自今年 1月 Isabella現身紅館睇 Sammi演唱會後，便一直住在小小超李澤楷的石澳二億大宅內，深居簡出，有傳小小超不滿女友高調，下令禁她外出。
不過，事實卻是 Isabella不但母憑子貴，進駐李家豪宅，更進一步獲得男友寵幸，再懷「李種」。據知 Isabella已懷孕 3個月，預產期為十月初。而錫女友錫到燶的小小超，更開心得預留了養和頂級靚房給女友生產之用，盡顯細心。
至於三年內兩度為李家繼後香燈的 Isabella，雖未正式成為李太，但地位日益鞏固，豪門夢指日可待！

李嘉誠回應 Isabella再有喜
 
1月 6日， Isabella出席 Sammi演唱會，當晚是她最後一次公開露面。《 Face》圖片

李澤楷的電訊盈科去年私有化失敗後，最近又捲入「電盈懷疑種票」事件中，相信小小超一定十分頭痕。不過，剛生下金叵羅「長治」的他，似乎十分享受做父親的樂趣，不但偕女友及兒子返港，專誠向父親李嘉誠拜年，虎年更在香港成功追多個。
留港待產
據知李澤楷誕下長治後，刻意不設防追多個，但連他自己也沒想到這麼順利便再做老竇，亦因此打亂了他本來的計劃。知情者透露︰「 Richard（李澤楷）本來打算安排 Isabella同個仔返港見爺爺後， 3月左右就同兩母子一齊返美國。不過 1月尾 Isabella突然發現自己有咗，為免孕婦舟車勞頓，咪索性安排女友喺香港待產囉，咁亦方便李嘉誠見個孫（長治），一舉兩得。」
誕下長治後， Isabella母憑子貴，早前被著名攝影師夏永康無意踢爆，與李澤楷甜蜜蜜影結婚相。亦有傳 Isabella因為生仔有功，被小小超賞賜多倫多價值港幣一億的城堡，作為日後兩母子在加國的安樂窩。今次 Isabella再懷孕，令小小超對她更寵愛有加， BB未出世，李澤楷已經命人先在養和醫院預留頂級靚房，給女友生產之用。
知情人士稱︰「兩個星期前，李澤楷搵個助手嚟俾訂金，預留咗 37樓嗰間最豪華嘅房俾 Isabella待產。 Isabella係睇林青霞嗰個婦科醫生梁淑德，李澤楷好小心保密呢件事，醫院方面亦下咗令唔准向外公開。 Isabella嘅預產期係 10月初，李生一 book就 book咗十日。因為呢兩年產房都好爆，而且 37樓嗰間套房得一間，所以佢就要預先留位，至確保到時有房。今年好旺明星客，除咗 Isabella，徐淑敏都喺養和生。」


回應露玄機
1月 29日，本刊記者問到李澤楷虎年的造人大計時，當時他喜不自勝話：「遲啲你咪知！」原來當時他已經知道自己今年會再做老竇。
 
李嘉誠冧笑
本刊記者恭喜李嘉誠再添孫時，他禁不住冧笑，但就拒絕透露半句。
 
自捲入「電盈懷疑種票事件」後，李澤楷未見在石澳大宅出入。
 
早前，記者在李澤楷石澳大宅內，拍到一個身形極似 Isabella的女子及工人湊 B，但自相片刊登後，連日來大宅都拉上窗簾。

勤學法文
其實，留港期間， Isabella亦十分懂得行老爺政策，近日在安胎的她，不時鑽研中國菜，更學習燉補品，自己補身之餘，亦不時命菲傭帶去給未來老爺李嘉誠品嘗，令李嘉誠對這個未來新抱逐漸加分。而自知學歷不足的 Isabella，除了湊好金叵羅兒子外，近日亦戮力學好英文及法文，為未來入豪門做好準備。
Isabella好友透露︰「 Isabella話胎教好緊要，佢都想個 BB將來讀書叻啲。依家佢分別搵咗個英文同法文老師，同佢日日咁操。」
未知是否受「電盈懷疑種票」事件影響，本刊記者連日在李澤楷石澳大屋外守候，都未見李澤楷出入。之後致電李澤楷秘書張小姐求證有喜一事，她表示會將問題轉述給小小超。半小時後， Isabella代言人盧覓雪，則主動致電本刊記者。
盧表示︰「你哋搵咗 Richard（李澤楷）嗰邊，佢嗰邊就驚動我呢邊，我代表 Isabella講，關於佢任何懷孕？係咪喺香港生仔？都冇回應，任何私人嘢都唔會回應。其實佢哋好注重私隱，可以攞出嚟同大家分享嘅先會講。但依家未有任何消息可以發表時，咩都唔會講囉。」
至於 Isabella圈內的老友如譚耀文及杜汶澤等人，手提電話都沒有接聽，看來是收到風避記者。


自李長治出生後，爺爺李嘉誠的長江實業股價大漲，有傳李嘉誠在人前人後，曾讚乖孫「腳頭好」。


成為李澤楷女友後， Isabella積極學外語， 08年她為電影《盜墓迷城 3》接受英語訪問時，已講得一口流利英語，現在更連法文都學埋，果然夠進取。

李嘉誠冧笑
記者就 Isabella再有喜，周一（ 22日）訪問未來老爺李嘉誠，他聽到記者恭喜他再添孫後，笑不攏嘴。
忽：李生恭喜你再添孫！
李︰呀！（呆一呆）
忽： Isabella又有咗喎！
李︰私人嘢唔講 o架！（禁不住開心大笑）
忽：佢有咗 3個月喎？
李︰私人嘢唔講喇！
說罷，即揮手閂車門離去。
話說回頭， 1月尾記者問到李澤楷今年是否有追多個的造人計劃時，他一樣是笑到見牙唔見眼，仲鬼馬咁話︰「遲啲你咪知！」看來當時他已經為自己虎年再添 B沾沾自喜！


Isabella誕下長治後，將昔日頗為冰封的李氏父子關係打破，李澤楷 1月到柴灣佛教墳場祭亡母莊月明時，與父親密斟良久。《蘋果日報》圖片
 
盧覓雪代 Isabella及李澤楷代言期間，不停試探記者收到幾多料！

預留養和 2千呎靚房
Isabella的預產期在今年 10月初，據知小小超早前已未雨綢繆，先行繳付廿萬留房費，為女友預留以日租 1.68萬元的「秀群套房」十天。
雖然話係休養房，但該房面積達 2千呎，病房、客廳及飯廳都有落地玻璃，馬場景一覽無遺。病房內仲有私人坐廁及浴室，客廳勁闊落，兼有 70吋高清電視、 8人寬敞飯廳同開放式廚房，簡直跟豪宅沒分別。最重要是門外設有閉路電視及對講機，病人可透過房內的熒光幕辨別訪客身份，私隱度勁高，絕對可以避開傳媒追訪。

超豪生仔套餐
房租︰ 1.68萬× 10= 16萬 8千
加牀費︰ 560× 10= 5千 6百
醫生費︰ 10萬
麻醉師費︰ 2萬
藥費︰ 5千
伙食及雜費︰ 2萬
合共︰ 31萬 8千 6百


套房面積 2千呎，有客廳及飯廳，設計媲美豪宅。
 
套房內不但有陪牀服務，更有完善的廚房，方便菲傭煲湯、燉補品。
 
另外，養和最近更增設防止拐帶及調錯嬰兒的保安系統，母親及嬰兒會戴上電子感應器，一旦嬰兒身份不脗合，就會發出聲響，當嬰兒未經許可被帶出病房，更會響起警報，認真安全。

楊天命批明年入豪門


堪輿學家楊天命以李澤楷及 Isabella的出生年月日占卦，預測到 Isabella今年能生虎女，明年入門。
楊說︰「 Isabella今年好大機會有 BB，佢第一個生仔，第二個多數生女。一喜擋三災，個小朋友仲可以化解到父母啲官非㖭。
BB冲喜化官非
「李澤楷今年 10月 7日至 11月 7日，最旺是非、官非，若 BB咁啱喺呢個時候出世，就可以幫佢化解到官非，有喜事沖喜吓嘛！至於 Isabella幾時可以坐正做李太，我就話佢入門係遲早嘅事，最快就明年，最遲就 2013年。」
「睇 Isabella嘅命宮，佢今年出現傷官星，傷官星有兩個特性，第一容易有 BB，第二就會煩老公嘅嘢，不過傷官星有咗 BB就會少煩惱，佢有咗係好合時。」
幫襯星級接生婆
梁淑德乃周梁淑怡胞姊，是本港婦產科聖手，更是圈中出名的婦產科醫生，她曾替林青霞、盧淑儀、張栢芝、錢慧儀等接生，上個月范姜剖腹誕下八磅多的女兒也是由她操刀， Isabella今次留港產子，亦是幫襯這位星級醫生。
梁淑德除了替多位名人明星接生過外，王菲、劉嘉玲同樂基兒都是找她做婦檢，每次診金為六百至一千元。
 
李克勤老婆盧淑儀都是幫襯梁淑德，兒子 Ryan亦是睇養和兒科。
 
梁淑德是不少名人富豪的婦科醫生，林青霞兩胎都是由她接生。









明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(02月刊)★ 週刊 及 雜誌(4-11月刊)☆ 週刊 及 雜誌(10-2月刊)☆


 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄