好鍾意同 BB一體嘅感覺
拖到　實溫哥華時間 9月 18日 4:00pm
上周六（ 18日）下午 4時，袁劍偉拖實巨肚林嘉欣，在溫哥華一個甚少華人的地區出現，兩人步出停車場行去超市。沿途全部都係老外，當然冇人認得出林嘉欣啦！

自傳出林嘉欣匿藏加拿大等生仔消息後，外界即議論紛紛。為保護愛妻，其丈夫袁劍偉早前便向傳媒公開承認跟前妻於 08年辦妥離婚後，隨即與林嘉欣一起，兩人並於今年 6月 13日在加拿大奉子成婚，但之後嘉欣從未露面及回應。

心情靚靚買花
行到去超市，林嘉欣先在門口花店揀花，最後買了一束百合花。

買餸煮飯仔
林嘉欣鍾意下廚，難得老公陪去超市掃貨，所以一早寫下掃貨清單。入到超市，兩人即拿出清單照執。

專買有機食材
袁劍偉對林嘉欣呵護備至，全程唔俾老婆擒高擒低，揀嘢時都係林嘉欣出口佢出手。兩人買了蔬菜、牛扒、牛奶及雞蛋等，當中大部分都係有機食材。

蔬菜

6月結婚

6月 13日，已懷有 4個月身孕的林嘉欣與袁劍偉在溫哥華 Victoria Island行婚禮，之後再在餐廳擺酒。當日林嘉欣的肚仍未變巨肚，手上更戴住老公送俾佢嘅 3卡鑽戒。

林嘉欣行婚禮時只穿一條簡單白色裙，挨在林爸爸肩膊上的她像個小女孩。據知林嘉欣父母亦身在溫哥華，負責照顧懷孕 7個月的林嘉欣。

溫馨逛超市

原來林嘉欣一直身在溫哥華待產，上周三（ 15日）袁劍偉在內地工作後，便飛往當地探老婆。記者於溫哥華時間上周六（ 18日）下午 4時，發現嘉欣與老公袁劍偉在當地一間超市旁出現。現場所見林嘉欣雖然身懷巨肚，但着住平底布鞋的她仍步履輕盈，不時露出幸福甜笑，而穿運動裝的袁劍偉則一直拖實嘉欣，表現恩愛！
二人抵達超市正門，袁劍偉先入內，嘉欣則留在店外揀花，她揀了一束百合花，即入超市會合老公，他們在店內逛了 15分鐘。其間記者聽到林嘉欣嬌嗲地對老公說：「我要買牛油喎！牛油喺嗰邊呀！」行到蔬菜部時她又對老公說：「呢度啲菜好好食 o架！」林嘉欣帶袁劍偉到不同地方選購食物，足見她是該超市的熟客仔。二人最後買了牛奶、雞蛋、牛油、牛扒、蔬菜便離開。

牛扒

有機蛋

有機牛奶

老公陪入產房

據林嘉欣密友透露，雖然袁劍偉近半年大部分時間都身在內地拍廣告，但兩公婆每日都會通電話，「 Steve無論幾忙，每日都至少打一次電話俾嘉欣。雖然嘉欣屋企人都喺呢邊，但話晒依家大住個肚，最需要老公關心。其實 Steve之前接落好多廣告，所以佢要將原本 3個月先做得晒嘅工作，加快速度喺一個月內做完，因為佢應承咗嘉欣最遲 10月尾會返溫哥華陪嘉欣生仔。 Steve好緊張嘉欣，成日問佢有冇唔舒服，又叫嘉欣唔好自己四圍去。早排 Steve仲揸車由屋企去醫院幾次，佢話要練熟條路，等老婆作動可以盡快到醫院，好誇張！嘉欣選擇自然分娩， Steve到時都會入產房陪生。」
上周六袁劍偉與林嘉欣去超市買餸，兩人所買都是對身體有益的蔬果及有機食物，原來腹大便便的林嘉欣仍堅持每日親自下廚。密友更透露她最近愛上焗蛋糕，「就算 Steve唔喺身邊，嘉欣都係自己揸車周圍去，一時會去美術館逛，一時又會去沙灘散步。佢到依家都係自己下廚，呢排就鍾意整蛋榚，仲整得好有水準㖭！」

 

唔想知 BB性別

對於早前有醫護人員在網上爆料，話 32歲的林嘉欣佗的是龍鳳胎，但嘉欣密友表示她懷的是單胎，夫婦二人更選擇不知胎兒性別，「嘉欣依家個肚已經接近 7個月，預產期係 11月尾、 12月初，佢佗嘅並唔係龍鳳胎。佢依家食得瞓得，從來冇嘔亦冇唔舒服，肥咗廿幾磅喇！嘉欣話好 enjoy呢個 moment，好鍾意 BB同佢連埋一體嘅感覺，仲話想呢個感覺可以 last得耐啲！其實初時佢兩公婆知道有咗 BB，都心大心細想去知係仔定女，不過嘉欣後來話唔想知住，到 BB真正出世時至知仲驚喜。」

手指指要飲朱奶
離開超市，兩人行到附近一間咖啡店，林嘉欣望住廣告餐牌手指指一輪，袁劍偉便識做地為她買了一杯熱朱古力奶。

為食舔脷
等外賣期間，林嘉欣見到店內一外籍男子正在食鬆餅，為食的她突然舔舔脷吞口水。

掃貨後歸家
現場所見，袁劍偉一人拎晒所有超市戰利品，離開咖啡店後兩人隨即去停車場攞車返家。

大肚嘉欣遊蹤

據林嘉欣密友透露，林嘉欣閒時愛在區內四圍逛，除了常去附近沙灘散步外，也會去參觀藝術館及到附近泳池游水。

沙灘

泳池

藝術館

前妻劉鋆搬舖避世

香港傳媒得知袁劍偉前妻劉鋆於北京 798藝術區開設創意手工藝店「初木想想」後，都專程北上採訪，希望得到她親口回應前夫再婚及新婚妻子林嘉欣已有身孕一事。本周日（ 19日）本刊記者去到 798藝術區，卻未能找到該店。
其後經「初木想想」原址對面的畫廊負責人證實，劉鋆早於去年年尾已搬出 798藝術區，她說：「我認得個老闆娘，她是眼大大的台灣人。她的店生意本不錯，但她跟我說要搬到人流更旺地方，已搬出超過半年。她原先的店已易手兩次，之前是書店，現時賣時裝。」劉鋆搬舖，為的是想避開香港傳媒的追訪。

袁劍偉前妻劉鋆為避記者追訪早已搬舖避世，其在北京 798藝術區的工藝店已變成時裝店。

798藝術區內一畫廊負責人表示劉鋆去年已搬走。

 

婚後鐵定息影

林嘉欣雖然醉心演戲，但敢愛敢做的她為了湊 B，未來幾年將不會復出拍戲。嘉欣密友說：「現階段嘉欣已經完全冇諗工作嘅嘢，佢話佢都想拍戲，不過一諗到要湊 BB，點都行唔開，又唔想錯過任何一個 BB成長過程。 BB同拍戲，佢梗係揀 BB啦！嘉欣話或者等 BB再大啲，起碼幾歲大先考慮復出拍戲！」

林嘉欣大肚息影，與她最後合作拍《戀人絮語》的 Eason深感可惜，對於林嘉欣的低調為人，佢早前曾公開笑說：「我懷疑佢自閉，與世隔絕，好似世外高人咁。」《蘋果日報》圖片

林嘉欣契媽潘迪華是唯一出席林嘉欣婚禮的圈中人，她亦坦言林嘉欣產後未必會繼續拍電影。

生仔生女都鍾意
林嘉欣崇尚自然，所以會採用自然分娩，更選擇不預先知道 BB性別。其實林嘉欣咁鍾意小朋友，生仔抑或生女佢都一樣咁開心。

女主角缺席宣傅
林嘉欣去年拍的內地 3D電影《唐吉可德》，上周在北京舉行 40分鐘的試映會，並定於 10月 15日上映，而身在溫哥華的林嘉欣將不會出席任何宣傳活動。

婚前之作
林嘉欣（右） 3月中出席完曾志偉之子曾國祥執導的電影《戀人絮語》記者會後，便絕跡娛圈。林嘉欣這部婚前之作，最近被選為「香港亞洲電影節 2010」開幕電影，及入圍《第十五屆韓國釜山電影節》的競賽單元，角逐「新浪潮大獎」。

製作公司攻國內市場

袁劍偉（ Steve）年過 40，早年在加拿大讀電影及心理學課程， 91年回港加入無綫做 P.A.，後被派往《勁歌金曲》跟隨無綫前監製錢國偉，兩年內升為導演。
袁其後離開無綫投身廣告界，專為大品牌拍廣告，名氣極響。之後他不停遊學進修，曾去英國修讀電影碩士，其作品屢獲殊榮，所拍的紐約人壽及中移動廣告曾獲美國電視廣告大獎， 08年 Visa廣告又贏得上海秀聽金賞。
近年袁劍偉自立門戶投資「 12製作有限公司」，公司生意不俗，手上的廣告客戶有可口可樂及 Visa等，近年更多接國內製作，年賺千萬。記者致電袁劍偉，欲問他與嘉欣在溫哥華生活，但袁卻未有接聽。

袁劍偉自資的製作公司生意愈做愈大，不少大牌子也是他的客戶。去年他曾與李心潔合作拍 SKII廣告。

日前記者到袁劍偉位於銅鑼灣的製作公司，其員工表示袁老闆不在港。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄