抵達曼谷機場，熊黛林已經開心到飛起，全程笑容滿面。
娛頭
城城 2萬包食包住　熊黛林得戚精華遊
2009年10月15日
上星期六（十月十日），是熊黛林廿九歲生日，經歷去年生日「攻城 33小時」，以為城嫂地位穩如泰山，點知突然殺出偷食芒果（王秀琳）事件，令「富黛戀」出現危機。
從來死口唔認拍拖，但城城始終要為偷芒事件補鑊，於是出錢又出力，「豪花」兩萬蚊包起熊黛林到泰國，幫她慶祝生日，破紀錄在酒店內禁室陪慾五十六小時。
雖有熊黛林越洋到泰國幫城城降火，但唔知係食得多芒果濕熱，定係近日被過氣女友 Amanda.S連環狂數，搞到城城依然㷫烚烚，頻頻發火黑面，兼違法行車撇記者。
請定假陪仔
事先張揚在十月十日生日期間，會請定假有錢都唔賺的熊黛林，上星期四（八日）出席 Model公司 Style兩周年慶祝活動，講到明會離開香港過生日，但就企硬唔講是否同郭富城過，「唔講得，總之唔係自己一個人過啦！」
話口未完，原本答應出席公司晚上 party的熊黛林，一做完活動，便一支箭颷去機埸，乘搭 CX 703航班直飛曼谷，會合正在當地拍攝電影《 B+偵探》的城城。
到達曼谷機場，熊黛林已忍唔住流露愉快心情，經常笑口噬噬，而城城亦一早安排好一輛 Benz專車，接送女友返他下榻的 Emporium酒店。
落車後，熊黛林熟練地入到酒店大堂，向櫃枱職員直接攞房咭上房，相信城城之前已為女友辦妥登記入住手續，爭取時間盡快上房。○七年三月，城城同樣在曼谷拍《 C+偵探》時，熊黛林亦同樣到過該酒店探城城，兩人亦在房內大戰十七小時。 

過關時，熊黛林十分專注填入境表。


專車接送
城城搵 Benz專車接熊黛林返酒店。


熟手 check in
兩年前城城與熊黛林已經入住這間酒店，所以在 check in時熊黛林十分熟手。


11/10 10:00pm
逆線行車


返到泰國，城城見到仲有記者，表現得極不耐煩，更叫司機玩嘢，在高速公路上突然掉頭，逆線行車十分危險。


12/10歎完撩牙
熊黛林返港，城城繼續投入拍戲，其間經常黑口黑面，食完嘢又當眾徒手撩牙。


拍拖似偷情
熊黛林上房唔夠半個鐘，城城亦拍完戲返回酒店，時間調校得啱啱好。不過城城每次出入，都由四至五名酒店保安護駕，又要經洗衣房秘密通道出入，而且全程與女友匿埋房內激戰，未有一齊出街，似愉情多過似拍拖。
據了解，熊黛林向來重視生日，更一定要同男友過，加上之前城城偷食 Mango，身為城嫂的熊黛林無可能零反應，有見及此，城城明知這個「雙十」日子十分敏感，必定有記者吼實，唯有諗計避，但照樣批准她前往泰國，「其實 Mango單嘢，你話阿 Lynn唔㷫就假嘅，不過城城都有氹番佢，而且阿 Lynn又信佢，所以佢哋好快又無事。」熊黛林身邊人透露。
為了幫熊黛林慶祝生日，城城特別向電影公司申請，女友到達曼谷的那幾日，盡量先拍其他演員戲份，等他有更多時間同女友溫馨一番，城城更包起熊黛林今次全部旅費，包括國泰來回曼谷商務客位機票五千八百元，三晚酒店房合共九千元，連同每次六百元 Benz專車接送，以及三日三夜在房內 room service，總共花費約兩萬元。


11/10 9:00am
密會 56小時，週日抵達曼谷機場，同城城前後腳返港，兩人即使全程戴住黑超，亦難掩狂歡後的倦容。 
7:30am 
2:30pm
匆匆返港後，城城即趕到荃灣與哎吔仔吳景滔出席配音電影《阿童木》的宣傳活動。


12:30pm
返港後，城城靠咖啡充電提神，十分精靈接受傳媒探訪。

兩萬蚊全包
而根據酒店職員爆料，城城與熊黛林是住在酒店同一樓層。由於城城房間經常會有電影公司職員及助手出入，安排女友入住另一間房，亦比較方便。
星期日（十一日），完成五十六個鐘火辣生日之旅，城城與熊黛林前後腳由泰國返港，城城在早上八點半乘搭 CX2700航班，而熊黛林就搭遲一班機，在十點二十分開出的 CX708，由於搭早機，兩人都用黑超遮殘樣。
返到香港，兩人心情反差極大，當步出機場，飲住咖啡提神的城城，最初見到記者都面帶笑容，但全程未有回應，當日下午兩點半趕到荃灣出席《阿童木》宣傳時，他亦接受記者訪問。
壹：你係咪好開心？
城：好開心，我梗係好開心。
壹：噚晚餐飯食得開唔開心？
城：我唔明你哋咩意思喎，唔答呢啲嘢。
壹：係咪同阿 Lynn……
城：工作以外嘅事我唔答，希望大家明白。
壹：你啲普通話進步咗好多，係咪阿 Lynn教你？
城：不嬲都進步。
壹：係咪阿 Lynn同你成日練習？
城：（扮聽唔到）我搵咗個由北京嚟嘅普通話導師……
壹：月尾你生日，有咩生日願望？
城：工作順利啲，拍多啲好電影。
壹：老人家（郭母）想唔想早啲飲新抱茶？
城：呢啲我識得處理。
壹：以後都唔講感情事？
城：以後嘅嘢以後先算。
當問到近日被過氣女友 Amanda.S連環勁數勁踩，城城即時發火：「你哋鍾意點寫就點寫……」
差不多同時間，熊黛林亦返抵香港，她面露疲態，但依然風騷，不時展現勝利笑容，企定定任影任問。問她生日過得是否開心，她即笑住答：「開心，呢幾日過咗一個好開心同難忘嘅生日。」至於城城有否送生日禮物，熊黛林大賣關子，「好多朋友送咗禮物俾我。」之後問到有關城城的問題，她都笑而不答。


8/10
熊黛林率領一眾師妹盛裝出席所屬 model公司兩周年活動，心情靚絕的她更揚言不相信城城「偷芒」，極力維護愛郎


違規發老脾
至於專程返港出席《阿童木》宣傳的城城，即晚飛返泰國繼續開工，見到記者仍在當地守候，他超級黑面，坐車返酒店時，又專登叫司機玩嘢，在高速公路突然停車泊埋一邊，甚至不顧安全，違法掉頭行車，險象環生。
搞到城城咁㷫，除了近期不斷被記者啄住，最主要是過氣女友 Amanda.S頻頻公開暗踩他又矮又花弗，「熊黛林又靚女又叻女，我覺得佢有機會搵到個好好，一個好高嘅男友。而佢（城城）呢個年紀仲未結婚，我唔覺得佢啱 settle（安頓）囉，唔知呢，或者佢未搵到 Miss Right，所以咪會不斷同女仔拍拖囉！」咁嘅反應，城城點可能唔㷫！


Amanda. S目前出席時裝展，當記者一提到「富黛戀」，顯出一臉不屑，更嘲笑他們似電視劇。（《蘋果日報》圖片）


 
星期二 Mango出席活動，得知熊黛林成功攻城，表現得酸溜溜，唔肯回應事件，但就表明知道 10月 26日城城生日，相信到時又有好戲睇。

五星級酒店


城城與 Lynn入住的五星級酒店 Emporium Suites，每晚房租二萬泰銖（約四千港元），整座酒店的房間全屬套房，設有偌大的客廳、睡房及七呎大床，酒店位置方便，更設有戶外 Spa按摩池，大型健身室等設施。而酒店的 Room Service更包羅東南亞各地美食，應有盡有，價錢亦唔算貴，例如魚生一客只是 900泰銖（約 200港元），各類扒餐亦只是 500-900泰銖（約 100-200港元），價錢算合理。
攻城記
城城與 Lynn於 06年合作拍攝遊戲展 MV，一啜定情。雖然二人一直未有承認戀情，但卻先後被傳媒斷正，為對方慶祝生日，戀情不攻自破。


06年 11月
城城被拍到做柴可夫到 Lynn公司宿舍接載她返家過夜，「富黛戀」首次曝光。


07年 10月 26日
城城 42歲生日， Lynn以「城嫂」身份自到「城寨」，幫男友慶祝生日，二人歡聚五小時， Lynn離開時更被拍得頭髮半濕，疲態盡現，而城城的嘴唇更有破裂痕跡。


 
08年 10月 10日
Lynn28歲生日，再次高調攻入「城寨」，足足逗留了 33個半小時，才由六名保鏢護送走人。

數爆
城城入行以來，圈中緋聞女友多籮籮，但個個都只是曇花一現，極速玩完不特止，分手後女方對城城更是不願多提，甚至公然暗寸。
姚正菁


84年，城城入行初期，曾暗交二打六女星姚正菁。其後城城走紅，二人的戀情亦隨即無疾而終。數年後，姚正菁接受訪問時，表示跟城城不再是朋友，又暗示城城曾指其借名氣宣傳，還否認與城城拍過拖，劃清界線。
鍾麗緹
 


93年，城城與鍾麗緹拍攝音樂特輯撻着。 95年，有傳因朱茵介入，導致二人反目分手。 97年， Christy懷孕，當外界正在揣測父親是誰的時候， Christy的母親突向傳媒大數城城，「佢對 Christy好唔認真，好似玩遊戲咁！」，更直斥他「唔係好人！」
撰文、攝影：娛樂組









娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 過期 週刊 及 雜誌(4-10月刊)☆


 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄