胡諾言與陳琪結婚後，去年 9月女兒芷苓（ Jay）出世，組成幸福的三口之家，小 Jay即將一歲生日，兩夫妻日前攜老扶幼三代同堂直闖迪士尼樂園，享受家庭樂，長輩爭着侍候心肝寶貝，胡仔獲囡囡深情親吻甜到入心，甘願被愛女綁實，謝絕一切應酬。
胡諾言和陳琪日前帶同囡囡胡芷苓與雙方母親一同遊玩，由於囡囡自小喜愛迪士尼卡通人物，兩位廿四孝父母為了讓女兒留下歲月足迹，除一家三口外，還與嫲嫲婆婆齊齊出動，參加迪士尼老友大召集，和不同卡通人物合照，逗得囡囡 Jay開懷大笑。
放大圖片 
快將一歲的 Jay十分活潑，跟胡迪和翠絲拍大合照時，興奮得起飛腳。
放大圖片 
胡諾言抱着囡囡試戴眼鏡， Jay醒目地拉開外層的太陽眼鏡片。
「仲開心過我錫佢」
陳琪為了愛女犧牲工作，現時只做兒童節目，希望多加時間照顧囡囡，不過 Jay成長過程第一聲是叫爸爸，母親陳琪難免有點失望，陳琪說：「 Jay六個月大時叫爸爸先，到早前佢聽住胡仔講故事書，又主動錫佢先，我反而就冇，所以我老公好冧，好似初戀咁，仲開心過我錫佢，呢個吻都成為咗囡囡撒手鐧。」陳琪欣賞老公對家庭責任，力讚胡仔是百分百好丈夫，還說：「生咗個女之後令我好安心，老公都冇乜私人活動，俾個女綁實咗。」胡仔將很多女兒的片段和相片儲起，不時與人分享，那種做老竇的興奮心情，非筆墨可以形容，他說：「佢錫我面時種感覺好震撼，佢初吻就畀咗我，相信呢個感受要爸爸先感受到，所以現時就算幾大負擔都覺得值得，當你聽到個女把聲時，你就會好想快啲返屋企。」 Jay的嫲嫲和婆婆相處融洽，對孫女愛不離手，爭取抱抱 Jay之餘，在拍照時又出盡法寶引 Jay注視鏡頭，增添不少樂趣。採訪：卓寶花攝影：黃偉雄場地提供：迪士尼樂園 
胡諾言和陳琪帶囡囡 Jay遊迪士尼樂園，還為囡囡穿上美妮靚裙，令她開心得手舞足蹈。
留言列表
