好熱好熱…… 3X度的氣溫，蔚藍無雲的天空，猛烈的太陽，暑氣在蒸騰，曬到頭暈暈腳軟軟，仲影乜啫？就快倒地決定吞 pop唔做之際，矇矓中見一三點式台灣妹妹，揸支槍輕盈飄來：「好熱嗎？我們去玩凉快的吧！」噢！幻覺都出埋，嘻嘻，好呀~~！記者、攝影：陳慧敏鳴謝：台灣觀光局、宜蘭觀光局、長榮航空模特兒：欣雅@伊琳
其他副刊影片 第 1關： 120萬人次全敵軍 放大圖片 
噢！怪不得走在宜蘭，田間景色雖美，但人影都無，原來都跑到親水公園的宜蘭童玩藝術節去了。其實第一屆宜蘭童玩藝術節在 1996年就舉辦，但 07年停辦。直至今年才捲土重來，全台的人都趁暑假來玩水，開幕 10日已有 120萬人次入場。 07年停辦做了別的活動後宜蘭人個個不滿，猶記得當年我來採訪民宿，老闆說：「這已經是大人小朋友的共同回憶啦！簡單的設備任你同朋友玩開心好多，也是識女仔的好機會嘛！」暑假玩水，天經地義。直至 8月 15日止，這公園都變成一個水戰場，水域遊戲區內都是 96年已有的改良版「水迷宮」、「大小倒轉水迷宮」及「迷幻霧宮」。「我們的敵人在那邊呢！」欣雅笑笑指指，吓？只見全民皆兵，水池裏有成架坦克般的泵水水炮、有固定的噴水器，有人用力潑水，更多人拿住支泵氣水槍周圍走，阿爸㩒住個出水口，一見 3歲阿女走埋來就射！遇上來自俄羅斯的少年及青年舞蹈團，十幾廿人，電光石火間，大戰開始！人家又水炮又水槍撲過來，周邊細路見有嘢玩又潑埋一份！欣雅揸住支水槍仔點鬥？情況變得一面倒！幸得幾歲的豆丁英雄救美推住個泵水大水炮從後攻擊俄國索女隊，大隊後顧不暇欣雅借勢逃脫！感謝小英雄！逃入噴住水霧的大小倒轉水迷宮，跌入另一個戰場！水彈床上個個發力勁跳，甚至有人捉起朋友丟落水彈床上，激起水花四濺！欣雅被震到企都企唔起，有人圍圈拖手，喝一聲使勁狂踩轉圈！其中一人甩手跌低，全團盡倒仰天長笑，好玩呀……
放大圖片 
■水彈床，我跳！
放大圖片 
■呢度咁淺水，你個水泡有無用 o架？
第 2關：穿崩！叮噹隱形斗篷！ 放大圖片 
■畫面裏個個得番個頭，得我成個變態伯父般無碇匿影相。
逃入有好多機關原理的「機關童玩館」。有冷氣，回氣正好！「穿上隱形斗篷，就沒人見到我，可以突襲啦！」欣雅披上全綠色，像髮型屋件披的斗篷，電視裏的她同小朋友們果然得番個頭在電視裏飄飄吓。但郁嗰陣會穿崩，見到個人形 Outline，仲恐怖啦！館裏面有好多玩物理、玩錯覺的裝置來整蠱你對眼。例如扮愛麗絲放大縮細的放大縮小房；成排人對着兩條跑道的畫搖來搖去，然後一齊衝刺！平面畫忽然變立體還極速衝過來嚇到跑的人見鬼似地散開！還有滑翔飛機模型教學等，啲阿爸玩得仲開心！
放大圖片 
放大圖片 
■腳下會否是時光隧道？
第 3關： 220米變態石春路
今年最新最爆機關卡乃高 18米，長 220米跨越冬山河的「超級 High-Net」。由下面望上去真係乜都睇晒，我指，你細膽腳軟要坐低用 PatPat逐格前進的大人；還是身輕如燕賽跑衝過繩網陣的細路。欣雅腳震震，下望， 18米下單車同小朋友在下面一層呼嘯而過：「好恐怖呀……」中間還有幾個障礙賽機關要你捐這捐那過關。只要豁出去唔怕跌，要企穩實際上不難，幾個懶青春大膽的記者學細路在橋上賽跑同跳，嗚嗚嗚！到終點一下撲在繩網架上，繩結硬繃繃，腳板底痛到「溫溫」聲！但痛了成個鐘，痛完有骨精記者話成身鬆晒！難道真係有石春路返老還童神效？橋底下冬山河上還有童玩節同開心農場合辦的「水上開心農場」。撐住小竹筏或水泡遊農場，咁即是：「有無得偷菜？」
放大圖片 
■離地 18米話唔驚就假，但鏡頭前點都要擺個威風甫士。
放大圖片 
■下層好行好多，仲可以踩單車過冬山河。
放大圖片 
放大圖片 
■鏡頭後，行上超級 High-Net當然死命扶實。
童玩節節目還有：
1.三日兩夜露營的武荖坑野遊趣，由即日起至 8月 15日舉辦幾次的露營大會，每次限額六百人勁盛大，仲有集體活動同包食宿，入場費約$625，不過僅限中小學生。查詢： facebook內搜尋「 2010宜蘭露營季」即可2.宜蘭海洋嘉年華，港澳濱海休憩區會設下重重設施及活動，如堆沙比賽、螃蟹造型遊戲區等。這沙灘七八月滑浪正好，遲些有 Quiksilver滑浪比賽外，成個灘都堆滿出租滑浪板，仲有衝浪型男索女周灘走。查詢：http://ocean.e-land.gov.tw
3.周邊還有羅東藝穗節、三星米香節、蘇奧冷泉嘉年華等一大抽未能盡錄，請自己上網http://www.folkgame.org.tw查詢。
宜蘭童玩藝術節
日期： 7月 3日至 8月 15日地址：冬山河親水公園票價：假日每人約$87（ 350新台幣）；平日約$61（ 250新台幣）
Get Wet in Yilan 放大圖片 
溫馨提示：濕身就一定 o架啦，準備定防水太陽油啦！相機手機自己好自為之!
Travel Memo 放大圖片 
持有特區護照或 BNO的旅客可辦理網上或落地簽證，前者費用$75可於三個月內出入境兩次，後者則為 300新台幣，只能作當次出入境使用。7-8月乘長榮航空往台北， 4人同行來回票價每位$1,450起，網址：http://www.evaair.com，查詢： 2810 9251（長榮航空）
110V，兩腳扁插座1港元約兌 4.1新台幣
放大圖片 
台灣 宜蘭下周多雲間晴， 25-33℃ 
■說是水迷宮，但唔愁無出路，跳過水柱就得啦！
留言列表
