陳凱琳個「白富美」威名唔係假，儀態萬千、滿口英文咁同兩位品牌老外高層交流，港姐冠軍真係冇選錯人。 

FBI

陳凱琳　老外磁石

港姐冠軍好耐冇靚女，所以個樣生得好標致嘅陳凱琳（ Grace）一當選即成為全城焦點。

 

FBI有眼見 Grace唔只係俘虜唔少 TVB小生，就連出席各大品牌活動，啲品牌高層都俾佢電暈。就上星期之嘛， Grace出席時裝品牌活動，同場有鍾嘉欣、陳法拉，人哋出道十年八年，見慣大場面，梗係同品牌高層禮貌周到，估佢唔到，當選兩個月嘅陳凱琳都有計， mark實兩位外籍高層雞啄唔斷，一到場仲瞪行電眼，放出 1,000 watt勁電。活動完咗，臨走法拉同嘉欣 BB都一支箭走人，惟獨 Grace擰番轉頭主動同高層 say goodbye……呢啲咪高招囉！電視台小花搵真銀都係靠商業活動，成功電擊品牌高層，點只氹到老闆，老公都分分鐘有着落！


陳凱琳電力十足，老外高層亦都有紳士風度，埋位睇騷時仲輕撫 Grace纖腰讓 lady first添！ 

姐仔啞咗嘉欣 BB同法拉喺開騷時已經停止 social， Grace仲活力十足繼續傾，兩立花旦要企歪。 

完場公關安排三花一齊離場，法拉同嘉欣頭也不回，係得 Grace擰轉頭同高層講再見。換着我係高層，下次都要再請 Grace啦！ 

嘉欣搭枱唔只對外，早排 TVB台慶亮燈儀式，陳展鵬原本同嘉欣 BB好好傾，點知取代法拉企靚位嘅陳凱琳一行到嚟，煎 pang即刻同佢傾到如入無人之境，搞到嘉欣 BB似搭枱。 

撰文、攝影： FBI

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    tvb4life 發表在 痞客邦 留言(0) 人氣()

    E-mail轉寄