大年初一，先祝大家新年快樂，年年有「魚」！魚？要去邊度捉呀？其實商場入面已經大把，講緊係用 iPhone當魚竿嘅《 MTR Malls iPhone App》，結合商場贈送嘅「兔喜揚眉」利是封，你就可以用手機玩釣魚遊戲，一邊行 Mall，一邊同隔籬班 Friend鬥快捉魚，夠晒應節熱鬧！記者：陳國輝攝影：王文忠Model： Cupid@Zmodel
行場催運：男左女右 放大圖片 
楊子東師傅
堪輿學家楊子東師傅，表示 2011屬桃花年，當中對鼠（子）、馬（午）、兔（卯）及雞（酉）四個生肖影響最大！咁點可以催旺桃花？楊師傅教路，鼠女應逛西面商場，例如荃灣或者西環；至於其他三個生肖，就建議分別去北區（上水、粉嶺）、西區以及南區（香港仔）嘅商場走一轉；至於想旺財嘅男性朋友，亦可根據子午卯酉各屬性，逛吓向南、西、西北以及東面嘅商場。楊師傅仲特別提醒各個生肖讀者，當你第一步踏入商場門口時，男性應先從左腳踏入大門，女性則用右腳，亦一樣有旺財、旺桃花功效！
利是封變 3D魚缸
IT過新年，感覺絕對不凡！呢個所謂「兔喜揚眉」利是封，睇落紅彤彤貌似無乜特色，不過只要用 iPhone鏡頭一掃，屏幕就立即出現一個充滿水墨畫風格嘅金魚缸。技術啲講，其實佢係用緊 IT界流行嘅 3D擴真實景技術，事前你部 iPhone需先單撈《 mtv malls iPhone App》。但下下對住個利是封玩 Game，又真係幾奇怪！所以遊戲另設淨 Game版本， App內自助釣魚。
放大圖片 
■利是封上有跳躍中嘅兔仔圖案，十分應節。
放大圖片 
■食指控制魚竿釣魚，真係幾過癮！
最高境界吊龍吐珠
睇地鐵廣告，好多人都以為淨得金魚一款魚類，好寡口！點知玩落，發現佢只係第一關嘅角色；遊戲內仲有錦鯉、雞泡魚、獅子魚等，玩得叻，更有機會釣到最高難度嘅龍吐珠。查實每條魚仲代表咗一間商舖嘅 Coupon，只要向商場換領處展示釣獲嘅戰利品，就可享受該消費優惠。此外，你更可將魚穫收藏到個人水族箱，隨時睇住佢哋游嚟游去，新正頭、年年有「餘」，好意頭啫！
放大圖片 
■咁多戰利品，睇見都好開心！
放大圖片 
■呢個就係個人水族箱，環境唔錯。
平台： iPhone換購地點：德福廣場、青衣城換購方法：消費滿$300或以上
The One玩叠箱箱 放大圖片 
今年潮人必到新 Mall，非尖嘴 The One莫屬！商場提供免費《 The One App》等大家單撈，內容除最基本商舖指南及餐廳預約外，最勁係有埋 Mini Games，玩法係 iPhone近年好興嘅叠箱箱，明顯想大家步步高陛啦！
朗豪坊送 iCoupon 放大圖片 
全港有 Apps商場唔多，但最多人潮拜嘅 MK朗豪坊，就提供咗《朗豪坊 iPhone Apps》。睇樣雖然相當賣廣告，實情只需向商舖顯示你部 iPhone，即可享受 iCoupon內消費優惠。除一般折扣、食嘢大份啲，有時甚至係免費禮物。
新港城電視求籤機 放大圖片 
無 iPhone點算？梗係有其他嘢玩啦！新正頭好多人鍾意到黃大仙求支好籤，之但係又怕逼爆兼俾濃煙焗暈？電子求籤機呢科嘢，睇怕就啱你玩！新港城亦有 IT大搞作，去到你會見到由 9個屏幕組成嘅超級 LCD，並以一粒按鍵取代傳統跪拜嘅方式，屏幕出現圖案後，你即可根據同一圖案拎籤文，內容簡單易明，連搵解籤佬都慳番！
日期： 1月 22日至 2月 13日（逢星期六及日）地點：馬鞍山新港城中心日期： 2月 3至 13日（逢星期六、日）參加辦法：消費滿$200或以上（單一即日發票）
商場着數 又睇又拎
新年行 Mall掃貨，當然要有着數啦！之但係邊一間商場有超筍贈品益大家，家就為你介紹吓！
崇光 財神派利是 放大圖片 
唔理利是入面裝乜嘢，大家都係想攞番個彩啫！崇光百貨會分別於初一及初二，有財神喺商場正門大派利是，更有醒獅助興，場面一定好熱鬧！時間： 2月 3日（ 1pm- 3:30pm）2月 4日（ 3pm- 5pm）
新都會 勁送 b.wing 放大圖片 
潮仔潮女都鍾意 b.wing，加上 2011又係兔年，仲唔 Hit爆！凡於新都會廣場以電子貨幣購物滿$400或以上，即獲贈 b.wing利是封、記事簿、 Tote Bag或暖壺一個。日期： 2月 3日至 13日
新城市 豪嘆白松露 放大圖片 
沙田新城市廣場將對消費滿$15,000嘅星級消費者，贈送價值$700嘅「人間極品賀年禮品籃」，包括白松露醬及鵝肝醬，配以法國紅酒，豪爆！日期： 2月 3日至 6日
海港城 甜蜜合拍 放大圖片 
海港城雖然屬老牌商場，但節日活動不乏創意，今年於大堂設立 XBOX 360 Kinect甜蜜合拍專區，並會使用 Kinect遊戲《 Kinect Adventures》，測試你與另一半甜蜜合拍指數。日期： 2月 5日前
東廣場 懷舊平安展 放大圖片 
新開張嘅觀塘東廣場將會舉辦首個懷舊平安鎖珍品展，有近百件獨一無二的珍藏品，藏品可追溯至宋朝的銀製平安鎖，相當珍貴，價值更係不菲，是難得一見的藝術珍品。日期： 3月 6日前
影靚裝 行桃花大運九龍區新世紀 扭耳兔
旺角新世紀廣場將一樓星際廳變成「 Happy扭耳兔花園」，有超過 20隻精靈可愛、身穿布製新春服飾嘅扭耳兔跑跑跳跳。必影位是高達 7呎嘅桃花裝飾，寓意戀戀桃花、緣源不絕，旁邊仲有「鴻兔風車大道」迎接新一年。
放大圖片 
■新世紀廣場有條「鴻兔風車大道」，影相靚似桃花時光隧道。
放大圖片 
■「 Happy扭耳兔花園」人人爭影！
德福廣場 新派花展 放大圖片 
德福廣場設立咗個「褔兔躍動花藝林」立體花藝展覽，展覽中動用超過 8,000朵中國傳統年花，以西式及和式花藝風格重新包裝；並提醒各位已凋謝的花卉植物亦可製成藝術品，將時間大大延長，係一個另類花巿，必影！
黃埔新天地 18呎 Miffy兔 放大圖片 
黃埔新天地會有個 Miffy兔新春佈置，當中最震撼係在戶外擺放咗一隻 18呎、全球最巨 Miffy兔，守候於「黃埔號」外同大家拜年，雖然佢大隻咗啲，但仍然可愛，好想同佢合照呢！
朗豪坊 密密掘金 放大圖片 
朗豪坊會以「錦衣兔」及「金蘿蔔」作為新年佈置主題！在朗豪坊四樓的「金蘿蔔庭園」中，會見到巨型金蘿蔔，吸引五隻活潑錦衣兔齊齊出動掘金，快來同佢哋影相沾吓財氣。
K11 竹願園景 放大圖片 
K11以竹為題，使用 188枝金箔真竹配喜鵲，重新演繹牛郎織女於喜鵲橋相會嘅浪漫。喜歡合照嘅話，仲有個 3.5米高的「喜鵲情籠」俾你玩，情到濃時仲可以喺許願木牌寫上情深說話！
香港區國金 風箏展翼 放大圖片 
IFC放咗一條長達 100呎、全港商場最長嘅龍風箏！場內另展出 40件巨型風箏，據講用咗四個星期，全人手繪畫、製造，加上地面展出近百隻晶瑩典雅嘅琉璃金兔，好似身處桃花林一樣，啱晒影相留念。
太古城中心 財源滾滾來 放大圖片 
太古城中心庭園中央設咗兩座滿載年花及金珠串嘅巨型紅色水車，寓意花開富貴、貨如輪轉；商場地下仲有個「心想事成」水車，行近會聽見水聲潺潺，運轉不停，去影相自然可以沾啲財氣、財源滾滾。
時代廣場 財神桃花燈 放大圖片 
時代廣場有棵 10米高巨型財神桃花燈，燈罩上共裝置了 1,088朵五光十色桃花，還有金黃色的蝴蝶於花間飛舞，好兆頭又搶眼。另外仲可以到電子版財神殿求福㖭！
新界區新都會 潮語猜燈謎 放大圖片 
新都會廣場特選咗極好意頭嘅 8,888朵賀年年花，配上身穿節慶服裝嘅可愛娃娃，同大家拜年。場內另設 101潮語燈謎陣，喺電視屏幕中同大家玩猜燈謎。
新城市 精雕花瓶 放大圖片 
沙田新城市廣場一期三樓，放置咗一個個紅彤彤的通透精雕花瓶，上面嘅珠簾閃爍，有如銀柳一樣垂落，配上盛開嘅桃花，特別吸引鏡頭。想來年桃花緣旺，必影！ 
留言列表
