ebook 手寫電子書　畫一畫查字典 @ 明星靚相大分享☆

iPad就快上市，立即有唔少電子書湧現，要趕上呢股 ebook熱，今個星期漢王就在香港推出兩款港版電子書 N518及 N526，除咗睇到大部份常用文檔，更有手寫功能，當睇到有咩生字唔識，一篤即查字典，今時今日，睇書仲使攬住部字典咩？記者：許福合攝影：楊錦文Model： Norain@PureModels

其他副刊影片手寫電磁屏放大圖片
N518$2,980

N518$2,980

呢兩部 N518及 N526雖然顏色一白一黑，不過其實只係好細微分別，而最大賣點，都係有個手寫電磁屏。須知現時大部份自稱 ebook嘅產品，都使用 e-ink屏幕，貪佢有接近紙張嘅視覺效果，睇得舒服！而漢王 N518及 N526使用手寫電磁屏技術，讓用家可直接以手寫輸入方式操作。可能有人會話 Touch芒有咩咁特別？同一般輕觸屏幕不同處，係手寫電磁屏由底板及電磁筆組成， e-ink屏幕在前，手寫電磁屏在後，既保持咗光度，在書寫時嘅質感亦相當好，缺點係只能透過 Stylus筆書寫及操作，但可防止誤按嘅問題，最重要係呢個設計更慳電，叉一次就可用 15日。

手寫試玩放大圖片
■在字詞上一畫，就可以見到字典視窗。

■在字詞上一畫，就可以見到字典視窗。

放大圖片
■輸入字詞時，有手寫辨識功能。

■輸入字詞時，有手寫辨識功能。

放大圖片
■手寫輸入要靠 Stylus筆。

■手寫輸入要靠 Stylus筆。

放大圖片
■慳電 e-ink屏幕可勁用 15日。

■慳電 e-ink屏幕可勁用 15日。

放大圖片
■ 8階灰芒，勝在夠清楚。

■ 8階灰芒，勝在夠清楚。

放大圖片
■有漫畫功能，對應 JPG檔。

■有漫畫功能，對應 JPG檔。

五大詞典放大圖片
■在陽光下睇書或記事，完全無問題，清楚！

■在陽光下睇書或記事，完全無問題，清楚！

N518及 N526可以睇到大部份常用圖文格式， PDF、 HTML、 DOC、 JPG及 TIFF都無問題，出機之時，就會預載 5,000本繁、簡及英語書籍，試睇過同外國名氣響亮嘅 Kindle真係分別不大；而用佢睇書最方便之處，係遇到有生字唔識，只要用 Stylus筆在字詞上一畫，即時會跳出字典視窗，會有英譯中或中譯英嘅「簡單字詞對照」，更方便係唔只單字，有時直接畫上數個字都無問題，部份字詞更有埋發音功能，點選小喇叭圖示即可聽到讀音。此外，機身另內置有詳細字典功能，只要用 Stylus或鍵盤輸入中或英文，就可查詢解釋，並且可從《朗文當代》、《大英百科》、《英漢詞典》、《新華詞典》及《古漢語詞典》選擇，可得到唔同類型解釋。另一個便箋記事就更好用，當成紙張一樣使用，記事寫 Notes都好方便。

放大圖片
■機側有轉頁按鍵，用落就手。