獨家全身睇　在停車場泊好車後，一身黑衣，着平底波鞋的栢芝手持麥記外賣施施然上樓，懷胎近 4個月的她肚形已凸顯。"
封面故事
兩度流產　栢芝驚恐懷胎
2009年11月20日
上月本刊獨家拍得張栢芝的大肚照，有傳她更懷有雙胞胎，事後謝霆鋒被多次追問下，才笑着親口證實自己快將再做老竇。
看似是件歡天喜地的事，但原來謝家上下對此卻極度緊張和憂心，皆因栢芝並非早前所傳的流產過一次，而是有兩次流產的悲痛遭遇。所以一直恨生很多小朋友的栢芝，今次能再成功懷孕，自然乖乖嚴守奶奶拉姑所下令的多項戒條，謝絕與外人見面，甚至連栢芝媽都被禁上門。
連日來，栢芝幾乎足不出戶，在舂坎角大宅安胎，就連家中各人都要全天候戴口罩，以防細菌傳給大肚婆，認真誇張。至上周五（ 13日），栢芝終於忍唔住出外唞吓氣，記者發現懷胎近四個月的她，腹部已明顯隆起，體形卻依然略瘦。雖然兒子 Lucas一直在旁，但栢芝從未抱過他，相信是惟恐胎兒小器。
自從霆鋒承認老婆再度有喜後，這一個月來，栢芝都相當深閨，幾乎每日均留在家中靜心安胎兼進補。此外為了胎教，百無聊賴的她還特意學鋼琴。


上周五（ 13日）下午 3時許，霆鋒乘車從舂坎角大宅到銅鑼灣禮頓道一間餐廳，下車後他手持兩部 PSP，不用拍劇的他把握時間玩夠本。
 
記者隨即返回舂坎角，發現栢芝平日駕駛的白色凌志房車已駛離大宅，至 5時許，栢芝才駕車返家。即使在車內她依然佩戴口罩。
 
當時 Lucas由傭人負責照顧，栢芝為免凸肚上鏡，甫入即「面壁」，十分避忌。

偷雞帶仔食快餐
直至上周五（ 13日），霆鋒為了讓悶爆的老婆出外唞啖氣，遂使出調虎離山之計引開守候在門外的記者，等栢芝及囝囝 Lucas乘機到附近麥當勞食個下午茶。不久，記者就發現栢芝駕車返家。當時她身穿鬆身黑衫戴上口罩，落車一刻還手持一袋麥記外賣。
現場所見，懷胎近四個月的她身形依然纖瘦，但腹部已明顯隆起，步行的速度亦較緩慢，抱 Lucas的責任則由傭人負責。
查小欣爆栢芝兩小產
栢芝如此小心護胎，與她已小產過兩次有關。近日查小欣在其 blog內寫到：「其實栢芝一直急於為霆鋒再生，可是卻不幸兩次小產……」事後查小欣提到此文章，她補充說：「我係唔會講假話，我講出嚟只係想祝福佢哋終於守得雲開，如願以償……但我當然唔會講消息點得番嚟。」
據知，栢芝兩次小產皆是誕下 Lucas之後發生。一次約在去年初，懷孕初期的栢芝因情緒失控導致小產，隨即入院做手術，另一次則是去年 9月，再度懷孕的她當時不以為意，皮膚出現過敏徵狀至幾乎爛面，後來胎兒更有不穩現象，最終亦滑胎。
拉姑吩咐栢芝守戒


經拉姑一聲令下，謝家全屋人都要遵守戴口罩規條，就連傭人在家打掃，都戴上口罩。

由於這兩次不幸經歷，令栢芝甚至謝家上下都心痛不已。汲取教訓後，奶奶拉姑為免栢芝粗枝大葉再動胎氣，早在兩個月前栢芝驗出有孕時，已緊張地吩咐她要定時到之前為她剖腹產子的梁淑德醫生醫務所檢查。為慎重起見，更要多睇一位醫生。另外拉姑亦要栢芝嚴守戒條，除了不准她去旅行，盡量少出街之外，更要無時無刻戴上口罩防菌。即使家中各人以至傭人，每逢栢芝在家，亦需戴上口罩。
拉姑亦禁閒雜人等在栢芝懷孕初期上門探栢芝，尤其是煙民一族，總之杜絕栢芝接觸有機會影響其身體的人，所以一向無煙無酒不歡的栢芝媽，近幾個月都未見過栢芝。「謝家嗰邊啲人係嘮嘈啲同麻煩啲 o架啦，栢芝依家冇收入，只係靠夫家，冇法啦！咁栢芝都知自己要對之前小產負部分責任，依家咪惟有少見人少出街囉。栢芝媽又唔想個女夾喺中間難做，依家都係間中同栢芝傾電話同 sms，先知道佢同 Lucas嘅最新狀況。」一知情人士透露。
栢芝媽緊張談愛女
冇栢芝再供養的栢芝媽，惟有靠自己。去年她與男友在西環開設餐廳「西環碼頭」，據知最近她又有新搞作，與其親友合資在尖沙嘴柯士甸道開了一間酒吧「 333」。上周六凌晨 2時許，記者發現栢芝媽與一大班好友在酒吧內狂歡，其間栢芝媽狂隊啤之餘，亦煙不離手，無視室內禁煙條例。至凌晨 3時許，她已經飲到啤啤夫。
事後，記者致電栢芝媽，對於生意上的提問，她不介意回應。不過說到近月唔准探栢芝，以及栢芝再有喜事宜，她即顯得不欲多談。
記：栢芝媽，你最近開咗間酒吧喎。
媽：唔係我開嘅……我幫手睇吓打點吓啫，係我家姐開 o架，開咗成年。
記：近排有冇見栢芝呀？
媽：（態度突轉緊張）呢啲唔好問我啦，我唔知呀，你問番佢哋嗰邊啦。
記：咁栢芝有咗，你知唔知？
媽：（趕住收線）我唔知，唔知呀，總之你唔好問我呀。


上月 15日，本刊拍下僅懷胎不足三個月的栢芝罕有與 Lucas外出，當時栢芝十分小心，戴帽戴口罩。為了避免記者拍得微隆腹部，她更刻意扯高衫以作掩飾。與此同時，其傭人慎防「主人」上鏡，亦顯得極緊張。
 
栢芝與親母以往關係親密，除了每月支付母親、細佬等人生活費外，兩母女亦經常如孖公仔出席活動，想不到栢芝嫁為人妻後，兩母女見面機會就大大減少。《壹週刊》圖片


霆鋒冇見外母
栢芝媽冇得見愛女，相反霆鋒這個女婿亦似乎對老婆外家不聞不問，近月均未有發現謝張兩親家見面。本周二（ 17日），記者問到拍攝新片《綫人》的霆鋒，他亦坦言唔知外母最近動向。
記：栢芝有咗喎，依家身體點呀？
謝： OK吖！
記：咁你近排有冇見過栢芝媽呀？
謝：（皺一皺眉，不發一言）……
記：佢好似開咗間酒吧，成日去打躉？
謝：咩話……唔知喎！
事後記者亦曾就栢芝嚴守戒條一事致電拉姑和四哥，其中拉姑手提電話一直轉駁至留言信箱，截稿前仍未聯絡得上。至於四哥，記者恭喜他又快做爺爺時，他笑得開懷說：「多謝，多謝！（之前唔講係怕 BB小器？）嗰陣……我未知吖嘛！（依家全家戒備，仲要戴晒口罩喎。）梗係小心啲好啦，總之要小心啲呀！（係咪因為咁，唔想人探栢芝，連栢芝媽都唔上去？）唉……我好忙呀，唔得閒答！」之後匆匆收線。


聞栢芝媽愕然　周二（ 17日），霆鋒在灣仔街頭拍《綫人》，當日氣溫只得十三度，剃了光頭的他凍上加凍，要着羽絨禦寒。記者問及關於栢芝懷孕的問題，他雖未有正面回答，依然笑晒口。但被問及最近有否見栢芝媽，他卻戚一戚眉表示愕然。
 
拍攝期間，霆鋒煙癮大發，就地扯煙，相信他為了栢芝腹中塊肉健康，亦禁絕自己在家中食煙。
 
06年栢芝嫁作人婦後，一直被傳與拉姑的婆媳關係惡劣，栢芝為掂奶奶，陪 high tea陪行街在所不計。
 
今年母親節的前一日和正日，栢芝就分別宴請了老爺奶奶到舂坎角寓所慶祝，謝賢更 high到抱起 Lucas到露台跳舞。相反栢芝媽就落得空虛，連和女兒碰面的機會都冇。


經歷兩度小產後，栢芝對今次懷孕特別着緊，連日來都留在家中休息。即使 Lucas扭計要出街，栢芝亦只好找朋友接送外出。

醫生：小產三次減低懷孕機會
大情大性的栢芝，去年飽受淫照風暴困擾，一直恨生成竇仔女的她，雖然與霆鋒多次努力造人，可惜兩度意外流產。關嘉美醫生指導致小產的成因眾多，小產亦分早期和非早期，「孕婦懷孕 12周或之前叫早期流產，因為胎盤先天唔正常、染色體、荷爾蒙同生殖系統出現問題，或者子宮一分為二呢啲自然因素都會導致早期流產。至於懷孕 12周至 20周流產都屬於非早期，孕婦可能感染性病、梅毒、虐疾、糖尿病、心臟病、甲狀腺系統有毛病，飲食習慣唔好，母親有毒癮、索 K、或者撞親個肚導致子宮頸鬆脫，都會引致小產。」
關醫生同時指出連續小產三次會減低懷孕機會，「小產兩次其實都好普遍，如果連續三次或以上，就會減低懷孕機會。其實只要孕婦克服之前小產陰影，多啲休息同做產前檢查，避免食生冷嘢，出街戴口罩，都可以生個健康 BB。」
煙剷栢芝媽夜店打躉
栢芝兩度流產後再成功懷孕，為免細菌感染，就連栢芝親生阿媽都禁絕上門見愛女。而本刊記者更收到消息，指栢芝媽最近經常流連尖沙嘴一間夜店。該店位於柯士甸道地庫舖位，面積逾 1,500呎，內裏設有兩間 VIP房，另有舞台可供客人點歌唱卡拉 OK。據記者觀察，此夜店主要客路是 40歲以上人士，其間更有客人上台點唱粵曲，認真搞嘢。
室內扯煙
上周六（ 14日）凌晨二時許，栢芝媽與一大班友人在夜店中玩得興奮，煙駁煙扯不停。現場所見，栢芝媽毋須做侍應，只與客人應酬，吩咐侍應攞酒等。


隊啤
栢芝媽乃豪氣之人，不停與身旁友人舉杯暢飲。「 333」酒吧位於柯士甸道，不屬酒吧旺區，不過每逢周末都頗旺場。


母女疏離

栢芝與母親 Davies Shally的關係一向好好，早期栢芝媽經常陪栢芝出出入入，更有傳栢芝為了孭起頭家，每月要支付 120萬生活費俾阿媽同兩個細佬柏文和豪龍。但自從 06年下嫁霆鋒後，栢芝和阿媽的關係慢慢疏離。
禁見外孫
去年栢芝為 Lucas搞 1歲生日會，有傳拉姑嫌栢芝外家關係複雜，故一早向栢芝提出，叫她不要邀請栢芝媽一同慶祝。
閂大水喉
栢芝叠埋心水做湊仔婆，全家經濟支柱由霆鋒撐起，豈料去年金融海嘯令栢芝自住的舂坎角豪宅帳面價蝕三成。有傳拉姑下令，要栢芝停止供養外家，不久栢芝媽被發現要在西環一餐廳做侍應工作。
冇得過節
今年母親節，栢芝在家中開 P慶祝，為了遷就四哥和拉姑，栢芝就在母親節的周末分兩日搞 P，反而未有與自己阿媽慶祝。
栢芝媽冇咗女兒條大水喉，所持物業最近亦要蝕讓。根據田土廳資料顯示，她和男友馮國志於今年 9月以 807萬購入馬鞍山嵐岸，剛在 11月 16日有一項「等待註冊的契約」，售價 708萬，帳面即蝕近 100萬。

爆張柏芝曾兩度流産 驚恐懷孕嚴遵戒條

上月有傳張柏芝懷雙胞胎，事後謝霆鋒被多次追問下，才親口證實自己快將再做爸爸。

看似是件歡天喜地的事情，但原來謝家上下卻對此極度緊張和擔心，皆因張柏芝並非早前所傳的流産過一次，而是有兩次流産的悲慘遭遇。所以一直想生很多小朋友的張柏芝，這次能再成功懷孕，自然嚴守奶奶狄波拉定下的多項戒條，謝絕與外人見面，甚至連張柏芝母親都被禁上門。









娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 過期 週刊 及 雜誌(4-11月刊)☆ 過期 週刊 及 雜誌(10-11月刊)☆


 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄