懷疑因為不堪被撇，而出手打女友鄺敏慧的崔建邦，事件鬧大後一直匿埋。不過有指他主動求無綫幫他請律師解圍。
30歲的崔建邦，一直得到無綫陳總力撐，前途光明，點知自己唔爭氣，負面新聞不斷，成為新晉溝女王不特止，近日更牽涉狂毆女友事件。
本周二（ 22日）晚，與崔建邦只秘密拍了拖 4個月的 o靚模鄺敏慧忽然驗傷兼報警，報稱與崔建邦「攤牌」時，有人火起向她大打出手，叉頸㩒住打及強行搶手機。翌日，苦主鄺敏慧更加開記招數臭「躁狂邦」，直指男方曾酒後掌摑她。據知鄺敏慧不止一次「硬食」崔建邦拳風，拍拖 4個月以來，已經不下三次捱打。
周三無綫馬上開會決定將崔建邦所有工作 hold起，崔建邦心知今勻事件鬧大難以返轉頭，遂主動哀求無綫替他請律師度難關。花心打女人，已經令崔建邦形象插水，如今冇工開又惹埋官非，看來今勻可謂一拳玩完。
互動片段

崔建邦打 Model女友

女友診所覆診

開記招數崔建邦

唐詩詠出口撑崔建邦

本周二（ 22日） o靚模鄺敏慧突然到醫院驗傷，及後報警求助，令她和崔建邦的情侶關係正式曝光。鄺敏慧報稱當日下午 4時在崔建邦九龍塘家中，因分手一事發生激烈爭吵，崔欲取回她手機內的親密合照及多月來他所發出的甜蜜短訊，其間鄺慘被人雙手叉頸，弄致手和頸部紅瘀。事件引來大批記者採訪，報案後鄺敏慧漏夜返回大角咀寓所。


崔建邦個子不算高，但曾成為散打比賽六連勝，因而有「散打王」稱號，可想而知中佢一「拳」，絕對唔嘢少。
 
12月 23日開記招數臭賤男
鄺敏慧在記者會上表示連其母今次也對崔建邦跌晒眼鏡，佢喊住話：「平日佢喺我屋企人面前，好有禮貌好尊重長輩，媽咪知道後都同我一齊喊。」
 
記者會上，鄺一再展示被崔建邦叉頸的瘀痕。
 
記者會後鄺到公司附近睇醫生，之後再由經理人 Frankie陪同下乘的士返回大角咀寓所。
 
本月 16日生日的鄺敏慧曾把自己切蛋糕相放上 blog，原來當日身邊還有崔建邦為她慶祝。
 
鄺聲稱在手機內剩下與崔建邦的合照不多，其中一張是二人與朋友唱 K的合照。
 
鄺提供的一張崔建邦照片，背景疑似酒店房，看來二人關係相當親密。

飲醉兜巴星


現年 20歲的鄺敏慧，為中國、巴西混血兒，參加森美的《十人巷》而為人認識，最近有份參演古天樂主演的《撲克王》。

翌日（周三）下午 3時半，鄺敏慧乘勢在位於北角的經理人公司開記者招待會，還帶同崔建邦一直想取回的部分相片及 SMS，將動粗賤男的暴戾真面目揭示出來。其間鄺敏慧無所不談，自爆在 8月參加 J2台一個比賽節目與崔建邦認識，不足一個月已火速撻着，及至周二提分手遭對方毆打的經過。她更指已非第一次被打，「試過一次佢（崔建邦）飲醉酒，就摑咗我一巴；有時嗌起交，佢都有動粗，仲用粗口辱罵我。（咁你都忍佢？）因為愛情盲目，我好愛佢……次次嗌完交，其實係佢嗌分手，但幾個鐘後佢又會番我。」提到周二被打經過，鄺續說：「佢一推，我就已經跌咗落地，跟住佢㩒低我喺地，叉我條頸，要我俾番部手機佢。當時我已經唞唔到氣，嗌救命！佢 delete完啲相同 message，即刻掉番部手機俾我，再摷我手袋攞番部相機，部相機係之前佢送俾我嘅，裏面冇任何相。當時我哋喺房，佢阿哥喺出面，唔知佢聽唔聽到，但我哋嗌交好大聲！」
自揭情信 sms


冧女情信
兩人拍拖不夠一個月，已經同遊澳門住威尼斯人酒店，情到濃時，崔建邦更隨手拈來酒店紙張，寫出冧女語句，其中「沙仔」是男對女暱稱，而「大王」則是女對男稱呼。
 
肉麻短訊
崔建邦不時以 sms報告行蹤，就連前度女友唐詩詠傳 sms給他都話俾鄺知。
 
崔建邦冧女了得，三五七時就會 sms情話冧對方。


打傷人最高囚三年
鄺敏慧報警指遭受崔建邦襲擊，警方發言人表示事件已列作毆打傷人案處理，現正聯絡崔建邦到警署協助調查。梁永鏗律師表示：「毆打傷人罪成嘅話，最高可以入獄三年。警方現階段會搜集晒案件嘅資料同證據，然後會交俾律政師，由律政師作出正式起訴。至於由列作案件到起訴嘅時間就冇一定標準，有啲案件可以短至兩星期，有啲可以拖到兩三年。就算原告人中途突然話唔再追究，警方都未必會徹銷控訴，到時原告人就會安排做案件嘅證人。」
自爆遭恐嚇
此時身旁的經理人 Frankie說：「咁依家佢（指鄺）俾人恐嚇同打喎，梗係要報警啦！」不過當時 Frankie未有正面回應記者，崔建邦如何恐嚇。事後本刊記者再致電 Frankie，他則代鄺敏慧回應：「咁崔生當時講過啲恐嚇字句，加上之前崔生已經上過 Elizabete（鄺之洋名）屋企過夜， Elizabete父母都會開門俾佢，所以依家佢哋搞成咁，都會擔心佢搞 Elizabete屋企人。」正如鄺敏慧在記招上說：「佢見過我父母，佢喺我媽咪面前係好有禮貌，好專重長輩，但冇人會估得到佢會做到咁！」
事件發展至今，只有鄺敏慧一方說話，而崔建邦一直潛水，匿在其位於九龍塘畢架山寓所內。原本周三（ 23日）他要返無綫錄影的《 My name is邦》及《勁歌金曲》，兩節目分別要臨時取消及換主持。據知警方接到鄺敏慧報案後，將事件列作毆打傷人案處理，已經聯絡崔建邦協助調查，日內崔建邦或需現身警署。


12月 22日驗傷報案
晚上 8時，鄺敏慧入院驗傷，由兩名男女同事陪同下經特別通道離開。
 
早前，本刊就崔建邦與唐詩詠分手一事問崔，當時他所穿的黑白格仔恤衫，與鄺敏慧入院驗傷當日的款色很相似，十足情侶裝。
 
入院驗傷
與崔建邦經過一輪激烈爭執後，鄺敏慧除了頸和手臂（右圖）有瘀痕外，連指甲油都甩掉。


大滴眼淚
鄺敏慧坐 CID車到灣仔警署報案後，晚上 11時許，在門外訴說被毆經過時，情緒激動，大滴眼淚奪眶而出。
 
返家避靜
之後鄺敏慧由經理人陪同乘的士返回大角咀寓所休息。

慣用 sms冧女


崔建邦向來好杯中物，亦愛夜蒲，鄺敏慧就指他有次飲醉後摑了她一巴。《 Face》圖片

據一位知情人士透露，「散打王」崔建邦性格急進，幾杯到肚就會變得好暴躁，「崔建邦好鍾意夜蒲，飲開又自制唔到，酒品好差，一飲多兩杯，遇到少少唔啱心意嘅嘢就會發脾氣。有次嬲到將酒吧枱上個煙灰盅敲爛，嚇到側邊啲人都怕咗佢。最近佢阿哥欠債單嘢又令佢好，郁啲就好火爆囉！」
其貌不揚的崔建邦，冧女亦有一手，入行以來與多個女星如袁彌明、甄詠珊、徐淑敏等傳緋聞，至於與拍拖五年嘅唐詩詠，亦離離合合過數次。崔建邦每次都使出自己慣常所用的冧爆 sms、情信及管接管送的冧女招，來番唐詩詠。一位知情人士透露，「唐詩詠都知崔建邦花心，其實都原諒過崔建邦好多次，不過崔始終死性不改，就算番唐詩詠，隔咗冇幾耐又繼續溝女。有個咁嘅男友，係女人都走啦！」
勁歌轉司儀
經高層開會，決定暫時 hold起崔建邦所有工作。周三，電視城貼出的通告，除了顯示《 My name is邦》錄影取消之外，《勁歌金曲》主持，亦改由胡蓓蔚（圖右）頂上。


無綫離棄
動粗打鄺敏慧事件發生後，崔建邦除了冇咗女友，形象插水之外，連一直好撐佢的無綫都有可能離棄佢，可謂一拳玩完。本周三，無綫高層經過緊急會議商議後，除了即時 hold起他所主持的《 My name is邦》和《勁歌金曲》外，就連快將推出的《十大娛圈奇案》和明年 1月 16日的《勁歌金曲頒獎典禮》，都抽起崔建邦主持一職。為此綜藝科總監何麗全向記者表示，「其實《 My》仲有存貨，所以唔會太受影響，節目會由原本做到明年 4月，縮短到明年 1月。至於 1.16勁歌總選會唔會崔建邦做，就仲未知。」至於一直視崔建邦為愛將的陳志雲就表示，因為崔建邦現時情緒不穩，不適合開記者會，對於涉打女友一事，陳總則避重就輕說：「咁年輕人男女拍拖嘅嘢好難講啦。」
昔日崔建邦恃住有陳志雲撐，節目做到唔停手。不過近日有工作人員透露，崔建邦為人愈來愈囂張，錄影節目《 My name is邦》時，經常遲到兼準備不足，有次更要嘉賓呆等三粒鐘。製作人員早有怨言，但鑑於崔建邦後台夠硬，眾人都敢怒不敢言。今勻名牌司儀因為打女人就變成世紀賤男，形象極速插水，連 TVB對佢都冇情講。崔建邦真係幾難有運行。


崔建邦前女友唐詩詠及鄺敏慧（左），上周四曾同場出席《香港冬日玩具遊戲節》。《蘋果日報》圖片
 
崔建邦花心，唐詩詠才與他分手，上月唐已火速與無綫三線男藝員黃嘉樂傳緋聞，黃還經常做柴可夫管接送。
 
黃嘉樂

藝人反應
白韻琴：好冇文化
「打女人一定唔啱，佢（崔建邦）好冇文化，就算咩問題解決唔到，都唔應該出手。我哋係文明人，咩事都可以用口解決。我覺得個女仔去報警做得好啱，冇理由同佢打埋一份吖！（經過今次事件，你覺得崔建邦有冇資格做主持？）呢啲嘢你去問陳志雲啦！我根本唔會睇佢！」
袁彌明：打女人係死罪
「我好耐之前都同崔建邦私底下見過面，不過睇唔出佢係會打女人囉！佢都風流得耐啦，呢啲風流債係要還嘅！佢始終係學拳，出招一定順手過普通男人。如果事件屬實，真係好影響佢形象，打女人係死罪，冇觀眾想喺電視上見到一個曾經打女人嘅男人囉。」
甄穎珊：覺得好震驚
曾被拍得與崔建邦結伴蒲吧的甄穎珊，得悉事件後說：「我當晚已經知道呢個消息，聽咗都覺得好震驚。其實都有一段時間冇同 Amigo聯絡，不過以前同佢飲嘢，都覺得佢幾有風度，唔似會打女人！」
胡蓓蔚：唔應該用暴力
臨危授命接替崔建邦主持《勁歌金曲》錄影的胡蓓蔚，坦言對於舊拍檔打女人一事感愕然。「我係今日（ 23日）中午接到公司電話，叫我返嚟代 Amigo（崔建邦）主持《勁歌》，其實我今日睇到報道，都有少少心理準備嘅啦！我冇聯絡過佢呀，仲嫌佢依家未夠煩咩？」對於男人打女人，她說：「咁一定唔啱啦，總之唔應該用暴力，乜都可以坐底慢慢解決。」
 
崔建邦打女報道見街後，網友群起鬧爆他。


12月 23日唐詩詠表態


我信有報應！

崔建邦前女友唐詩詠以全黑打扮從寓所外出，相約親戚拜祭亡母，其間問到崔建邦打 o靚模女友鄺敏慧一事，她仍雪中送炭說：「我信佢（崔建邦）唔係啲咁嘅人！」
之後，記者再致電唐詩詠，她說：「我同崔先生嘅事，我同佢兩個知道就夠，以我識咗佢咁耐，佢冇打過我。（佢係咪有醉酒暴力傾向？）我唔飲酒，我唔知佢飲醉會點。（點睇鄺敏慧開記招爆大鑊？）我對佢做嘅嘢同講嘅嘢冇感覺，唔想幫人做宣傳，不過我相信呢個世界有報應。」
愛得深打得甘
娛圈光怪陸離，無奇不有，不少男藝人因愛成恨，訴諸暴力，最終鬧上差館。
劉詩昆
年近七十歲的鋼琴大師劉詩昆，今年初被指涉嫌襲擊比他年輕 21年的第二任妻子蓋燕，蓋燕報警表示頭部、背部和手部受傷。二人現時仍就婚姻問題互相提出訴訟。
蔡康年
99年，有傳當時與蔡康年拍拖的施念慈被人掌摑，雖然事後二人做大龍鳳，公開拖手互吻扮恩愛，可惜之後又在電視城吵大鑊，當時施念慈更被蔡開倒車撞傷，最終分手收場。
劉永
84年，有酒後暴力傾向的劉永懷疑妻子戴良純有婚外情，二人在台灣寓所講數時，劉永拿起水果刀劃傷女方臉部。事後劉永着草返港，同時亦被台灣警方通緝。二人最終離婚，劉永更要支付六百多萬的醫藥費。
岳華
70年代時期，岳華揸車送喝至爛醉的恬妮返家，途中恬妮突然伸手捉實軚盤，岳華大力地一手推開她令她受傷，事後恬妮報警求助。二人最後達成和解，至今仍共同生活，被視為圈中模範夫妻。

TVB主持花心打女人 崔健邦4個月動粗3次
30歲的TVB主持崔健邦，一直得到陳志雲力撐，前途光明，哪知自己不爭氣，負面新聞不斷。22日晚，與崔健邦只秘密拍拖了4個月的靓模邝敏慧忽然驗傷兼報警，報稱與崔健邦“攤牌”時，有人向她大打出手。翌日，邝敏慧更加開記者招待會控訴崔健邦，直指男方曾酒後打他。據知，邝敏慧已經不止一次被崔健邦打，拍拖4個月以來已經不下三次挨打。

而TVB在事發後也馬上冷凍崔健邦，停止他一切工作。花心打女人，已經令崔健邦形象跌落谷底，如今工作被停又惹上官非，看來這次可謂一拳玩完。








 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄