探熱針
睇拍戲 氣爆炸彈圍炸 謝霆鋒搏命換千五萬
唔敢一口答應
經不起導演再三要求，霆鋒應承搵命搏，一 take過拍完爆炸 ending。
《救火英雄》的 ending場面由謝霆鋒引爆作結尾。由於導演郭子健發覺構思好的場口單靠用特效的話，效果未如理想，於是游說謝霆鋒親身上陣，站在不足幾米距離的十多磅氣爆炸彈前，交戲做反應。
氣爆炸彈的威力足以將整個人彈起，加上無特技人先做示範，亦沒有彩排的機會，一 take過拍攝，隨時有受傷可能，工作長期排到密麻麻的謝霆鋒怕稍有失誤影響之後的工作，初時亦十五十六不敢一口應承，但又經不起哦功了得的導演，最後落疊。
「真係講個信字，無得試，又唔可以用替身，同十幾磅氣爆炸彈企得咁近，的確好易出事。難得霆鋒肯搏，亦一 take做到我想要嘅反應，其實唔怪得佢猶豫，霆鋒都話，如果唔係信得過爆破特技指導，佢一定唔會拍！」郭子健說。
收工沖兩次涼
火警題材，電影有火就有煙，為達到視覺效果，煙效不離麵粉和芝麻糊沖粉，單是 ending場口，便用了三十包麵粉（麵包店專用的 22kg裝），此外，導演說芝麻糊沖粉、生粉之類的粉劑，在每個火災場面都要大量採用。
「即使每日都戴住面罩開工，收工嗰陣，耳口鼻都一定滿布麵粉，沖兩次涼先至洗得晒。」有份演出的安志杰說。
戲內的煙效，主要由麵粉製造出來。 
老戲骨任達華同霆鋒有不少對手戲，更坦言揸槍扮賊易過揸喉救火。
八十後頂唔住
此外，演員在電影中的裝備，全部都跟足消防處規格，由 PBI Matrix製成，整套消防員制服連帽及呼吸器，重量足足有二十公斤之多，開拍期間正值盛夏，即使八十後的陳偉霆都嗌難頂。
「七、八月最熱嗰幾日，戴住個 BA（呼吸器）開工，好似抖唔到氣咁，好辛苦，但係見到霆鋒佢哋開工都好少除低套 BA，搞到我都唔敢成日除，怕影響進度。」陳偉霆說。
拍攝現場大多環境惡劣，加上重秤裝備不離身，就算唔使埋位，霆鋒都辛苦到「柄埋」一邊，唯獨有兩晚拍消防車撞牆，有老死陳奕迅和房祖名探班，霆鋒才有番啲表情。
大雨下全副裝備爬車頂，拍到中途，霆鋒老死 Eason同房祖名前來探班，同導演郭子健影合照。 
苦中作樂，陳偉霆揸機影低霆鋒扮收音師。
拗手瓜等埋位，余文樂未必是胡軍對手。 
入火場救火，唔算高大的余文樂（左）同謝霆鋒，要兩個人合作先舞得掂條消防喉。 
撰文、攝影：娛樂組
留言列表
