攝得就攝
崔建邦龜縮　馬浚偉自薦霸地盤
2010年01月07日
崔建邦因涉嫌打 o靚模女友鄺敏慧，形象盡毀，無綫暫停所有工作，更被封「賤男」。贏咗場交，輸咗份工。主持位置懸空，陳總愛將鄧健泓、張繼聰及王祖藍即時攝位補空缺，連近日有新劇上的馬浚偉，亦霸地盤自薦做主持。
愛莫能助
崔建邦出事，一直視對方為愛將的陳志雲仍然在背後力撐， Boxing Day當晚，無綫繼續播出由崔建邦預早錄影主持的《娛樂十大奇案》，結果惹來十六宗投訴，要求無綫不要再讓他主持節目，同時，有網民在 facebook上成立反崔建邦群組，力斥他不應打女人，至今已有過千人加入。
事到如今，陳志雲亦愛莫能助，唯有將他所有工作暫停，本月開始，《勁歌金曲》主持將會由鄧健泓接替，而近期成為陳總新寵的張繼聰，則會夥拍王祖藍，主持在本月十六日舉行的「勁歌」總選升呢做司儀。


崔建邦深得陳總器重，獲力捧為一線主持，由於緋聞不絕再加上涉嫌打 o靚模，最終賠上事業。（《忽然 1周》圖片）
 
馬浚偉稍後會主持十三集飲食節目《大廚出馬》，節目中會聯同多位大廚一展身手。


馬浚偉早前邀請林燕妮擔任軍師，齊齊參加節目《正識第一》，成功進入決賽，有望贏取百萬獎金獎品。
 
成功續約無綫的馬浚偉，早前與一眾小生在台慶頒獎禮活動上獲陳總頒發嘉許狀。

自度節目
此外，向來專注拍劇的馬浚偉，近日亦加入戰團，霸地盤攝位做主持。在上月舉行的東亞運動會，他獲欽點擔任羽毛球總決賽的客席主持，以及在節目《由 1967開始》中擔任旁白，之後再夥拍林燕妮上遊戲節目《正識第一》，順利以首三名高分進入總決賽，悉心為馬浚偉打造才子形象的無綫，近日更安排他拍攝一連十三集的飲食特輯《大廚出馬》，擺明力谷他做新一代主持王。
「馬仔之前已經拍落幾部劇未播，包括《占星情緣》、《蒲松齡》同埋《誘情轉駁》，仲有依家播緊嘅《老友狗狗》，由於儲咗咁多貨喺手，佢要求做主持公司都盡量配合。之前佢主持東亞運，大家都有啲擔心，事關好多藝員主持大型運動會都會俾人投訴，不過馬仔就冇，所以公司覺得佢可以試吓其他方面發展，《大廚出馬》呢個節目都係佢自己度出嚟，自薦做主持。」知情者說。


馬浚偉上月帶傷出席羽毛球慈善賽，和中國羽毛球名將鮑春來對賽，雖然最終敗陣，不過就成功向無綫爭取擔任東亞運客席主持。
 
無綫近期與多間唱片公司在版稅加價問題談不攏，無綫唔益外人，親生仔馬浚偉在多套新劇中更包辦唱主題曲。

爭食肥豬肉
過去不論大騷、細騷包括《勁歌金曲》、《東張西望》、《 My name is邦》等，崔建邦都榜上有名，粗略估計，騷錢已月入十多萬，咁大嚿肥豬肉，自然令大家眼見心謀。
「崔建邦淨係公司嘅騷錢，每個月都起碼十幾萬，出面接一個騷起碼又五萬，旺季閒閒哋有幾十萬一個月，加上做主持、司儀唔使捱更抵夜，所以個個藝員都爭崩頭要做主持。」
馬浚偉接受電話訪問時亦承認自薦擔任主持，但卻否認攝崔建邦位，「我七月份同公司傾約，講咗想有多啲嘗試，大家唔好將兩樣嘢混為一談，公司咁大個平台，唔只容納一個主持。」
漁人得利
崔建邦唔爭氣，一招鉸剪腳將自己大好前途夾爆外，反為陳總身邊其他愛將製造上位機會，乘虛而入。


躍身為陳總愛將後，頻頻亮相 TVB節目，努力搣甩「廢柴」之名。不但於今年卡士薄弱的《翡翠歌星賀台慶》中參與多項環節演出，大騷舞技，更不停有機會擔任主持工作，包括《超級巨聲》、《正識第一》等等，觀眾對其風趣生鬼主持手法，亦漸受落。 


07年回巢後，工作量大增。除了於劇集《桌球天王》佔重戲，又夥拍庾澄慶主持《味分高下》同《耳分高下》兩個人氣遊戲節目。而早於 07年崔建邦拍攝《勇闖玉珠峰》期間，亦曾頂替對方出任《勁歌》及《優秀選》主持。今次再度臨危受命，得寵程度進一步提升。
王祖藍


歌影視瓣瓣做齊，主持方面機會亦越來越多，加入獎門人做獎老外，更有機會夥拍曾志偉、陳百祥任今屆港姐司儀，稍後更會連同張繼聰，頂替崔建邦任勁歌總選主持。

崔建邦龜縮主持位空缺馬浚偉自薦霸地盤

無線主持崔建邦因涉嫌打女友鄺敏慧，形象盡毀，被暫停了所有工作，更被封為“賤男”。打贏了交，輸了工作。主持位懸空，陳志雲愛將鄧健泓，張繼聰及王祖藍馬上補充空缺，連近日有新劇播出的馬浚偉也自薦做主持，霸占地盤。





arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄