演唱會勢如破竹，火速接下十五場世界巡迴，穩袋二千萬。
探熱針
Sammi十倍價趕走謝安琪
2010年01月07日
演唱會大賣兼好評如潮， Sammi即時成為樂壇搶手貨，就連近日跟四大唱片公司玩抗衡的無綫，亦派出多名高層游說她出席本月十六日舉行的《勁歌》頒獎禮。
人氣爆燈， Sammi根本唔志在獎項，加上唔靠電視宣傳，新碟照大賣六萬張，無綫如意算盤打唔響，反而~H2O+老闆娘出動 1,500萬酬勞，成功搵到鄭天后做代言人，趕走形象大跌 watt的謝安琪。
決不賣賬
週日， Sammi終於完成十場「 Love Mi」演唱會，當晚無綫揸 fit人方逸華專登捧場，方姐更被台上充滿爆炸力的 Sammi吸引，睇得相當入神。
太后出動，事必有因。近日跟四大唱片公司抗衡的無綫，為怕「四大」封殺，唔俾旗下歌手出席《勁歌》頒獎禮令節目失色，決定向紅人埋手搵巨星助陣，當中包括已經八年無出席《勁歌》頒獎禮的 Sammi。雖然臭四變四萬，但 Sammi性格依然我行我素，更唔打算賣賬給無綫，甚至在演唱會上揶揄：「無綫都唔播我啲歌，不過，唔播都賣到六萬！唔好播囉！」
Sammi寸得起，演唱會賺大錢外，新推出的福音唱片，銷量直逼六萬張成為賣碟王，在東亞唱片稱霸；相對有幸做 Sammi演唱會嘉賓叼光的何韻詩，近日推出的演唱會專輯，出貨僅得兩千，蚊髀同牛髀。 Sammi一姐地位穩如泰山，亦深得老闆林建岳看重。開騷前 Sammi聲帶因為發炎腫脹，岳少一度提出，如果撐唔住可以取消演唱會，全數由他負責賠償。
「岳少咁樣講， Sammi梗係好感動啦！不過，上到台 Sammi已經忘我，演出完全無問題。其實岳少好想 Sammi開 part two，但佢都尊重 Sammi意思，最緊要佢做得舒服，俾 Sammi好大自由度！」工作人員說。


在《叱咤》頒獎禮奪女歌手銀獎的謝安琪，全晚心情唔多靚，近日更因形象大跌影響產品銷情，被~H2O+飛走，代言一年便玩完。
 
（左起）樂易玲陪伴方逸華、劉家昌捧 Sammi場，與東亞老闆林建岳十分好傾。
 
愈戰愈勇的 Sammi， 2010年會全力進攻，最少會拍兩部電影和做十五場世界巡迴。
 
尾場演唱會， Sammi三度灑淚，翻唱鍾舒漫《給自己的信》， Sammi百般滋味在心頭，激動得眼濕濕。
 
即將在三月開騷的 The BIG FOUR，擔任 Sammi尾場嘉賓順勢谷飛， Sammi禮尚往來答應擔任其中一場嘉賓，繼續撐老死！
 
李嘉欣許晉亨孖住睇 Sammi尾場，整晚情緒高漲，兩人更不停揸住 iPhone影低 Sammi靚相。


救市行動
演唱會大獲好評，海外唔少主辦商都向東亞搶人，正在接洽中的，已超過十五場世界巡迴演唱會， Sammi至少穩袋二千萬。
「三月 Sammi會去星馬開騷，之後會拍《夏日麼麼茶》續集，下半年先會主力做世界巡迴，已經傾好七月去台北小巨蛋，仲有上海、廣州、美加，真係有排忙！」知情者說。
氣勢逼人，已經約滿護膚品牌 SKⅡ的 Sammi，已獲~H2O+老闆娘睇中，出動一千五百萬超高價簽她做全新代言人，廣告日內便會進行拍攝。
「謝安琪舊年個勢好到不得了，~H2O+於是出一百五十萬簽佢做代言人，點知佢啲負面新聞接二連三，最差係傳佢同 Eason搞婚外情，謝安琪形象受損，亦影響~H2O+嘅生意，老闆娘為咗救市，決定出多十倍價錢搵 Sammi做代言，唔用謝安琪。」


演唱會、唱片同樣大賣， Sammi這位東亞一姐，在老闆林建岳心中地位穩如泰山。
 
Sammi親自請林建岳上台切蛋糕，更開腔多謝老闆力撐。
 
身穿貼身裙的 Sammi，因怕現小肚腩，慶功依然齋睇唔食，但精力仍然充沛！
 
十場演唱會大功告成， Sammi去到慶功宴表現 high爆，更與台前幕後工作人員影相留念。
 
Sammi轉場到 iSquare，再慶功，與好友孫耀威、車涴涴玩到天光六點幾，才乘車返酒店休息。

鄭秀文重金代言護膚品十倍價格趕走謝安琪

演唱會大賣兼好評如潮，鄭秀文及時成為樂壇搶手貨，就連近日跟四大唱片公司玩抗衡的無線電視，也派出多名高層遊說她出席本月16日舉行的“勁歌金曲”頒獎禮。人氣爆燈，鄭秀文根本不在乎獎項，加上不靠電視宣傳，新碟照大賣 6萬張，無線電視如意算盤打不響，反而護膚品牌H2O的老闆娘出動 1500萬酬勞，成功找到鄭秀文做代言人，趕走形象大跌的謝安琪。






arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄