明星靚相大分享☆

一向夠搏　第二代邦民妹出身嘅 Kama喺 o靚模界中未算大紅大紫，但憑住肯搏肯做，樣子甜美吸引唔少追求者，不過年初卻曾因租住的翔龍灣欠租 2個月，而遭業主唱衰。
封面
拍拖半個月領嘢　億萬闊少怒飛 Kama「佢都癲嘅！」
2009年09月09日
上位 o靚模齊升呢攻日， Angelababy同 Chrissie忙到暈，諸葛公主亦掹車邊攻埋一份，大家一於做好呢份工。
有人密密做、有人則心急上岸博唔使做，上月被爆 mark實有米太子 Terry（袁紹恒）的 Kama（羅凱珊），上週在傳媒面前暗示因 Terry不斷向傳媒放料而導致分手，更大罵「以後唔想再提呢個人」。
先發制人，實情 Kama有苦自己知，行埋唔夠半個月，據知袁公子已睇清 o靚模真面目，分手導火線乃有人要求「交戲，影相合演恩愛大龍鳳」自我宣傳，億萬闊少才知一直被利用，遂極速斬纜分手。
亂噏入豪門， Kama放料玩大，正式損人不利己。

快將 20歲的 Kama羅凱珊，出道唔夠兩年已極速上位，醒目又眼利的 Kama，每次睇準機會後即快狠準攻擊目標，據知她月前因一次傾生意機會認識 31歲的 Terry（袁紹恒），二人一見鍾情，但又戲劇性地極速分手。

闊少袁紹恒：我同佢係分咗手（真實對白）
上週六（ 5日） Terry撞見記者時先表現驚惶失措，定神後至懂回應，見唔慣大場面嘅 Terry真係純！
快散日誌
19/8
據知當日二人在中環行街拍拖首次被影到，只係開始咗幾日，又會咁啱得咁蹺？
23/8
Kama（中）同 Terry（左）拍拖行商場時，咁啱撞正袁母（右）行街 shopping，據知當日真係撞到而唔係約定，報道就話係見家長，似乎係有人想見家長多啲喎！

《蘋果日報》圖片

《忽然 1周》圖片

25/8
再被同一本雜誌影到二人撐枱腳，啱到咁， Kama似乎想全香港人都知佢拍拖嘅時候做緊乜喎！唔夠一星期， Kama竟叫男友現身，公開畀記者影相扮偷影。氣難下，成為分手導火線。
5/9
怒撇 Kama嘅 Terry，上週六去完陸羽飲茶，就一個人百無聊賴咁閒逛中環，行過便利店突然停低睇雜誌，可能係擔心自己再次領嘢！

《忽然 1周》圖片

 公子怕怕

近日受咗咁多氣，躁躁哋飲杯涼茶下吓火都好嘅！

富豪世家
Terry（袁紹恒）父親袁順堯為仁愛堂前總理，並曾擔任 07年副主任委員，而袁父更擁多家公司及物業，當中包括市值約 7千萬的現居——半山梅道的嘉富麗苑，總值過億。
Terry則剛從外國畢業返港，除協助父親的玩具生意外，他更全力發揮小宇宙，其模型公司（ HOBBYENGINE）更一手創立，令其有「模型太子」之稱，另外最近又引入健康產品生意，百足咁多爪。
兩仔爺都係有頭腦之人，身家當然有番咁上下， Kama要嫁入袁家豪門？可能真係要如佢自己所講：「唔想感情太高調！」至得喎！

衰心急

「 Terry早排代理咗隻健康產品，喺 Uncle介紹之下識咗 Kama， Terry本來想搵 Kama做代言人，可惜第一次見面 Kama就開咗一個非常唔合理嘅價錢，生意當然做唔成，不過佢兩個就反而撻着咗。」據 Terry身邊的星級髮型師好友透露。
二人 8月中開始拍拖，幾日未夠就已經被記者影到， Terry初時都以為係巧合。「 Terry喺外國讀完書返嚟冇耐，屋企得佢一粒仔，家教又嚴、個人又單純，真係唔識香港咁多蠱惑嘢，俾人影咗幾次佢都唔知，不過突然有一日， Kama打畀 Terry叫佢出嚟，話介紹個女仔畀佢識，出到嚟個女仔又影相又問嘢， Terry覺得奇怪， Kama焗住講畀 Terry知個女仔係記者。」

最後活動　一心以為泊到好碼頭，結果自己一手破壞，上次 Kama（右二）出席活動已經係上月 18日，冇人照住， Kama應該好快要重出江湖。《蘋果日報》圖片
博入屋
據知， Kama為箍實有米闊少，一心利用傳媒「縛住」男友，實行對外宣示主權，免得街外女人有機黐埋袁大少身。衰在心計明顯兼低手， Terry心中有數。其實早在「領嘢」前， Terry早已向身邊友人打聽 Kama往績。
「佢哋未正式一齊前，其實 Terry已經問咗身邊啲朋友，當時朋友唔想咁直接講人哋壞話，惟有叫佢小心啲。」到了 Terry意識到 Kama原來借緊自己上位博宣傳，甚至博嫁入豪門， Terry即時理性打贏感性，決定怒飛 Kama，加上屋企壓力亦加速愛情死亡。
「佢屋企睇到報道都幾唔開心，話晒得佢一粒仔，咁樣俾人寫，佢老豆怕會影響個仔生意，有次影埋袁老太同 Kama飲茶，根本只係撞到，鬼係見家長咩！」
擺上枱
據知 Terry了解事情來龍去脈後曾一度發脾氣，友人說：「 Terry知道咩事之後，即刻同 Kama講清楚！佢仲同朋友呻話：『條女都癲 o架，咁樣擺我上枱法！』雖然 Kama家咁樣同記者講，不過 Terry一句聲都冇出過，因為佢唔想罵戰，佢係正經生意人，唔想令人覺得佢『沙沙滾』。」
上週六（ 5日） Terry返家途中接受本刊訪問時只表示：「我同佢（ Kama）係分咗手，不過點解分手同邊個飛邊個，我真係唔想講太多。」
據知拍拖唔夠 1個月，其實袁闊少並冇任何「貴重嘢」過 Kama手，禮未到豪門有排未入到，連才俊男友都冇埋， Kama蝕凸！
有仔就影到 09年 7月

月前曾傳過 Square入面嘅 James（何尚謙）力追 Kama， Kama即孖實 James行出行入，驚死記者影唔到相，不過隨住闊少 Terry嘅出現， James已經再冇利用價值。《蘋果日報》圖片
08年 11月

Kama曾經帶住開印刷廠的姓李中年光頭男田（左）同媽咪（右）去酒店飲茶，次次出街都俾人影到嘅， Kama真係犀利！《蘋果日報》圖片
寫真仆直
今年暑假 Kama出寫真，即使以半裸同派奶做宣傳，不過面對 Chrissie同 Angelababy嘅強勁對手， Kama輸晒。

《壹週刊》圖片

多親家

《蘋果日報》圖片

在單親家庭長大的 Kama，自小便和母親相依為命，初出道更稱會將全部收入畀晒媽咪。 Kama自幼已深知金錢威力大，故不介意拋胸騷身材搵快錢，而且 Kama甚懂利用傳媒，識自抬身價， Kama實在係叻女，不過有時叻得滯囉！
踩住上
曾有傳 Angelababy為趕絕 Kama，故在節目《美女廚房》前表示不願與 Kama同場，實情係 Kama想踩住 Baby上位，之後更在傳媒面前飲泣，眼淚要有即有。

《壹週刊》圖片

臭口寸

《蘋果日報》圖片

眼見 Chrissie用派雪糕橋令寫真好賣， Kama即時出招在會展外派牛奶，雖然亦吸引唔少途人起哄，可惜對寫真銷量冇幫助，之後更臭口寸 Chrissie有打假波之嫌。
唔敬老

難得亞視台慶搵埋 Kama出席，好應該分吓莊閒。席上坐錯亞視一姐張文慈嘅位置不特止，事後仲要唔認，搞到張文慈一肚氣飯都冇食就走。《蘋果日報》圖片

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 過期 週刊 及 雜誌(4-6月刊)★ 過期 週刊 及 雜誌(6月-8月刊)★ 過期 週刊 及 雜誌(4-9月刊)☆

採訪、撰文：娛樂組
攝影：娛樂突發組