟得公司出嚟，預咗玩到盡。（你同Aki好親密，又抱又拖手仔喎！）吓！邊個呀？我有抱佢咩？我記得最多都係搭住，我諗係角度問題，絕對唔係拖住，呢樣嘢我好小心！」有相為證，扮失憶都冇用！

有味笑話博出位
一眾o靚模順勢宣傳寫真集，當中以PureModel的「爆E超蓮」（Iris）最為搶鏡，她出動細碼白色比堅尼，胸前兩團肉包唔晒，更不時攬住姊妹Cat，將南北半球左唧右唧，睇到在場人士眼都凸。被問到遊戲內容時，她更大講有味笑話︰「其中一個遊戲要我哋鬥快整啲水出嚟！（即係咩？）總之唔可以講啦！（陰陰嘴笑）」
至於Donut成員，論cup數較輸蝕，被問到會否怕身材被比下去？隊長Rainbow信心爆棚地hardsell：「我哋除咗身材，外表同年輕都係賣點，好似Ar Yu都好好身材，係童顏巨乳。」

杜挺豪擒拿手
杜挺豪全程high爆，帶頭抱起Aki，不但將對方抱上膊，更將面貼實對方屁股（左圖），見女方面有難色，他第二次抱時才轉姿勢抱腳。

面貼股

捽手仔
抱足三次，影大合照時，杜挺豪又捽Aki手仔，以為佢哋好熟，但杜挺豪卻話連Aki係邊個都唔記得。

托籮
Rainbow上水時，杜挺豪出手相助，一手托起對方臀部。

蒲進揩波邊
蒲進抱起Ar Yu時，令對方不慎露出黑色打底褲。

林韋辰頂頭槌
身為水運會主持的梁慧恩（Viann）與林韋辰，率先示範騎膊馬，不過動作騎呢，女方一度胸壓男方，連在場工作人員都大叫：「乜你哋咁鬼肉酸o架！」

爆E超蓮唧胸
Puremodels中的「爆E超蓮」最為搶鏡，屬導彈級的她（左），動作多多，攬住姊妹cat，表演堅胸，唧出大個半球。

漏股

凸點
32D的Norain甚為養眼，穿上白色比堅尼的她，透出胸墊之餘更有凸點之嫌。

齊露「缽仔糕」
身材頗弱的Vilian同師妹Aki，出招裝胸作勢，不過「缽仔糕」唔多聽話，分別由胳肋底同胸底走出，鬼咁醜怪。

亞視走光秀硬撼港姐決賽三壯士大過手瘾

8月1日TVB舉行“港姐”決賽，亞視出招硬撼，找來近期熱爆的靓模大搞“青春無敵Free D水運會”，務求“胸”贏收視。