唔慳點買樓喎！（設計對白）
探熱針
精打細算　慳家容祖兒有入冇出
2010年02月25日
貴為樂壇天后的容祖兒，入行十年已進身億萬富婆之列，手揸三個共值過億的豪宅，相當富貴。 Joey唔單只賺錢叻，更加懂得善用身邊資源，幫自己慳錢。
據知，髮型一向由星級髮型屋 Hair Culture贊助的 Joey，多年來只用 sponsor，卻甚少幫襯，物盡其用，搞到連御用髮型師兼老闆 Billy Choi都買佢怕。
日日打躉
同其他星級髮型屋一樣， Hair Culture一向有贊助明星的做法，明星落鋪整頭都唔收錢。慳家的 Joey亦一直以 Hair Culture為御用，幾乎日日在髮型屋打躉。
「 Joey真係用得好盡，佢唔單只出 function做嘢落去 set頭，平時去街食飯做私人嘢都照係咁，佢仲成日轉髮型，駁髮、染髮、電髮，樣樣都好貴、好花時間，但因為有 sponsor，所以全部唔使錢。」知情者說。
Artist落鋪整頭唔收錢，但 artist預約髮型師跟 outjob，則費用自付。唔少紅星如 Sammi、千嬅等，平時出席公開活動都相當大陣仗，化妝師、髮型師、助手全程傍實。但同屬天后級的 Joey，則不計較排場，實行慳得就慳。


03年
過往， Joey出席大小活動， Billy定必親自操刀，但近年 Billy卻只派另一髮型師替 Joey整頭。
 
09年

唔用跟場
「平時啲 artist出 function，落嚟整完頭，通常都會自己俾錢帶埋個 junior outjob跟埋個 function，但 Joey唔會咁做，落嚟整完就算。」
據了解，預約一個 junior outjob費用大概千三蚊，小數怕長計，經常出席公開活動的 Joey唔花自己錢用 junior跟場，年中慳番唔少，難怪她買豪宅無手軟。


05年， Hair Culture位於中環的總店開幕，容祖兒（右一）與發嫂、 Sammi等齊齊擔任剪綵嘉賓。
 
Joey與 Billy合作近 8年， Joey媽（右三）、助手等亦與 Billy相處融洽。 07年， Joey曾拉大隊一起欣賞 Sammi的演唱會。
 
於 08年的演唱會中， Billy替 Joey設計「唱片頭」造型獲一致好評，開騷前，為免髮型曝光， Billy更於 Blog內用電腦效果替她遮蓋髮型。


自行調節


據知， Joey曾邀 Billy為新歌《桃色冒險》 MV操刀，但 Billy卻以手上有工作為由拒絕。

事實上，形象百變的 Joey亦多得星級髮型師 Billy Choi經常替她大玩髮型，贊助了 Joey多年的 Billy眼見對方長期有入冇出，唯有自行作出調節，近日已甚少親自落手，幫 Joey設計髮型。
「 Joey成日落鋪， Billy自己手上有咁多客，都唔得閒成日招呼佢啦，平時都係叫其他人幫佢搞，唔會親手幫佢整。之前 Joey嗰邊想傾 Billy做 outjob MV，都叫唔郁佢。」知情者說。
一如以往
上週四（二月十八日），容祖兒與陳奕迅齊齊出現活動，一如以往，落鋪 set頭。中午十二時， Joey現身位於尖沙咀的 Hair Culture，整頭個多小時，之後便匆匆離開。現場所見， Joey離開時身旁只有助手一人，未見有髮型師陪同。 
18/2
Joey出席公開活動前，到 Hair Culture整頭，離開時亦未見有髮型師陪同。
 
21/2
年初八， Joey出席簽名會時向傳媒大派利是，唔知慳家的 Joey會唔會「肉赤」呢？

「密」極必反
髮型師跟藝人合作，關係可以超常密切，但相反，亦時有機會出現爭拗。過往亦不時有傳出藝人跟髮型師不和事件。
楊千嬅、 Ben Lee


02年，楊千嬅首場演唱會延遲了一個小時開場，據知，當時 Ben Lee臨時改了原本試裝的髮型，令她相當不滿，結果一改再改，千嬅一怒之下沒有再與 Ben Lee合作。
宣萱、阿儀


宣萱拍攝劇集《戇夫成龍》時，不滿接二連三被偷錢，更在毫無證據下懷疑女髮型師阿儀，令髮型師無辜被「剝光豬」搜身，事件辣㷫其他同事，力數宣萱橫蠻霸道。
星級髮型屋
Hair Culture於 99年開幕，由於有星級髮型師坐鎮，吸引唔少藝人幫襯。老闆兼首席髮型創作總監 Billy Choi為不少藝人的御用髮型師，包括周潤發、鄭秀文、舒淇等，粒粒紅星，齋剪髮都要 1,600元。 Hair Culture分店遍布尖沙咀、銅鑼灣、中環，店內設有獨立房間，私隱度極高。


Joey（右一）年前介紹好朋友何韻詩（左一）認識 Billy，取得 Hair Culture的贊助，實行又益自己又益朋友。






明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(02月刊)★ 週刊 及 雜誌(4-11月刊)☆ 週刊 及 雜誌(10-2月刊)☆


 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄