高皓正讚太太生女夠堅
其他娛樂名人影片

高皓正昨日出席亞視在麗星郵輪錄影的節目《撻著》，他表示太太前日順產誕下七磅囡囡高純意，他說：「預產期係下月初，早咗成個禮拜，噚日本來有嘢做，多謝啤梨幫我頂咗，今日之後我會放一個月產假，幫手湊 BB，咁新電視台都係四月先開工，時間夾得剛剛好。」

堅持順產

提起太太堅持順產，高皓正說自己目擊整個生產過程：「我真係覺得太太好堅，我就儍儍哋，唔知自己做乜，生就十分鐘，隔籬房就好多太太大叫，我太太就一粒聲都冇出過，用第四下力個 B就出嚟，真係神級，佢仲喺 BB檢查完再見到先喊， BB好得意，一出嚟就笑。」另外，同場趙彤昨於寒風下以低胸裝及短褲現身。採訪、攝影：楊潔雯


高皓正見證太太誕下囡囡的過程。

高皓正宣布榮升父親

高皓正昨日上郵輪任亞視節目嘉賓時宣布榮升父親，女兒取名「純意」。同場身材惹火的台灣女星趙彤則大晒32C勁爆咪咪。

高皓正做老竇有贊助

擁有32C咪咪的台灣女星趙彤，昨日中門大開勁晒身材，為亞視節目《撻著》上郵輪做嘉賓，她說：「原先冇諗到咁凍，咁着係想夾番新劇《親密損友》個職場女性形象，劇中我講好多粗口同埋性話題，同我現實好唔同。」

高皓正分享初為人父喜悅，又透露Ｂ女是笑住出世。

同場高皓正則分享初為人父喜悅，他說：「個女比預產期早咗出世，佢出世係笑唔係喊，好得意，已經改名『純意』，我都有入產房同太太打氣，我唔覺恐怖，只怕太太生得辛苦啫！太太仲未收得工住，我想生夠三個，而且已經有商戶贊助儲存臍帶血同一年紙尿片，我慳咗六位數字。」

趙彤（右）無懼寒冷晒身材。