Twins一連三場復合演唱會前晚結束，賭王千金何超蓮和大劉紅顏甘比捧場。蔡卓妍（阿 Sa）和阿嬌擔心今次是最後一次在紅館開騷，齊變喊包。阿嬌在慶功宴上重提淫照事件，她說：「我經歷咗好多嘢，曾經失去好多，真係要好好珍惜。」

其他娛樂名人影片

組合 Twins一連三場「 Twins人人彈起 2010演唱會」前晚終於曲終人散，好友如容祖兒及媽咪、周麗淇、蔡一傑、黃偉文、吳浩康及女友莊思敏和王晶等捧場，富商劉鑾雄的紅顏知己甘比及賭王愛女超蓮不約而同撇下另一半，跟女性朋友到場睇騷，其間她們看得相當投入，不時手舞足蹈及拍照。

放大圖片

超蓮（右）撇下男友 Jeremy，相約長髮女友看騷。

放大圖片

Twins走近觀眾席跟 fans握手，超蓮露出興奮笑容。

「我會好珍惜」

當阿 Sa和阿嬌唱到《相愛 6年》時感觸落淚，阿嬌說：「呢兩年真係發生好多事，好多謝你哋仲支持我哋，令我哋再有機會開演唱會，一切都唔係必然。」在旁的阿 Sa也說：「好驚呀，唔知會唔會仲有下一次，可能今次係最後一次。」阿嬌認同說：「我會好珍惜，好用心咁去表演，好怕冇第二次，多謝你哋畀機會。」阿 Sa還幫阿嬌拭淚。大師姐容祖兒和老闆楊受成及楊太坐在台下撐場，之後祖兒被孖妹拉上台，她說：「我由細睇到你哋大，做乜唔多謝我，我咁支持你哋睇足咁多場。其實我冇乜朋友，五隻手指數得晒，你哋係其中兩個，你哋呢兩年真係唔易過。」阿嬌不怕重提淫照事件，對祖兒說：「我哋 Twins兩年前原本係要開演唱會，但因為發生事，結果你幫我哋頂咗個期開演唱會，我真係好感激你。」語畢祖兒和阿嬌都眼濕濕。尾聲時，蔡一傑、吳浩康和周麗淇等上台和孖妹合唱。結果 Twins兩度安哥，約 11時 45分完場，阿 Sa開心表示從來未試過有兩次安哥。

放大圖片

祖兒（中）一連三晚捧孖妹場，更上台合唱，掀起高潮。

放大圖片

甘比（左）同樣撇下劉鑾雄及愛女，帶同兩位女友捧 Twins，衣着打扮貴氣。

「經歷好多嘢」

事後在慶功宴上，問 Twins是否擔心今次是最後一次演唱會？阿 Sa直認：「係 o架，所以好唔捨得。」阿嬌則說：「我經歷咗好多嘢，曾經失去好多，我冇諗過可以再開演唱會，真係要好好珍惜。」提到當年因淫照事件，祖兒要臨急頂替 Twins在紅館開騷，阿嬌表示今次是首次公開多謝她，但之前已私下向她致謝。　採訪：李珮洳　攝影：黃文成


Twins前晚完成尾場演唱會，當唱到《相愛 6年》時齊聲同哭，阿 Sa（右）更為阿

嬌拭淚。

Twins尾場哭崩紅館

一連三晚的「Nokia舞樂作動Twins人人彈起演唱會」前晚於紅館結束，大師姐容祖兒壓軸登場，吸引不少圈中人包括蔡一傑、何超蓮、吳浩康與女友莊思敏、老闆楊受成夫婦等人捧場。Twins當晚因難捨最後演出在台上多次灑淚，阿嬌感觸表示：「呢十年特別係呢兩年發生好多嘢，但大家對我哋都不離不棄！真係好驚冇第二次，多謝你哋畀機會我哋。」兩人向台下的老闆和經理人霍汶希道謝，之後邊喊邊唱《相愛十年》，場面感人。

祖兒壓軸登場，成為Twins演唱會高潮位。

Encore部分Twins帶同好姊妹祖兒現身，全場氣氛High爆，祖兒向兩人說：「我都知呢兩年唔易過，每次見到你哋我都懷住好激動心情，我想每日都陪住你哋身邊支持。」

兩度Encore

祖兒的愛護令阿嬌深受感動說：「兩年前原本我哋開騷，因為我發生咗件事……要多謝祖兒幫我哋頂咗個期。」祖兒亦被牽動情緒：「唔好搞到我又喊埋！」祖兒即緩和氣氛，遂叫全場觀眾玩人浪，三人更捉台下的蔡一傑、洪杰、吳浩康上台演唱，結果兩度Encore才完場。

楊受成夫婦專誠捧Twins尾場。

阿嬌淚流滿面，祖兒即上前擁抱支持。

慶功宴上，Twins承認怕這是最後一次而「喊唔停」，阿嬌坦言過去經歷令她失去很多，沒想過能再踏紅館，希望稍後能去外地巡迴演唱。