明星靚相大分享☆

潮流教母 Lady Gaga，去年拍《 Bad Romance》 MV時佩戴「大眼仔」隱形眼鏡，在美國掀起「大眼熱」；其實幾年前日本已率先捲起「大眼熱」，吸引港台韓少女和藝人紛紛加入大眼行列，但專家指，由於這類隱形眼鏡需要在鏡片上添加顏料，隨時有甩色風險，顏料或會永遠停留在眼白和眼珠，視力可能從此受損。記者：蔡俊業攝影：楊錦文

其他副刊影片 【角膜】（ Cornea） 放大圖片

為眼睛最前面的透明部份，覆蓋虹膜、瞳孔及前眼房，配合晶狀體的光線折射，光線可準確地聚焦在視網膜上構成影像，與鞏膜（即眼白）組成眼睛表層。

初為遮蓋角膜疤痕 放大圖片

■ Lady Gaga這個「大眼 Look」瘋魔不少美國女性。

不少女性為了令雙眼更精靈更有神，都會佩戴俗稱「大眼仔」的隱形眼鏡，此種鏡片全名為環狀瞳孔放大隱形鏡片（ Circle Lenses），跟普通的有色隱形眼鏡屬於同一類別。中大眼科及視覺科學學系榮譽臨床副教授楊樂旼（ Alvin）謂，有色隱形眼鏡最初主要作醫療用途，「唔係用嚟扮靚，而係畀因眼角膜壞死而有疤痕嘅病人佩戴，就好似人造眼珠咁，望上去無咁難睇。」由於當時生產技術並未成熟，故佩戴這種隱形眼鏡存在風險，「曾經有個外國病例，話有病人因為佩戴呢種鏡片，顏料滲出，食咗喺眼白，甚至眼珠！」

三文治式夾層設計 放大圖片

■任達華拍《我和殭屍有個約會 2》時曾戴紅色隱形鏡片。

這種「甩色」現象，是其中一種銀質沉着病（ Argyrosis），病人的結膜（眼白部份）會出現灰色，嚴重的會令整塊結膜變成灰， Alvin認為跟生產過程絕對有關，「因以前呢種鏡片真係用人手上色，若跟眼睛接觸後就有機會令顏料滲出！」但隨着生產技術改善，現時有色隱形眼鏡和「大眼仔」都改用夾層設計， Alvin說，「就好似一塊三文治咁，中間那層係顏料，可減低眼球同顏料接觸機會，較安全。」但他無法肯定所有品牌都用這種夾層設計，「若眼球接觸到顏料，有可能出現敏感，所以都係少戴為妙！」

夾層設計測試法

早前有人在網站留言，指部份大眼仔可能是冒牌貨，又列測試方法辨別鏡片是否用夾層設計。1.用酒精浸泡鏡片，待一段時間後，把鏡片取出，其間鏡片會變形。2.然後放白紙上，用棉花棒擦鏡片內部。3.若鏡片屬夾層設計，棉花棒上不會有任何顏色，否則顏料會殘留在棉花棒上，嚴重者更可將鏡片擦成透明。楊教授：理論上可行，但若顏料不可被酒精溶解，便難以測試。

三種不同隱形眼鏡特點普通隱形眼鏡 放大圖片

•沒添加顏色，呈透明狀•分即棄及永久性鏡片•並無任何特別效果•具防 UV功效

有色隱形眼鏡/大眼仔 放大圖片

•鏡面添加顏色，呈環狀•人手或機器把顏色塗上鏡面•部份鏡片用夾層設計，質地較厚•部份透氣度較普通鏡片低•具防 UV功效

教你點戴

•佩戴時間以 8小時為上限•不宜佩戴後睡覺•即棄鏡片不應重複使用•若有不適，如若出現紅筋、眼痛及眼乾，可滴眼藥水或停止佩戴

不適合人士

•關節炎患者、表層視覺曾受創及年老人士•眼角膜曾患潰瘍、眼睛有感敏傾向者

真實個案眼乾到擘唔大　險盲 放大圖片

HotCha成員之一的 Regen已有六、七年佩戴有色隱形眼鏡和大眼仔的經驗，「我好鍾意大眼仔，因戴深色鏡片望上去雙眼會精靈啲，淺色嘅望上去就會好迷人！」兩年前，她更瘋狂到每日一起身便戴，直至夜深，「好誇張，有時真係戴住瞓！又試過戴到成隻眼紅或出現紅筋，但我都係唔會除！試過有次感到右眼有事，除咗鏡片後，無論合埋眼定擘大眼都覺得好似仲有鏡片咁！」但她依然懶理，結果終於出事，「有次剪頭髮，有髮碎攝咗入眼，兩日先走番出嚟，但我之後仍然繼續戴，終於覺得好痛，最驚係瞓覺合埋眼後，我居然擘唔大隻眼，感覺到眼內乾到好似被嘢吸住咗！」後來睇醫生才知，原來眼角膜已經刮損，「若再不理會，最嚴重係會盲，嗰時我先識驚！」從此，她不再戴大眼仔，亦不會像昔日般將兩周期即棄的隱形眼鏡戴足半年，而改為佩戴每日即棄，不過已經造成不可彌補的傷害，「家最多可以戴幾個鐘，因為雙眼已經覺得好痛好攰！」

放大圖片

■關醫生指除非係三白眼同四白眼，否則戴咗大眼仔（左）同唔戴分別唔大！

放大圖片

■外國有人佩戴有色隱形眼鏡後，因顏料滲漏而患上銀質沉着病。

淚水長期不足　如望哈哈鏡 放大圖片

■巨乳頭狀結膜炎屬最嚴重的敏感症狀，上、下眼瞼會長出乳狀粒。（網上圖片）

家庭醫生關嘉美亦曾戴過大眼仔和有色隱形眼鏡，她指雖然未曾聽聞這類鏡片會「甩色」，但戴後亦感不舒服，「因呢種鏡片比較厚，無咁 fit對眼，而且因為有色，透氣度相對唔高，就會影響角膜，咩器官缺氧都唔好啦！」說到底，長期佩戴隱形眼鏡，對眼睛的傷害就是出現眼乾，楊教授說，正常情況下，淚腺會不停分泌淚水濕潤眼睛，淚水分泌會隨隱形眼鏡的佩戴時間而越來越少，若眼球淚水分泌不足，「會令眼睛表層失效，望嘢就會變得混濁，亦有機會令表層受損，增加感染細菌風險而導致眼部潰瘍，甚至失明！」關醫生則補充說，「若長期眼乾，睇嘢會唔清楚，物體亦都會出現彎曲，好似望住磨砂玻璃同哈哈鏡咁。」

戴住瞓感染高百倍 放大圖片

■醫生指深近視的人可考慮戴隱形眼鏡。

現實中像 Regen的情況很多，楊教授說不少人佩戴隱形眼鏡都會出現以下問題，「即棄鏡片就翻戴，又或唔按照清洗同護理程序去處理鏡片，有時仲用水喉水洗，咁樣係非常危險。更多人係長時間佩戴，有學術論文指，戴住瞓覺感染細菌機會，較正常情況高出 100倍！」他建議每日佩戴不應超過 8小時，亦應該選擇每日即棄的鏡片，「咁樣可減低受細菌感染機會，若有細菌入侵，就可能令眼睛潰瘍並結疤，因而令視力轉差。」另外，最好選擇透氣度和吸水度高的鏡片佩戴。