鄭欣宜日前在《荃加福祿壽》節目中模仿徐子珊熱舞摸Pat兼嘟嘴，子珊大讚她扮得入型入格，畀足90分之餘，更希望與她合作。 無綫三位當家花旦鍾嘉欣、徐子珊及胡杏兒，前晚錄影節目《我的故事．我的歌》，她們輪流獻唱，儼如小型演唱會般，子珊更勁歌熱舞，扭腰兼Fing籮，成功突圍！事後她表示首次舉行小型個唱，但因準備時間不足而大感緊張，問到何時在紅館舉行個唱？她表示積極裝備自己後才作打算。對於鄭欣宜日前在《荃加福祿壽》節目上模仿她，子珊坦言不覺被對方醜化：「欣宜有打畀我經理人，佢驚我嬲，不過我覺得佢真係扮得幾似！（邊方面最似？）神髓、化妝同髮型都好似，佢好有心，扮之前仲打電話畀我經理人，問我啲衫喺邊度買，希望遲啲可以同欣宜合作！好開心佢扮得咁似，真係有90分！」 此外，胡杏兒透露到紅館開騷是她的夢想之一，並表示最想與林峯合唱：「因為佢唱歌好聽。（黃宗澤呢？）同佢會跳舞，因為佢跳舞叻！（佢唱歌好唔好聽？）冇林峯咁好聽！」至於鍾嘉欣則坦言不知道鄭中基與蔡卓妍（阿Sa）離婚，問到將來會否公開婚訊？她笑言屆時或許已不在娛樂圈發展。
放大圖片
「高人」鍾嘉欣刻意屈膝，遷就王祖藍。
杏兒嫌「男友」唔唱得
扮嘢能手王祖藍模仿子珊的招牌嘟嘴Look，令鍾嘉欣（左起）及杏兒笑破肚皮。
杏兒與謝天華拖手合唱。
影視組
徐子珊激讚欣宜的模仿形神俱備，並希望與對方合作。
全站熱搜
留言列表
