四年一度嘅世界盃好快喺 6月開鑼，最終俾有線電視經公開競投取得播映權，當中有幾場重要決賽，無綫同亞視想用番自己製作嘅片段播出，搞到兩家免費電視台難得槍口一致對外要爭取分一杯羮，三方直到家都仲未傾掂數。雖然係咁，有線有理冇理着手宣傳世界盃，最近佢哋搵咗 10個女仔擔任「有線 World Cup Angel」，不過係咪大家心目中嘅天使模樣，就真係見仁見智嘞！
放大圖片 
Ceci代號 C朗 23歲嘅 Ceci最睇好嘅係英格蘭，咁最鍾意嘅球星梗係萬人迷碧咸啦。
放大圖片 
勞紫欣代號 卡卡 19歲嘅勞紫欣，原來佢睇好今屆世界盃會由巴西捧盃。
足球先生上身 放大圖片 
文紫玲代號 小豬 文紫玲喺一班天使中算係最有演出經驗，而佢嘅代號就係好可愛嘅小豬。
日前 10位天使齊集影第一輯宣傳相，佢哋齊齊着起露臍裝同泡泡裙青春十足，除咗影相之外，所有靚女都要惡補世界盃資料同足球常識，唔係點宣傳世界盃喎！唔單止咁， 10位天使各自擁有一名世界足球先生嘅名嚟做代號，好似卡卡、 C朗同美斯咁，各位球迷叫起上嚟都夠晒親切感。有線呢 10位天使，年紀只係 18歲到廿幾歲，的確夠晒青春，但係就冇乜邊個有突出嘅樣貌同深不可測嘅「事業線」，其中 18歲嘅「小豬」嘅文紫玲，原來佢之前參加過《美少女廚神》與亞視《財神到》，唔怪得個樣有啲熟口熟面啦。 
文紫玲之前參加過亞視嘅《財神到》擔任遊戲女郎。 資料圖片
全站熱搜
留言列表
