11年單薄晒5呎 1吋高體重唔過 100磅嘅林欣彤，嵋家唔只體型單薄，塊面仲瘦到尖晒，但佢仍然話上鏡都仲有啲肉

小巨肺林欣彤自上年攞咗《超級巨聲 2》冠軍後，唔只即獲英皇簽為旗下，出道唔夠一年仲出埋個人大碟《 Vocalist》，巨聲班師兄弟都唔夠佢勁。
年尾各大獎項攞硬「最佳新人獎」，最近仲頻頻接拍電影，早前先孖住英皇一姐容祖兒開拍新戲《 Diva》，上週六又同另一英皇師姐詩雅及何佩瑜（ Jeana）一齊出席新戲《起勢搖滾》開鏡。只得 21歲嘅阿 Mag，細細個已識把握機會搏命搵錢， FBI都好佩服，不過當日探班時見到佢成個瘦晒，同上年爭成個碼， FBI都戥佢辛苦。



10年發水麵包上年尾，贏得《超級巨聲 2》後，拍 TVB電影《我愛 HK開心萬歲》時，塊面仲脹卜卜，好有肉哋！

阿 Mag同 FBI講，呢幾個月佢足足瘦咗 20磅：「前排啱啱忙完出碟，家又要拍《 DIVA》同《起勢搖滾》，日日瞓得 2、 3個鐘，同埋我好難先瞓得着。其實我一日 3餐都好正常，但家體重都唔夠 100磅。我諗因為我好大壓力。」日日瞓得兩粒鐘，明星認真唔易做。

任度


 

女人最棹忌係肥，家陣瘦晒嘅林欣彤就唔介意俾 FBI度佢嘅手臂、小腿，甚至腰圍。


 

上週六《起勢搖滾》開鏡，做主角嘅阿 Mag（紅圈）就傍住首次做導演，拍過唔少紅星 MV嘅李志倫（ Jacky）一齊切燒豬，而 Jeana（戴帽者）都要企喺佢後面。

瘦到寒背


上週阿 Mag出席《 FACE》 U Star校花校草決賽做壓軸嘉賓時，拍埋司儀 Bob身邊，明顯瘦到寒背。

一姐照顧


有幸拍住一姐祖兒拍《 DIVA》， Mag梗係開心都嚟唔切，有真正 Diva祖兒睇實， Mag都好放心囉！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄